'ಲೈಗರ್​' ಸೋಲಿನ ಬಳಿಕ ಖಡಕ್​ ಲುಕ್​ನಲ್ಲಿ ವಿಜಯ್​ ದೇವರಕೊಂಡ: ಸಿಂಗಲ್​ ಪ್ಲೇಯರ್​ ಹಿಂದಿನ ಅರ್ಥವೇನು..?

ಅರ್ಜುನ್​ ರೆಡ್ಡಿ ಖ್ಯಾತಿಯ ವಿಜಯ್​ ದೇವರಕೊಂಡ ಹಾಗೂ ಬಾಲಿವುಡ್​ ಬೆಡಗಿ ಅನನ್ಯಾ ಪಾಂಡೆ ಅಭಿನಯದ 'ಲೈಗರ್'​ ಚಿತ್ರ ನಿರೀಕ್ಷಿಸಿದ ಮಟ್ಟಕ್ಕೆ ಹಿಟ್​ ಆಗದೇ ಸೋಲು ಕಂಡಿತ್ತು. ಚಿತ್ರದ ಮೇಲೆ ಬಹಳ ನಿರೀಕ್ಷೆ ಇಟ್ಟುಕೊಂಡು ಕಾಯುತ್ತಿದ್ದ ಪ್ರೇಕ್ಷಕರಿಗೆ ತೀವ್ರ ನಿರಾಸೆಯಾಗಿತ್ತು. ಬಾಕ್ಸ್​ ಆಫೀಸ್​ನಲ್ಲಿ ಮಕಾಡೆ ಮಲಗಿದ ಲೈಗರ್​ ಸೋಲಿನ ಬಳಿಕ ನಟ ವಿಜಯ್​ ದೇವರಕೊಂಡ ಮೊದಲ ಬಾರಿಗೆ ತಮ್ಮ ಸೋಷಿಯಲ್​ ಮೀಡಿಯಾದಲ್ಲಿ ಪೋಸ್ಟ್​ವೊಂದನ್ನು ಹಂಚಿಕೊಂಡಿದ್ದಾರೆ.

ವಿಜಯ್​ ದೇವರಕೊಂಡ ತಮ್ಮ ಇನ್ಸ್ಟಾಗ್ರಾಮ್​ನಲ್ಲಿ ಬ್ಲ್ಯಾಕ್​ ಸೂಟ್​ ಧರಿಸಿರುವ ಫೋಟೋವೊಂದನ್ನು ಶೇರ್​ ಮಾಡಿದ್ದು, ಸಖತ್​ ಡ್ಯಾಶಿಂಗ್​ ಲುಕ್​ನಲ್ಲಿ ಕಾಣಿಸಿಕೊಂಡಿದ್ದಾರೆ. ಗೋಲ್ಡ್​ ಬ್ಯಾಗ್ರೌಂಡ್​ನಲ್ಲಿ ಬ್ಲ್ಯಾಕ್​ ಸೂಟ್​ನಲ್ಲಿ ಕಾಣಿಸಿಕೊಂಡಿರುವ ವಿಜಯ್​ ದೇವರಕೊಂಡ ನೋಡುಗರ ಕಣ್ಣುಕುಕ್ಕುವಂತೆ ಲುಕ್​ ಕೊಟ್ಟಿದ್ದಾರೆ. ಫೋಟೋ ಜೊತೆಗೆ ವಿಜಯ್​ ದೇವರಕೊಂಡ ನೀಡಿರುವ ಕ್ಯಾಪ್ಶನ್​ ಇಂಟ್ರಸ್ಟಿಂಗ್ ಆಗಿದ್ದು, ಈ ಬರಹದ ಹಿಂದಿನ ಅರ್ಥ ಏನಿರಬಹುದು ಎನ್ನುವ ಕುತೂಹಲ ಮೂಡಿದೆ.

