ಐಟಂ ಸಾಂಗಿನಲ್ಲಿ ಸೋನಿಯಾ ಅಗರವಾಲ್ ಮಿಂಚು

ಒಂದಷ್ಟು ಕಾಲ ಪಡ್ಡೆ ಹುಡುಗರ ನಿದ್ದೆಗೆಡಿಸಿದ ಸೋನಿಯಾ ಅಗರವಾಲ್ ಮತ್ತೆ ಬೆಳ್ಳತೆರೆಗೆ ರಿಎಂಟ್ರಿ ಕೊಟ್ಟಿದ್ದಾರೆ. ಅದೂ ಐಟಂ ಸಾಂಗ್ ಮೂಲಕ.

ತಮಿಳು, ತೆಲುಗು ಮತ್ತು ಕನ್ನಡ ಸೇರಿದಂತೆ ದಕ್ಷಿಣ ಭಾರತದ ಸಿನಿ ರಂಗದಲ್ಲಿ ಮಿಂಚಿದ್ದ ಮಾದಕ ಬೆಡಗಿ ಸೋನಿಯಾ ಅಗರವಾಲ್ ಮದುವೆಯಾಗಿ ಪರದೆಯ ಹಿಂದೆ ಸರಿದಿದ್ದಳು. ತಮಿಳೂ ನಿರ್ದೇಶಕ ಸೆಲ್ವರಾಘವನ್ ಜತೆಗಿನ ಮದುವೆ ಊರ್ಜಿತವಾಗಲಿಲ್ಲ. ಅದಾಗುತ್ತಿದ್ದಂತೆ ಬೆಳ್ಳಿತೆರೆ ಸೋನಿಯಾಳನ್ನು ಅಂಗೀಕರಿಸಲಿಲ್ಲ.

'ಅಮ್ಮ ನಾನ ಊರೆಳಿತೇ?' ಎಂಬ ತೆಲುಗು ಚಿತ್ರದಲ್ಲಿ ಸೋನಿಯಾ ಅಗರವಾಲ್ ಭರ್ಜರಿಯಾಗಿ ಕುಣಿದಿದ್ದಾರೆ ಎನ್ನುತ್ತಿದೆ ತೆಲುಗು ಚಿತ್ರೋದ್ಯಮ. ಚಿತ್ರದಲ್ಲಿ ಸೋನಿಯಾ ಅಗರವಾಲ್ ಐಟಂ ಸಾಂಗೇ ಸ್ಟಾರ್ ಅಟ್ರಾಕ್ಷನ್!

ಸುಜಾತಾ ಆರ್ಟ್ಸ್ ಸಂಸ್ಥೆಯವರು ಐಟಂ ಸಾಂಗಿಗಾಗಿ ಸೋನಿಯಾಗೆ ಭಾರಿ ಮೊತ್ತವನ್ನೇ ಸಂದಾಯ ಮಾಡಿದ್ದಾರೆ ಎಂದು ತಿಳಿದುಬಂದಿದೆ. ಐಟಂ ಸಾಂಗ್ ಅವತಾರದಲ್ಲಿ ಸೋನಿಯಾಳನ್ನು ಪ್ರೇಕ್ಷಕ ಪ್ರಭುಗಳು ಮತ್ತೆ ಅಪ್ಪಿಕೊಂಡು ಒಪ್ಪಿಕೊಳ್ಳುತ್ತಾರಾ ಕಾದು ನೋಡಬೇಕಿದೆ.