ಬಾಲಿವುಡ್ ನಟಿಯನ್ನು ಹಾಡಿ ಹೊಗಳಿದ ವಿಜಯ್ ದೇವರಕೊಂಡ

ಈ ಚಿತ್ರ ಒಳ್ಳೆಯ ಹೆಸರು ಕೊಡುತ್ತೆ

''ಅನನ್ಯ ಪಾಂಡೆ ಓರ್ವ ಸಹೃದಯಿ. ಒಳ್ಳೆಯ ಹುಡುಗಿ. ತೆಲುಗು ಜನರು ಮತ್ತು ಸೌತ್ ಇಂಡಸ್ಟ್ರಿಯವರು ಅನನ್ಯ ಅವರನ್ನು ನೋಡುವುದಕ್ಕೆ ಖುಷಿ ಪಡ್ತಾರೆ. ಚಿತ್ರವನ್ನು ಶೇಕಡಾ 50ರಷ್ಟು ಮುಗಿಸಿದ್ದೇವೆ, ನಿಜಕ್ಕೂ ಆಕೆ ಗ್ರೇಟ್. ನಂಬಲಾಗದಷ್ಟು ಉತ್ತಮ ಕೆಲಸ ಮಾಡಿದ್ದಾರೆ. ಈ ಚಿತ್ರ ಆಕೆಗೆ ಬಹಳ ದೊಡ್ಡ ಮಟ್ಟದ ಪ್ರತಿಫಲ ನೀಡುತ್ತದೆ ಎಂಬ ನಂಬಿಕೆ ನನಗಿದೆ'' ಎಂದು ಹೇಳಿದ್ದಾರೆ.

ಎರಡು ವರ್ಷದಲ್ಲಿ ನಾಲ್ಕು ಸಿನಿಮಾ

2019ರಲ್ಲಿ 'ಸ್ಟೂಡೆಂಟ್ ಆಫ್ ದಿ ಇಯರ್' ಚಿತ್ರದ ಮೂಲಕ ಬಿಟೌನ್ ಪ್ರವೇಶ ಮಾಡಿದ ಅನನ್ಯ ಪಾಂಡೆ ಇದುವರೆಗೂ ಕೇವಲ ನಾಲ್ಕು ಚಿತ್ರಗಳಲ್ಲಿ ಮಾತ್ರ ನಟಿಸಿದ್ದಾರೆ. ಒಂದಕ್ಕಿಂತ ಒಂದು ಚಿತ್ರದಲ್ಲಿ ವಿಶೇಷವಾಗಿ ಕಾಣಿಸಿಕೊಂಡಿದ್ದಾರೆ. ಇದು ಅವರ ವೃತ್ತಿ ಜೀವನದ ಯಶಸ್ಸು ಸಾಧಿಸಲು ಕಾರಣವಾಗಿದೆ.

ಪ್ಯಾನ್ ಇಂಡಿಯಾ ಚಿತ್ರದಲ್ಲಿ ನಟನೆ

ಅನನ್ಯ ಕೊನೆಯ ಚಿತ್ರ 'ಖಾಲಿ ಪೀಲೆ'. ಇಶಾನ್ ಕತ್ತಾರ್ ಜೊತೆ ನಟಿಸಿದ್ದ ಅನನ್ಯಗೆ ಈ ಸಿನಿಮಾ ಒಳ್ಳೆಯ ಹೆಸರು ತಂದುಕೊಟ್ಟಿದೆ. ಸದ್ಯ, ವಿಜಯ್ ದೇವರಕೊಂಡ ಜೊತೆ ಫೈಟರ್ ಹಾಗೂ ಶಕುನ್ ಭತ್ರಾ ನಿರ್ದೇಶನದ ಪ್ಯಾನ್ ಇಂಡಿಯಾ ಚಿತ್ರದಲ್ಲಿ ಅನನ್ಯ ಪಾಂಡೆ ನಟಿಸುತ್ತಿದ್ದಾರೆ.

ಫೈಟರ್ ಚಿತ್ರದ ಕುರಿತು

ಫೈಟರ್ ಸಿನಿಮಾ ತೆಲುಗು ಮತ್ತು ಹಿಂದಿ ಭಾಷೆಯಲ್ಲಿ ಬಿಡುಗಡೆಯಾಗಲಿದೆ. ಈ ಚಿತ್ರಕ್ಕೆ ಪೂರಿ ಜಗನ್ನಾಥ್ ಕಥೆ-ಚಿತ್ರಕಥೆ-ಸಂಭಾಷಣೆ, ನಿರ್ದೇಶನ ಹಾಗೂ ನಟಿ ಚಾರ್ಮಿ ಜೊತೆ ಸೇರಿ ನಿರ್ಮಾಣ ಸಹ ಮಾಡುತ್ತಿದ್ದಾರೆ. ಈಗಾಗಲೇ ಅರ್ಧದಷ್ಟು ಚಿತ್ರೀಕರಣ ಮುಗಿದಿದೆ.