ಆಸ್ಪತ್ರೆಯಿಂದಲೇ ಆರೋಗ್ಯದ ಕುರಿತು ಸ್ಪಷ್ಟನೆ ನೀಡಿದ ನಟ ಸುನೀಲ್

ನಾನು ಆರೋಗ್ಯವಾಗಿದ್ದೇನೆ

''ನನ್ನ ಬಗ್ಗೆ ಇಷ್ಟೊಂದು ಕಾಳಜಿ ತೋರಿಸುವ ನಿಮ್ಮಂತ ಹಿತೈಷಿಗಳ ಆಶೀರ್ವಾದಿಂದ ನಾನು ಆರಾಮಾಗಿದ್ದೇನೆ. ನಿಮ್ಮ ಪ್ರೀತಿ ಮತ್ತು ಹಾರೈಕೆಗೆ ನನ್ನ ಧನ್ಯವಾದಗಳು'' ಎಂದು ನಟ ಸುನಿಲ್ ಸ್ಪಷ್ಟನೆ ನೀಡಿದ್ದಾರೆ.

ಡಿಸ್ಕೋರಾಜ ನೋಡಿರಿ

'ನಾಳೆಯಿಂದ ಚಿತ್ರಮಂದಿರದಲ್ಲಿ ಡಿಸ್ಕೋರಾಜ ಸಿನಿಮಾ ನೋಡಿ ಮನರಂಜನೆ ಪಡೆಯಿರಿ' ಎಂದು ಮನವಿ ಮಾಡಿಕೊಂಡಿದ್ದಾರೆ. ರವಿತೇಜ ನಟಿಸಿರುವ ಈ ಚಿತ್ರದಲ್ಲಿ ನಟ ಸುನಿಲ್ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.

ಲಿವರ್ ಸಮಸ್ಯೆ ಎನ್ನಲಾಗಿದೆ

ಸುನಿಲ್ ವರ್ಮಾಗೆ ಲಿವರ್ ಸಮಸ್ಯೆ ಇದೆ ಎನ್ನಲಾಗಿದೆ. ಬಹಳ ಕಾಲದಿಂದ ಆ ಸಮಸ್ಯೆಯಿಂದ ಅಗತ್ಯ ಚಿಕಿತ್ಸೆ ಪಡೆದುಕೊಳ್ಳುತ್ತಿದ್ದಾರಂತೆ. ಆದರೆ, ನಿನ್ನೆ ಆಸ್ಪತ್ರೆಗೆ ದಾಖಲಾಗಿದ್ದು ಮಾತ್ರ ಜ್ವರದ ಕಾರಣದಿಂದ. ಈಗ ಜ್ವರ ಕಮ್ಮಿಯಾಗಿದ್ದು ಚೇತರಿಸಿಕೊಂಡಿದ್ದಾರೆ ಎಂಬ ಮಾಹಿತಿ ಸಿಕ್ಕಿದೆ.

ಹೀರೋ ಆಗಿ ನಟಿಸಬೇಡಿ

ಒಂದು ಸಮಯದಲ್ಲಿ ನಟ ಸುನಿಲ್ ತೆಲುಗು ಇಂಡಸ್ಟ್ರಿಗೆ ಬಹುಬೇಡಿಕೆ ಹಾಸ್ಯ ನಟ. ಪ್ರತಿಯೊಬ್ಬ ಸ್ಟಾರ್ ನಟನ ಚಿತ್ರಗಳಲ್ಲೂ ಸುನಿಲ್ ಇರಬೇಕಿತ್ತು ಎಂಬ ಬೇಡಿಕೆ ಇತ್ತು. ಬಳಿಕ, ಸುನಿಲ್ ಅವರು ಹಾಸ್ಯನಟನೆ ಬಿಟ್ಟು ಹೀರೋ ಆಗಿ ನಟಿಸಲು ಆರಂಭಿಸಿದರು. ಒಂದೆರೆಡು ಸಿನಿಮಾ ಬಿಟ್ಟರೆ ಉಳಿದ ಚಿತ್ರಗಳು ಹೇಳಿಕೊಳ್ಳುವಷ್ಟು ಸಕ್ಸಸ್ ಆಗಲಿಲ್ಲ. ಹಾಗಾಗಿ, ಹೀರೋ ಆಗಿ ನಟಿಸಬೇಡಿ, ಹಾಸ್ಯನಟನಾಗಿ ಮುಂದುವರಿಯಿರಿ ಎಂದು ಅಭಿಮಾನಿಗಳು ಕೇಳಿಕೊಳ್ಳುತ್ತಿದ್ದಾರೆ.