ನಯನತಾರಾಗೆ ಕೈಯ್ಯಾರೆ ಊಟ ಮಾಡಿಸಿದ ಭಾವಿ ಪತಿ ವಿಘ್ನೇಶ್: ವಿಡಿಯೋ ವೈರಲ್

ನಾಚಿ ನೀರಾದ ನಯನತಾರಾ

ಟಾಲಿವುಡ್‌ನಲ್ಲಿ ಹಾಟ್ ಟಾಪಿಕ್ ಆಗಿರುವ ನಯನತಾರಾ, ವಿಘ್ನೇಶ್ ಜೋಡಿ ತಮ್ಮದೇ ಆದ ಲೋಕದಲ್ಲಿ ಸಂತೋಷವಾಗಿ ಕಾಲ ಕಳೆಯುತ್ತಿದ್ದಾರೆ. ಸದ್ಯ ಈ ಜೋಡಿಯ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗ್ತಿದೆ. ಅದೆನಪ್ಪಾ ಅಂದ್ರೆ, ವಿಘ್ನೇಶ್, ತಮ್ಮ ಭಾವಿ ಪತಿಗೆ ನಯನತಾರಾಗೆ ಲೋಕಲ್ ಫುಡ್ ಟೇಸ್ಟ್ ಮಾಡಿಸಿದ್ದಾರೆ. ವಿಡಿಯೋದಲ್ಲಿ ವಿಘ್ನೇಶ್, ನಯನತಾರಾಗೆ ತಾವೇ ಕೈಯರೇ ತುತ್ತು ತಿನ್ನಿಸಿದ್ದಾರೆ. ಇನ್ನು ನಯನತಾರಾ ಕೂಡ ಈ ವೇಳೆ ನಾಚಿ ನೀರಾಗಿದ್ದಾರೆ. ಸದ್ಯ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ಸದ್ದು ಮಾಡ್ತಿದೆ.

ನಯನಾತಾರಾ ಬಗ್ಗೆ ವಿಘ್ನೇಶ್ ಹೇಳಿದ್ದೇನು?

ನಟಿ ನಯನತಾರಾಗೆ ಲೋಕಲ್ ಫುಡ್ ತಿನ್ನಿಸಬೇಕು ಎಂಬುದು ವಿಘ್ನೇಶ್ ಅವರ ಮಹತ್ತರವಾದ ಆಸೆಯಾಗಿತ್ತು. ಆ ಆಸೆಯನ್ನು ಕೊನೆಗೂ ಈಡೇರಿಸಿಕೊಂಡಿದ್ದಾರೆ. ಈ ಬಗ್ಗೆ ತಮ್ಮ ಇನ್‌ಸ್ಟಾಗ್ರಾಂನಲ್ಲಿ ಬರೆದುಕೊಂಡಿದ್ದು, "ಇದು ಚೆನ್ನಾಗಿ ತಿನ್ನುವ ಸಮಯ, ನನಗೆ ನಯನತಾರಾಗೆ ಲೋಕಲ್ ಫುಡ್ ತಿನ್ನಿಸುವುದು ಎಂದರೆ ತುಂಬಾ ಇಷ್ಟ. ಅದರಲ್ಲಿಯೂ ನನ್ನ ನೆಚ್ಚಿನ ರೆಸ್ಟೋರೆಂಟ್‌ನಲ್ಲಿ ತಿನ್ನಿಸುವುದು ಎಂದರೆ ಬಹಳ ಇಷ್ಟ. ನಾನು ತುಂಬಾ ಇಷ್ಟ ಪಟ್ಟು ತಿನ್ನುವ ಸ್ಥಳ ಇದೆ. ಇಲ್ಲಿ ಆಹಾರವೂ ಚೆನ್ನಾಗಿರುತ್ತೆ. ಇಲ್ಲಿನ ಜನರು ಕೂಡ ಅಷ್ಟೇ ಪ್ರೀತಿಯಿಂದ ಸತ್ಕರಿಸುತ್ತಾರೆ. ಹೀಗಾಗಿ ನಯನತಾರಾಗೆ ಇಲ್ಲಿಯೇ ಫುಡ್‌ ತಿನ್ನಿಸುತ್ತಿರುವುದು ಖುಷಿಯಾಗಿದೆ ."ಎಂದು ತಮ್ಮ ಸಂತಸ ವ್ಯಕ್ತಪಡಿಸಿದ್ದಾರೆ.

