"ನನಗೂ ಸಂಗಾತಿ ಬೇಕು, ಆದ್ರೆ ಈ ವಯಸ್ಸಲ್ಲಿ ಸೆಕೆಂಡ್ ಮ್ಯಾರೇಜ್ ಕಷ್ಟ ಯಾಕಂದ್ರೆ": ಪ್ರಗತಿ

ಒಂದು ತಪ್ಪಿನಿಂದ ಹೊರ ಬರುವುದು ಕಷ್ಟ

"ಆವೇಶ, ಈಗೋ, ನಾನು ಏನು ಬೇಕಾದರೂ ಮಾಡುತ್ತೀನಿ ಎನ್ನುವ ಮೊಂಡುತನದಿಂದ ಚಿಕ್ಕ ವಯಸ್ಸಿನಲ್ಲಿ ಮದುವೆ ಆಗಿದ್ದೆ. ಆದರೆ ಅದರಿಂದ ಸಾಕಷ್ಟು ಸಮಸ್ಯೆ ಎದುರಿಸುವಂತಾಯಿತು" ಎಂದು ಹಿಂದೆ ಸಂದರ್ಶನದಲ್ಲಿ ವಿವರಿಸಿದ್ದರು. ಒಂದು ತಪ್ಪಿನಿಂದ ಹೊರ ಬರುವುದು ಅಷ್ಟು ಸುಲಭ ಅಲ್ಲ. ನಾಯಕಿಯಾಗಿ ನಟಿಸುತ್ತಿದ್ದ ಸಮಯದಲ್ಲೇ ಮದುವೆ ಆಗಿದ್ದೆ. ಅದರಿಂದ ಸಾಕಷ್ಟು ಕಳೆದುಕೊಂಡೆ."

ಒಬ್ಬ ಸಂಗಾತಿ ಬೇಕು

"ಪೋಷಕ ನಟಿಯಾಗಿ ಶ್ರಮಿಸಿದ ರೀತಿಯಲ್ಲಿ ನಾಯಕಿಯಾಗಿದ್ದಾಗ ಕೆಲಸ ಮಾಡಿದ್ದರೆ ನನ್ನ ಲೈಫ್ ಬೇರೆ ತರ ಇರುತ್ತಿತ್ತು" ಎಂದಿದ್ದರು. ಇದೀಗ ಮತ್ತೆ ಸಂದರ್ಶನದಲ್ಲಿ 2ನೇ ಮದುವೆ ಆಗುವ ಆಲೋಚನೆ ಇದೆಯಾ? ಎನ್ನುವ ಪ್ರಶ್ನೆ ಎದುರಾಗಿದೆ. ಅದಕ್ಕೆ ನಟಿ ಪ್ರಗತಿ ಉತ್ತರಿಸಿದ್ದಾರೆ. "ಮದುವೆ ಎನ್ನುವುದಕ್ಕಿಂತ ಒಬ್ಬ ಸಂಗಾತಿ ಬೇಕು. ಜೊತೆಗಾರ ಬೇಕು ಎನಿಸುತ್ತದೆ. ಆದರೆ ನನ್ನ ಮೆಚ್ಯುರಿಟಿಗೆ ಮ್ಯಾಚ್ ಆಗುವಂತಹ ವ್ಯಕ್ತಿ ಸಿಗಬೇಕು. ಕೆಲವೊಂದು ವಿಷಯಗಳಲ್ಲಿ ನಾನು ಬಹಳ ಕಾನ್ಫಿಡೆಂಟ್ ಆಗಿ ಇರುತ್ತೀನಿ. ಅದೇ ದೊಡ್ಡ ಸಮಸ್ಯೆ"

ಈಗ ಅಡ್ಜೆಸ್ಟ್ ಆಗುವುದು ಕಷ್ಟ

"20ರ ಹರೆಯದಲ್ಲಿ ಇದ್ದಿದ್ದರೆ ಅಡೆಸ್ಟ್ ಆಗುತ್ತಿದ್ದೆ. ಆದರೆ ಈಗ ಅದೆಲ್ಲಾ ಕಷ್ಟ ಎಂದು ಪ್ರಗತಿ ಹೇಳಿದ್ದಾರೆ. ಈ ವಯಸ್ಸಿನಲ್ಲಿ ಮದುವೆ ಆಗಿ ಅಡ್ಜೆಸ್ಟ್ ಮಾಡಿಕೊಂಡು ಬದುಕುವುದು ಕಷ್ಟ ಎನ್ನುವ ಮೂಲಕ ಮತ್ತೆ ಮದುವೆ ಆಗುವುದಿಲ್ಲ ಎಂದು ಪರೋಕ್ಷವಾಗಿ ತಿಳಿಸಿದ್ದಾರೆ. ಮಗಳ ಜೊತೆ ಪ್ರಗತಿ ಒಬ್ಬೊಂಟಿಯಾಗಿ ಇದ್ದಾರೆ. ತಾಯಿ- ಮಗಳು ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ಆಕ್ವೀವ್ ಆಗಿದ್ದಾರೆ. ನಾಯಕ- ನಾಯಕಿಗೆ ತಾಯಿ ಪಾತ್ರಗಳಲ್ಲಿ ಹೆಚ್ಚು ಹೆಚ್ಚು ನಟಿಸುತ್ತಿದ್ದಾರೆ. ಸದ್ಯ ತೆಲುಗು ಚಿತ್ರರಂಗದಲ್ಲಿ ಬಹುಬೇಡಿಕೆಯ ಕ್ಯಾರೆಕ್ಟರ್ ಆರ್ಟಿಸ್ಟ್ ಆಗಿದ್ದಾರೆ.

ನಾಯಕಿಯಾಗಿ ಚಿತ್ರರಂಗಕ್ಕೆ ಎಂಟ್ರಿ

1994ರಲ್ಲಿ ಪ್ರಗತಿ ನಾಯಕಿಯಾಗಿ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟಿದ್ದರು. 3 ವರ್ಷಗಳ ಕಾಲ ತಮಿಳು, ಮಲಯಾಳಂನಲ್ಲಿ ಲೀಡ್ ರೋಲ್‌ಗಳಲ್ಲಿ ನಟಿಸುತ್ತಿದ್ದರು. 90ರ ದಶಕದಲ್ಲೇ ಕಿರುತೆರೆ ಧಾರಾವಾಹಿಗಳಲ್ಲೂ ಬಣ್ಣ ಹಚ್ಚಿದ್ದರು. ಅದೇ ಸಮಯದಲ್ಲಿ ಮದುವೆ ಆಗಿ ಚಿತ್ರರಂಗದಿಂದ ದೂರಾಗಿದ್ದರು. 5 ವರ್ಷಗಳ ನಂತರ ಮಹೇಶ್‌ ಬಾಬು ನಟನೆಯ 'ಬಾಬಿ' ಸಿನಿಮಾ ಮೂಲಕ ಮತ್ತೆ ಬಣ್ಣದಲೋಕಕ್ಕೆ ವಾಪಸ್ ಬಂದ ಪ್ರಗತಿ 2ನೇ ಇನ್ನಿಂಗ್ಸ್‌ನಲ್ಲಿ ಪೋಷಕ ನಟಿಯಾಗಿ ಮಿಂಚುತ್ತಿದ್ದಾರೆ.