ದರ್ಶನ್ ಹುಟ್ಟುಹಬ್ಬಕ್ಕೆ ಪೋಸ್ಟರ್ ಬಿಟ್ಟು ಕುತೂಹಲ ಹುಟ್ಟಿಸಿದ ತೆಲುಗಿನ ಬಿಗ್ಗೆಸ್ಟ್ ಪ್ರೊಡಕ್ಷನ್ ಹೌಸ್‌ಗಳು!

ದರ್ಶನ್ ಹುಟ್ಟುಹಬ್ಬಕ್ಕೆ ಸರಿಲೇರು ನೀಕೆವ್ವರು ನಿರ್ಮಾಪಕರ ವಿಶ್

ಮಹೇಶ್ ಬಾಬು ನಟನೆಯ ಸರಿಲೇರು ನೀಕೆವ್ವರು ಸೇರಿದಂತೆ ಚಾಣಕ್ಯ, ಸೀತ, ಕಿರ್ರಾಕ್ ಪಾರ್ಟಿ ರೀತಿಯ ಹಲವು ತೆಲುಗಿನ ಸ್ಟಾರ್ ಚಿತ್ರಗಳಿಗೆ ಬಂಡವಾಳ ಹೂಡಿರುವ ಎ ಕೆ ಎಂಟರ್‌ಟೈನ್‌ಮೆಂಟ್ಸ್ ದರ್ಶನ್ ಹುಟ್ಟಿಹಬ್ಬದ ಅಂಗವಾಗಿ ಶುಭಾಶಯವನ್ನು ಕೋರಿದೆ. ತೆರೆ ಹಿಂದೆ ಸಿಕ್ಕಾಪಟ್ಟೆ ಹಂಬಲ್ ಆಗಿರುವ ಹಾಗೂ ತೆರೆಮೇಲೆ ಚಾಲೆಂಜಿಂಗ್ ಸ್ಟಾರ್ ಆಗಿರುವ ಡಿ ಬಾಸ್ ದರ್ಶನ್ ಅವರಿಗೆ ಹುಟ್ಟುಹಬ್ಬದ ಶುಭಾಶಯಗಳು ಎಂದು ಬರೆದುಕೊಂಡು ಟ್ವೀಟ್ ಮಾಡಿದೆ ಎಕೆ ಎಂಟರ್‌ಟೈನ್‌ಮೆಂಟ್ಸ್ ಬ್ಯಾನರ್.

ಅತ್ತಾರಿಂಟಿಕಿ ದಾರೇದಿ ನಿರ್ಮಾಪಕರಿಂದಲೂ ವಿಶ್

ಇನ್ನು ಪವನ್ ಕಲ್ಯಾಣ್ ಸಿನಿ ಕೆರಿಯರ್‌ನ ಅತಿದೊಡ್ಡ ಹಿಟ್ ಚಿತ್ರವಾದ ಅತ್ತಾರಿಂಟಿಕಿ ದಾರೇದಿ ಸಿನಿಮಾಗೆ ಬಂಡವಾಳ ಹೂಡಿದ್ದ ನಿರ್ಮಾಪಕ ಬಿ ವಿ ಎಸ್ ಎನ್ ಪ್ರಸಾದ್ ಒಡೆತನದ ಶ್ರಿ ವೆಂಕಟೇಶ್ವರ ಸಿನಿ ಚಿತ್ರ ಪ್ರೊಡಕ್ಸನ್ ಹೌಸ್ ಸಹ ದರ್ಶನ್ ಹುಟ್ಟುಹಬ್ಬಕ್ಕೆ ಶುಭಕೋರಿದ್ದಾರೆ. ತಮ್ಮ ಅಧಿಕೃತ ಟ್ವಿಟರ್ ಖಾತೆಯಲ್ಲಿ ಟ್ವೀಟ್ ಮಾಡಿರುವ ಈ ಪ್ರೊಡಕ್ಷನ್ ಹೌಸ್ ನಮ್ಮ ಪ್ರೀತಿಯ ಹೀರೊ, ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರಿಗೆ ಹುಟ್ಟುಹಬ್ಬದ ಶುಭಾಶಯಗಳು ಎಂದು ಬರೆದುಕೊಂಡಿದೆ.

ದರ್ಶನ್‌ಗೆ ಬಂಡವಾಳ ಹೂಡುತ್ತಿವೆಯಾ ಈ ಸಂಸ್ಥೆಗಳು?

ಸದ್ಯ ತೆಲುಗಿನ ಎಕೆ ಎಂಟರ್‌ಟೈನ್‌ಮೆಂಟ್ಸ್ ಹಾಗೂ ಶ್ರೀ ವೆಂಕಟೇಶ್ವ ಸಿನಿ ಚಿತ್ರ ಈ ಎರಡೂ ಪ್ರೊಡಕ್ಷನ್ ಹೌಸ್‌ಗಳು ದರ್ಶನ್ ಹುಟ್ಟುಹಬ್ಬಕ್ಕೆ ಶುಭಕೋರಿರುವುದನ್ನು ಕಂಡ ಸಿನಿ ರಸಿಕರು ಈ ಎರಡೂ ಸಂಸ್ಥೆಗಳು ದರ್ಶನ್ ನಟನೆಯ ಚಿತ್ರಗಳಿಗೆ ಬಂಡವಾಳ ಹೂಡಲಿವೆ ಎಂದು ಮಾತನಾಡಿಕೊಳ್ಳುತ್ತಿದ್ದಾರೆ. ದರ್ಶನ್ ಸಿನಿಮಾಗೆ ಬಂಡವಾಳ ಹೂಡುತ್ತಿರುವುದರಿಂದಲೇ ಈ ರೀತಿ ಪೋಸ್ಟರ್ ಬಿಡುಗಡೆ ಮಾಡಿವೆ ಎಂಬ ಅಭಿಪ್ರಾಯವೂ ಸಹ ಇದೆ.