ನಯನತಾರಾ, ವಿಘ್ನೇಶ್ ಮದುವೆ ಯಾವಾಗ?

ನಯನತಾರಾ ಮತ್ತು ವಿಘ್ನೇಶ್ ಶಿವನ್‌ ಮದುವೆಯ ಹೊಸ ದಿನಾಂಕದ ನಿಗದಿ ಆಗಿದೆ. ಮುಂದಿನ ತಿಂಗಳು ಈ ಜೋಡಿ ಹಸೆಮಣೆ ಏರಲು ಸಜ್ಜಾಗಿದೆಯಂತೆ. ಜೂನ್ 9 ರಂದು ಮದುವೆ ನಡೆಯಲಿದೆ ಎಂದು ಹೇಳಲಾಗುತ್ತಿದ್ದು, ಇದಕ್ಕಾಗಲೇ ಇಬ್ಬರು ಕುಟುಂಬಸ್ಥರು ತಯಾರಿ ನಡೆಸುತ್ತಿದ್ದಾರೆ ಎನ್ನಲಾಗಿದೆ. ಇನ್ನು ಇವರಿಬ್ಬರ ಮದುವೆ ಆಂಧ್ರಪ್ರದೇಶದ ತಿರುಪತಿಯಲ್ಲಿ ನಡೆಯಲಿದೆ ಎಂದು ಹೇಳಲಾಗುತ್ತಿದೆ. ಸದ್ಯ ಇವರಿಬ್ಬರ ಮದುವೆಯನ್ನು ಕಣ್ತುಂಬಿಕೊಳ್ಳಲು ಫ್ಯಾನ್ಸ್ ಕೂಡ ಕಾತುರದಿಂದ ಕಾಯುತ್ತಿದ್ದಾರೆ.

ಶೀಘ್ರದಲ್ಲೇ ನಯನತಾರಾ ಮತ್ತು ವಿಘ್ನೇಶ್ ಮದುವೆ

ನಟಿ ನಯನತಾರಾಗೆ ಬಗ್ಗೆ ಖ್ಯಾತ ಜ್ಯೋತಿಷಿ ವೇಣು ಸ್ವಾಮಿ ಭವಿಷ್ಯ ನುಡಿದಿದ್ದಾರೆ. ನಯನತಾರಾಗೆ ಗುರು ಬಲ ಇಲ್ಲ ಎಂದಿದ್ದರು. ಈ ಸಮಯದಲ್ಲಿ ಮದುವೆಯಾಗುವುದು ಉತ್ತಮವಲ್ಲ ಯಾಕೆಂದರೆ, ಗುರು ಪ್ರಬಲವಾಗಿಲ್ಲ ಎಂದು ಸಂದರ್ಶವೊಂದರಲ್ಲಿ ಹೇಳಿದ್ದಾರೆ. ನಯನತಾರಾ ಹುಟ್ಟಿದ ದಿನಾಂಕದ ಆಧಾರದ ಮೇಲೆ ಮದುವೆ ಭವಿಷ್ಯವನ್ನು ನುಡಿದಿದ್ದಾರೆ. ಆದರೆ, ಈ ಜೋಡಿ ಮುಂದಿನ ತಿಂಗಳು ಜೂನ್ 9 ರಂದು ಮದುವೆ ನಡೆಯಲಿದೆ ಎಂದು ಹೇಳಲಾಗುತ್ತಿದೆ.