15 ಕೋಟಿ ಬೆಲೆಬಾಳುವ ಹೊಸ ಮನೆ ಖರೀದಿಸಿದ ನಟ ವಿಜಯ್ ದೇವರಕೊಂಡ

15 ಕೋಟಿ ಬೆಲೆಬಾಳುವ ವಿಜಯ್ ಹೊಸ ಮನೆ

ದಿನದಿಂದದಿನಕ್ಕೆ ವಿಜಯ್ ಖ್ಯಾತಿ ಹೆಚ್ಚಾಗುತ್ತಲೆ ಇದೆ. ಇದೆ ಯಶಸ್ಸಿನಲ್ಲಿ ವಿಜಯ್ ಈಗ ದುಬಾರಿ ಮನೆ ಖರೀದಿಸಿದ್ದಾರೆ. ಹೌದು, ವಿಜಯ್ ದೇವರಕೊಂಡ 15 ಕೋಟಿ ಬೆಲೆಬಾಳುವ ಮನೆಯನ್ನು ಕೊಂಡುಕೊಂಡಿದ್ದಾರೆ. ಹೈದರಾಬಾದ್ ನ ಜುಬಿಲಿ ಹಿಲ್ಸ್ ನಲ್ಲಿ ವಿಜಯ್ ಹೊಸ ಮನೆ ಖರೀದಿಸಿದ್ದಾರೆ.

ಫೋಟೋಗಳನ್ನು ಹಂಚಿಕೊಂಡ ವಿಜಯ್

ಹೊಸ ಮನೆಯ ಗೃಹಪ್ರವೇಶದ ಫೋಟೋಗಳನ್ನು ವಿಜಯ್ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಗೃಹ ಪ್ರವೇಶದ ಸಂಭ್ರಮದಲ್ಲಿ ವಿಜಯ್ ಇಡೀ ಕುಟುಂಬ ಸೇರಿದಂತೆ ಸ್ನೇಹಿತರು ಕೂಡ ಭಾಗಿಯಾಗಿದ್ದರು. ಕುಟುಂಬದ ಜೊತೆ ಇರುವ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿವೆ.

'ನಮ್ಮ ಪಯಣದಲ್ಲಿ ನೀವು ಭಾಗಿಯಾಗಿದ್ದೀರಿ'

ಹೋಸ ಮನೆಯನ್ನು ಖರೀದಿಸಿದ ಸಂತೋಸವನ್ನು ವಿಜಯ್ ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿದ್ದಾರೆ. ಅಪ್ಪ-ಅಮ್ಮ ಮತ್ತು ಸಹೋದರನ ಜೊತೆಗಿರುವ ಪೋಟೋವನ್ನು ಶೇರ್ ಮಾಡಿ "ಅವಳ ಸಂತೋಷ, ಅವನ ಹೆಮ್ಮೆ, ನಮ್ಮ ಹೊಸ ಮನೆ, ನೀವೆಲ್ಲರು ನಮ್ಮ ಪಯಣದಲ್ಲಿ ಭಾಗಿಯಾಗಿದ್ದೀರಿ ಲವ್ ಯೂ ಆಲ್" ಎಂದು ಬರೆದುಕೊಂಡಿದ್ದಾರೆ.

ವಿಜಯ್ ಬಳಿ ಇರುವ ಸಿನಿಮಾಗಳು

ವಿಜಯ್ ದೇವರಕೊಂಡ ಸಹೋದರ ಆನಂದ್ ಕೂಡ ಚಿತ್ರರಂಗ ಪ್ರವೇಶಿಸಿದ್ದಾರೆ. ಇನ್ನು ವಿಜಯ್ ಸದ್ಯ ವರ್ಲ್ಡ್ ಫೇಮಸ್ ಲವರ್ ಚಿತ್ರದ ರಿಲೀಸ್ ಗೆ ಎದುರು ನೋಡುತ್ತಿದ್ದಾರೆ. ಇನ್ನು 'ಮೀಕು ಮಾಥ್ರೇಮ್ ಚೆಪ್ತಾ' ಚಿತ್ರದ ಮೂಲಕ ನಿರ್ಮಾಪಕನಾಗಿಯೂ ಕಾಣಿಸಿಕೊಂಡಿದ್ದಾರೆ.