'ವರ್ಲ್ಡ್ ಫೇಮಸ್ ಲವರ್' ಸೋಲು, ನಷ್ಟ ಭರಿಸುವಂತೆ ನಿರ್ಮಾಪಕ ಬೇಡಿಕೆ

ವಿಜಯ್ ದೇವರಕೊಂಡ ನಟನೆಯ 'ವರ್ಲ್ಡ್ ಫೇಮಸ್ ಲವರ್' ಸಿನಿಮಾ ಬಿಡುಗಡೆಗೆ ಮುಂಚೆ ಭಾರಿ ಸದ್ದು ಮಾಡಿತ್ತು. ಆದರೆ ಸಿನಿಮಾ ತೆರೆಕಂಡ ಮೇಲೆ ಬಾಕ್ಸ್ ಆಫೀಸ್ ನಲ್ಲಿ ಮಕಾಡೆ ಮಲಗಿದೆ.

ಇದೀಗ, ಚಿತ್ರದ ನಿರ್ಮಾಪಕರು ವಿಜಯ್ ದೇವರಕೊಂಡ ಬಳಿ ನಷ್ಟವನ್ನು ಭರಿಸಿಕೊಡುವಂತೆ ಬೇಡಿಕೆ ಇಟ್ಟಿದ್ದಾರೆ. ವರ್ಲ್ಡ್ ಫೇಮಸ್ ಲವರ್ ಚಿತ್ರಕ್ಕಾಗಿ ವಿಜಯ್ ದೇವರಕೊಂಡ 10 ಕೋಟಿ ಸಂಭಾವನೆ ಪಡೆದಿದ್ದರಂತೆ.

ಆದರೆ ಸಿನಿಮಾ ಒಟ್ಟಾರೆ 12 ಕೋಟಿ ಗಳಿಸಲು ಮಾತ್ರ ಶಕ್ತವಾಗಿದೆ. ಈ ಮೂಲಕ ನಿರ್ಮಾಪಕರು ಹಾಕಿದ ಬಂಡವಾಳ ಕೂಡ ಗಳಿಸಿಲ್ಲ ಎನ್ನಲಾಗಿದೆ.

ಸಂಭಾವನೆ ಜೊತೆಗೆ ದೇವರಕೊಂಡಗೆ 2 ಕೋಟಿ ಬೆಲೆ ಬಾಳುವ ಫ್ಲ್ಯಾಟ್ ಉಡುಗೊರೆಯಾಗಿ ನೀಡಿದ್ದರಂತೆ. ಇದೀಗ, ಆ ಫ್ಲ್ಯಾಟ್ ವಾಪಸ್ ನೀಡುವಂತೆ ನಿರ್ಮಾಪಕ ಕೆಎಸ್ ರಾಮಾರಾವ್ ಬೇಡಿಕೆ ಇಟ್ಟಿದ್ದಾರಂತೆ.

ಅಂದ್ಹಾಗೆ, ಗೀತಾ ಗೋವಿಂದಂ ಸಿನಿಮಾ ಬಳಿಕ ಬಿಡುಗಡೆಯಾದ ಯಾವ ಚಿತ್ರವೂ ಅಷ್ಟಾಗಿ ಸಕ್ಸಸ್ ಕಂಡಿಲ್ಲ. ಡಿಯರ್ ಕಾಮ್ರೇಡ್, ನೋಟಾ, ಟ್ಯಾಕ್ಸಿವಾಲಾ ಹೀಗೆ ಸತತವಾಗಿ ಸೋಲು ಕಂಡಿದೆ.