ಫೋಟೋ ಜೊತೆಗೆ ವಿಜಯ್​ ದೇವರಕೊಂಡ ಸಿಂಗಲ್​ ಪ್ಲೇಯರ್​ ಎಂದು ಬರೆದುಕೊಂಡಿದ್ದು, ಅಭಿಮಾನಿಗಳಲ್ಲಿ ನೂರಾರು ಪ್ರಶ್ನೆ ಹುಟ್ಟುಹಾಕಿದೆ. ಲೈಗರ್​ ಸೋಲಿನ ಬಳಿಕ ವಿಜಯ್​ ದೇವರಕೊಂಡ ಸಖತ್​ ಟ್ರೋಲ್​ ಆಗಿದ್ದರು. ಜೊತೆಗೆ ಒಂದಿಷ್ಟು ಸೆಲೆಬ್ರೆಟಿಗಳು ಕೂಡ ಲೈಗರ್​ ಚಿತ್ರದ ಬಗ್ಗೆ ವಿಜಯ್​ ದೇವರಕೊಂಡ ಬಗ್ಗೆ ಲೇವಡಿ ಮಾಡಿದ್ದರು. ಅದರಲ್ಲೂ ನಿರೂಪಕಿ ಅನುಸೂಯ ಭಾರಧ್ವಜ್​ ಅಂತೂ ವಿಜಯ್​ ದೇವರಕೊಂಡ ಅವರನ್ನು ವ್ಯಂಗ್ಯ ಮಾಡಿ ಕರ್ಮ ಹಿಂತಿರುಗಿಕೊಡುತ್ತದೆ ಎಂದು ಪರೋಕ್ಷವಾಗಿ ಟಾಂಗ್​ ಕೊಟ್ಟಿದ್ದರು. ಹೀಗಾಗಿ ಸದ್ಯ ಸಿಂಗಲ್​ ಪ್ಲೇಯರ್​ ಎಂದು ಖಡಕ್​ ಲುಕ್​ ಫೋಟೋ ಹಂಚಿಕೊಂಡಿರುವ ದೇವರಕೊಂಡ ಯಾವ ವ್ಯಂಗ್ಯಕ್ಕೂ, ಯಾವ ಕಮೆಂಟ್​ಗೂ ಡೋಂಟ್​ ಕೇರ್​ ಎನ್ನುವ ಪ್ರತ್ಯುತ್ತರ ಕೊಟ್ಟಿಬಹುದು ಎಂದು ಅಭಿಮಾನಿಗಳು ಊಹಿಸಿದ್ದಾರೆ. ಇನ್ನು ವಿಜಯ್​ ದೇವರಕೊಂಡ ಮದುವೆ ಬಗ್ಗೆ ಕೂಡ ಕೆಲ ಗಾಸಿಪ್​ಗಳು ಹರಿದಾಡುತ್ತಿದ್ದು, ಸಿಂಗಲ್​ ಪ್ಲೇಯರ್​ ಎಂಬ ಕ್ಯಾಪ್ಷನ್​ ಮೂಲಕ ವಿಜಯ್​ ದೇವರಕೊಂಡ ಈ ವಿಚಾರಕ್ಕೂ ತೆರೆಳೆದಿರಬಹುದು.

ಇನ್ನು ಕೇವಲ ಇನ್ಸ್ಟಾಗ್ರಾಮ್​ನಲ್ಲೇ 17.4 ಮಿಲಿಯನ್​ ಫಾಲೋವರ್ಸ್​ ಹೊಂದಿರುವ ವಿಜಯ್​ ದೇವರಕೊಂಡ ಲೈಗರ್​ ಸೋಲಿನ ಬಳಿಕ ಸೋಶಿಯಲ್​ ಮೀಡಿಯಾದಿಂದ ಅಂತರ ಕಾಯ್ದುಕೊಂಡಿದ್ದರು. ಕೆಲ ದಿನಗಳ ವಿರಾಮದ ನಂತರ ವಿಜಯ್​ ಫೋಟೋ ಹಂಚಿಕೊಂಡಿದ್ದು, 1.2 ಅಧಿಕ ಮಂದಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಇನ್ನು ಮಚ್ಚಿನ ನಟನ ಫೋಟೋಗೆ ಸಾಲು ಸಾಲು ಕಮೆಂಟ್​ಗಳು ಹರಿದು ಬಂದಿದ್ದು, ಒನ್​ ಮ್ಯಾನ್​ ಆರ್ಮಿ, ಕಮ್​ ಬ್ಯಾಕ್​ ಸ್ಟ್ರಾಂಗ್​ ಹೀರೋ ಎಂದು ಅಭಿಮಾನಿಗಳು ಕಾಮೆಂಟ್​ ಮಾಡಿದ್ದಾರೆ.