1 ಮಿಲಿಯನ್‌ ಹಣ ಕೊಡ್ತಿದ್ದಾರೆ ನಟ ವಿಜಯ್‌ ದೇವರ ಕೊಂಡ: ನೀವೂ ಹಣ ಪಡೆಯಬಹುದು!

100 ಮಂದಿಗೆ 1 ಮಿಲಿಯನ್ ಹಣ ಮುಡಿಪು!

ನಟ ವಿಜಯ್‌ ದೇವರಕೊಂಡ ಒಂದು ಮಿಲಿಯನ್‌ ಹಣವನ್ನು ನೀಡಲು ನಿರ್ಧರಿಸಿದ್ದಾರೆ. ಈ ಹಣವನ್ನು ಒಟ್ಟು 100 ಮಂದಿಗೆ ನೀಡಲು ವಿಜಯ್‌ ದೇವರಕೊಂಡ ನಿರ್ಧರಿಸಿದ್ದಾರೆ. 10 ಲಕ್ಷ ಹಣವನ್ನು, ಒಬ್ಬರಿಗೆ 10 ಸಾವಿರದಂತೆ 100 ಮಂದಿಗೆ ಉಡುಗೊರೆಯಾಗಿ ನೀಡಲು ಮುಂದಾಗಿದ್ದಾರೆ. ಈ ವಿಚಾರವನ್ನು ವಿಡಿಯೋದ ಮೂಲಕ ವಿಜಯ್‌ ಸ್ಪಷ್ಟ ಪಡಿಸಿದ್ದಾರೆ. ಇದರಲ್ಲಿ 50 ಮಂದಿ ವಿಜಯ್‌ ದೇವರಕೊಂಡ ಅವರು ರೌಡಿ ಸಂಘದವರು ಆಗಿರಬೇಕು. ರೌಡಿ ಎನ್ನುವುದು ವಿಜಯ್‌ ದೇವರಕೊಂಡ ಅವರ ಬಟ್ಟೆ ಬ್ರ್ಯಾಂಡ್, ಮಿಕ್ಕ 50 ಮಂದಿ ಯಾರು ಆದರು ಸರಿ ಅವರಿಗೆ 10 ಸಾವಿರ ವಿಜಯ್‌ ದೇವರಕೊಂಡ ಕಡೆಯಿಂದ ಉಡುಗೊರೆ ಆಗಿ ಸಿಗುತ್ತದೆ.

ಜನವರಿ 1ಕ್ಕೆ ಗಿಫ್ಟ್‌ ವಿತರಣೆ!

ಈ ಗಿಫ್ಟ್‌ ಹಣವನ್ನು ಜನವರಿ ಒಂದನೇ ತಾರೀಕಿನಂದು ವಿತರಣೆ ಮಾಡಲಿದ್ದಾರೆ ವಿಜಯ್‌ ದೇವರಕೊಂಡ. ಅದಕ್ಕೆ ನೀವು ಮಾಡ ಬೇಕಾಗಿರುವುದು ಇಷ್ಟೆ. ನಿಮಗೆ ಯಾಕೆ ಈ ಹಣ ಬೇಕು, ನಿಮಗೆ ಇರುವ ಅವಶ್ಯಕತೆ ಏನು ಎನ್ನುವುದನ್ನು ಹೇಳಬೇಕು. ಸಾಮಾಜಿಕ ಜಾಲತಾಣದ ಮೂಲಕವೇ ಅವರಿಗೆ ನಿಮಗಿರುವ ಅಶ್ಯಕತೆಯ ಬಗ್ಗೆ ಹೇಳಿಕೊಂಡರೆ ಸಾಕು, ಅದರಲ್ಲಿ ಮೊದಲು 100 ಮಂದಿಯನ್ನು ಆಯ್ಕೆ ಮಾಡಿ ಅವರಿಗೆ, ಹೊಸ ವರ್ಷದಂದು ಈ ಗಿಫ್ಟ್‌ ನೀಡಲಾಗುತ್ತದೆ.

ಮಿಲಿಯನೇರ್ ಆಗಬೇಕು ಎಂದುಕೊಂಡಿದ್ದೆ: ವಿಜಯ್‌ ದೇವರಕೊಂಡ!

ವಿಜಯ್‌ ದೇವರಕೊಂಡ ಚಿತ್ರರಂಗಕ್ಕ ಎಂಟ್ರಿ ಕೊಟ್ಟು ಸಾಕಷ್ಟು ವರ್ಷಗಳ ಬಳಿಕ ಅವರಿಗೆ ಲಕ್‌ ಕುದುರಿದೆ. ಮಿಲಿಯನೇರ್‌ ಆಗಬೇಕು ಎನ್ನುವುದು ವಿಜಯ್‌ ಕಂಡ ಕನಸುಗಳಲ್ಲಿ ಒಂದಾಗಿತ್ತಂತೆ. ಆದರೆ ಈಗ ಒಂದು ಮಿಲಿಯನ್‌ ಹಣವನ್ನು ಅವರು ಸಮಾಜಕ್ಕೆ ನೀಡುತ್ತಿದ್ದಾರೆ. ಈ ಬಗ್ಗೆ ಸಂತಸ ಹಂಚಿಕೊಂಡಿರುವ ವಿಜಯ್ ದೇವರಕೊಂಡ, ನಮ್ಮ ಸಮಾಜಕ್ಕೆ ನಾವು ಕೊಡುವೆ ನೀಡುವುದು ಖುಷಿಯ ಸಂಗತಿ ಎಂದು ಹೇಳಿಕೊಂಡಿದ್ದಾರೆ.

ಲೈಗರ್‌ ಚಿತ್ರದ ಮೂಲಕ ಬಾಲಿವುಡ್‌ಗೆ ಎಂಟ್ರಿ!

ಅರ್ಜುನ್ ರೆಡ್ಡಿ ಚಿತ್ರದ ಬಳಿಕ ವಿಜಯ್‌ ದೇವರಕೊಂಡ ಅವರ ಸ್ಟಾರ್‌ ಬದಲಾಗಿದೆ. ಅಲ್ಲಿಂದ ಅವರ ಸಕ್ಸಸ್‌ ಜರ್ನಿ ಮುಂದುವರೆದಿದೆ. ನಂತ್ರ ಗೀತಾಗೋವಿಮದಂ ಸೇರಿದಂತೆ ಹಲವು ಚಿತ್ರಗಳಲ್ಲು ವಿಜಯ್‌ ಅಭಿನಯಿಸಿದ್ದಾರೆ. ಸದ್ಯ ಲೈಗರ್‌ ಚಿತ್ರದ ಮೂಲಕ ಬಾಲಿವುಡ್‌ಗೆ ಎಂಟ್ರಿ ಕೊಟ್ಟಿದ್ದು, ಚಿತ್ರ ರಿಲೀಸ್‌ಗಾಗಿ ಕಾಯುತ್ತಿದ್ದಾರೆ.