'ವಕೀಲ್ ಸಾಬ್' ಚಿತ್ರತಂಡದ ಯೋಜನೆಗೆ ತಣ್ಣೀರು ಸುರಿದ ಹೈದರಾಬಾದ್ ಪೊಲೀಸ್!

ಅನುಮತಿ ನೀಡಿಲ್ಲ ಹೈದರಾಬಾದ್ ಪೊಲೀಸರು

'ವಕೀಲ್ ಸಾಬ್' ಸಿನಿಮಾ ತಂಡವು ಕಾರ್ಯಕ್ರಮ ಆಯೋಜಿಸಲು ಹೈದರಾಬಾದ್ ಪೊಲೀಸರು ಅನುಮತಿ ನೀಡಿಲ್ಲ. ಒಂದು ಸಾವಿರ ಜನರನ್ನು ಬೇಕಿದ್ದರೆ ಸೇರಿಸಿ, ಕೋವಿಡ್ ನಿಯಮಗಳನ್ನು ಪಾಲಿಸಿ ಕಾರ್ಯಕ್ರಮ ಮಾಡಲು ಅಡ್ಡಿಯಿಲ್ಲ ಆದರೆ ಸಾವಿರಕ್ಕಿಂತಲೂ ಹೆಚ್ಚು ಜನರನ್ನು ಸೇರಿಸುವಂತಿಲ್ಲ ಎಂದಿದ್ದಾರೆ ಹೈದರಾಬಾದ್ ಪೊಲೀಸ್.

ಟ್ರೇಲರ್‌ ಬಿಡುಗಡೆಗೆ ಸಾಕಷ್ಟು ನೂಕಾಟ-ತಳ್ಳಾಟಗಳಾದವು

ಆದರೆ ಇದು ಸಾಧ್ಯವಾಗದ ಮಾತು. ಕೆಲವು ದಿನಗಳ ಹಿಂದೆ 'ವಕೀಲ್ ಸಾಬ್' ಟ್ರೇಲರ್ ಬಿಡುಗಡೆಗೆ ಸಾವಿರಾರು ಮಂದಿ ಅಭಿಮಾನಿಗಳು ಒಟ್ಟಿಗೆ ಸೇರಿ ಹಲ್‌-ಚಲ್‌ ಎಬ್ಬಿಸಿದ್ದರು. ಟ್ರೇಲರ್‌ಗಳನ್ನು ಚಿತ್ರಮಂದಿರದಲ್ಲಿ ಬಿಡುಗಡೆ ಮಾಡಲಾಗಿತ್ತು. ಹಲವು ಚಿತ್ರಮಂದಿರಗಳಲ್ಲಿ ನೂಕಾಟ-ತಳ್ಳಾಟ ಆಗಿ ಗಾಜುಗಳು ಒಡೆದು, ಪರದೆಗಳಿಗೆ ಹಾನಿಯಾದ ಘಟನೆಗಳು ನಡೆದವು.

ಯೋಜನೆ ಕೈಬಿಟ್ಟ ಚಿತ್ರತಂಡ

ಪವನ್ ಕಲ್ಯಾಣ್ ಕಾರ್ಯಕ್ರಮವೆಂದರೆ ಕಡಿಮೆಯೆಂದರೂ ಹತ್ತು ಸಾವಿರ ಜನ ಸೇರುತ್ತಾರೆ. ಹೀಗಿರುವಾಗ ಕೇವಲ 1000 ಮಂದಿಗೆ ಕಾರ್ಯಕ್ರಮವನ್ನು ಮೀಸಲು ಮಾಡುವುದು ಅಸಾಧ್ಯ ಎಂದೆಣಿಸಿದ ಚಿತ್ರತಂಡವು ಯೋಜಿತ ಪ್ರೀ ರಿಲೀಸ್‌ ಕಾರ್ಯಕ್ರಮವನ್ನು ರದ್ದು ಮಾಡಿದೆ.

Recommended Video

ಸರ್ಕಾರದ ನಿರ್ಧಾರಕ್ಕೆ ಕಿಚ್ಚ ಸುದೀಪ್ ಹೇಳಿದ್ದೇನು? | Filmibeat Kannada

ಏಪ್ರಿಲ್ 9 ರಂದು ಸಿನಿಮಾ ಬಿಡುಗಡೆ

'ವಕೀಲ್ ಸಾಬ್' ಸಿನಿಮಾವು ಏಪ್ರಿಲ್ 9 ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆ ಆಗಲಿದೆ. ಹಿಂದಿಯ 'ಪಿಂಕ್' ಸಿನಿಮಾದ ರೀಮೇಕ್ ಆದ ಈ ಸಿನಿಮಾದಲ್ಲಿ ಪ್ರಕಾಶ್ ರೈ, ಅಂಜಲಿ, ನವಿತಾ ಥಾಮಸ್, ಅನನ್ಯಾ ನಾಗಲ್ಲ ನಟಿಸಿದ್ದಾರೆ. ಅತಿಥಿ ಪಾತ್ರದಲ್ಲಿ ಶ್ರುತಿ ಹಾಸನ್ ಸಹ ಇದ್ದಾರೆ. ಸಿನಿಮಾವನ್ನು ವೇಣು ಶ್ರೀರಾಮ್ ನಿರ್ದೇಶನ ಮಾಡಿದ್ದಾರೆ. ನಿರ್ಮಾಣ ಮಾಡಿರುವುದು ಬೋನಿ ಕಪೂರ್.