ಮುಖಪುಟ

Telugu

ನೂರಾರು ತೆಲುಗು ಸಿನಿಮಾಗಳಲ್ಲಿ ನಟಿಸಿರುವ ತೆಲುಗಿನ ಹಿರಿಯ ನಟಿ ಪಾವಲ ಶ್ಯಾಮಲ ಇಂದಿನ ಸ್ಥಿತಿ ದಯನೀಯವಾಗಿದೆ. ಆಕೆಗೆ ಆರ್ಥಿಕ ನೆರವು ಬೇಕಾಗಿದೆ. ನೆರವಿಗಾಗಿ ಅವರೇ ಮನವಿ ಮಾಡಿಕೊಂಡಿದ್ದಾರೆ.

1986 ರಿಂದಲೂ ತೆಲುಗು ಸಿನಿಮಾಗಳಲ್ಲಿ ನಟಿಸುತ್ತಿರುವ ನಟಿ ಪಾವಲ ಶ್ಯಾಮಲಾ ಈವರೆಗೆ ಸುಮಾರು 250 ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಹಲವಾರು ಸಿನಿಮಾಗಳಲ್ಲಿ ಹಾಸ್ಯ, ಪೋಷಕ ಪಾತ್ರಗಳಲ್ಲಿ ನಟಿಸಿರುವ ಪಾವಲ ಶ್ಯಾಮಲ. ಚಿರಂಜೀವಿ, ಪವನ್ ಕಲ್ಯಾಣ್, ಜೂ.ಎನ್‌ಟಿಆರ್, ಅಲ್ಲು ಅರ್ಜುನ್ ಇನ್ನೂ ಹಲವಾರು ಸ್ಟಾರ್ ನಟರ ಜೊತೆ ತೆರೆ ಹಂಚಿಕೊಂಡಿದ್ದಾರೆ.

ಆದರೆ ಈಗ ವಯೋಸಹಜ ಸಮಸ್ಯೆಗಳಿಂದ ಸಮಸ್ಯೆಯಲ್ಲಿರುವ ಪಾವಲಾ ಶ್ಯಾಮಲಾಗೆ ಆರ್ಥಿಕ ನೆರವಿನ ಅಗತ್ಯವಿದೆ. ಪಾವಲಾ ಶ್ಯಾಮಲಾ ಪತಿ ಹಲವು ವರ್ಷಗಳ ಮೊದಲೇ ಅಪಘಾತವೊಂದರಲ್ಲಿ ತೀರಿಕೊಂಡಿದ್ದಾರೆ. ಶ್ಯಾಮಲಾರನ್ನು ನೋಡಿಕೊಳ್ಳುತ್ತಿದ್ದ ಮಗಳು ಸಹ ಮನೆಯಲ್ಲಿ ಬಿದ್ದು ಪೆಟ್ಟು ಮಾಡಿಕೊಂಡವರು ಇನ್ನೂ ಬೆಡ್‌ನಿಂದ ಮೇಲಕ್ಕೆದ್ದಿಲ್ಲ! ಹೀಗಾಗಿ ಶ್ಯಾಮಲಾ ಅವರನ್ನು ಯಾರೂ ನೋಡಿಕೊಳ್ಳುವವರು ಇಲ್ಲದವರಾಗಿದ್ದಾರೆ.

ಕೊರೊನಾ ಸಮಯದಲ್ಲಂತೂ ತೀವ್ರ ಸಂಕಷ್ಟದಲ್ಲಿರುವ ಶ್ಯಾಮಲಾ ಮೂರು ತಿಂಗಳಿನಿಂದ ಮನೆ ಬಾಡಿಗೆ ಸಹ ಕಟ್ಟಿಲ್ಲ ಎಂದು ಮಾಧ್ಯಮವೊಂದಕ್ಕೆ ಹೇಳಿದ್ದಾರೆ.

ಕಳೆದ ವರ್ಷ ತೆಲಂಗಾಣ ಸರ್ಕಾರವು, ಪಾವಲ ಶ್ಯಾಮಲಾಗೆ ತಿಂಗಳಿಗೆ ಹತ್ತು ಸಾವಿರ ಮಾಸಾಶನ, ಒಂದು ಡಬಲ್ ಬೆಡ್‌ರೂಂ ಮನೆ ಕಟ್ಟಿಸಿಕೊಡುವುದಾಗಿ ಹೇಳಿತ್ತು. ಆದರೆ ಮನೆ ಪ್ರಾರಂಭ ಸಹ ಆಗಿಲ್ಲ. ಇನ್ನು ಮಾಸಾಶನ ಬರುವುದು ಇತ್ತೀಚೆಗೆ ನಿಂತಿದೆ ಎಂದಿದ್ದಾರೆ.

Recommended Video

ಕೆಲವು ದಿನಗಳ ಹಿಂದಷ್ಟೆ ಶ್ಯಾಮಲಾಗೆ ತೆಲುಗು ಬಿಗ್‌ಬಾಸ್ ಸ್ತರ್ಧಿ ಕರಾಟೆ ಕಲ್ಯಾಣಿ ಸಹಾಯ ಮಾಡಿದ್ದರು. ಆದರೆ ಅವರಿಗೆ ಹೆಚ್ಚಿನ ನೆರವು ಬೇಕಾಗಿದೆ. ಇಳಿ ವಯಸ್ಸಿನಲ್ಲಿ ಅದೂ ಕೊರೊನಾ ಸಮಯದಲ್ಲಿ ಅವರಿಗೆ ಆರ್ಥಿಕ ಸಹಾಯದ ಜೊತೆಗೆ ಕೇರ್‌ ಟೇಕರ್ ಒಬ್ಬರ ಅವಶ್ಯಕತೆ ಇದೆ.