ಒಂದೇ ಸಿನಿಮಾದಲ್ಲಿ ಯಶ್- ಪ್ರಭಾಸ್?

'ಸಲಾರ್'ನಲ್ಲಿ ಯಶ್ ಅತಿಥಿ ಪಾತ್ರ!

ಮೂಲಗಳ ಮಾಹಿತಿಯಂತೆ, ನಟ ಯಶ್ ಪ್ರಭಾಸ್ ಜೊತೆಗೆ ತೆರೆ ಹಂಚಿಕೊಳ್ಳಲಿದ್ದಾರೆ ಎನ್ನುವ ಸುದ್ದಿ ಹಬ್ಬಿದೆ. ಪ್ರಶಾಂತ್ ನೀಲ್ ನಿರ್ದೇಶನ ಮಾಡುತ್ತಿರುವ 'ಸಲಾರ್' ಸಿನಿಮಾದಲ್ಲಿ ನಟ ಯಶ್ ನಟಿಸಲಿದ್ದಾರೆ ಎನ್ನಲಾಗುತ್ತಿದೆ. ಪ್ರಭಾಸ್ 'ಸಲಾರ್' ಸಿನಿಮಾದಲ್ಲಿ ಅತಿಥಿ ಪಾತ್ರದಲ್ಲಿ ಯಶ್ ನಟಿಸಬಹುದು ಎಂದು ಟ್ರೈಮ್ಸ್ ಆಫ್ ಇಂಡಿಯಾದಲ್ಲಿ ವರದಿಯಾಗಿದೆ.

ಪ್ರಶಾಂತ್ ನೀಲ್ ಮಹಾ ಯೋಜನೆ!

'ಸಲಾರ್' ಸಿನಿಮಾದಲ್ಲಿ ಮಾತ್ರ ಯಶ್ ಕಾಣಿಸಿಕೊಳ್ಳಲಿದ್ದಾರೆ ಎನ್ನುವುದು ಮಾತ್ರವಲ್ಲ. ನಟ ಯಶ್ ಮತ್ತು ಪ್ರಭಾಸ್ ಇಬ್ಬರೂ ಮಲ್ಟಿ ಸ್ಟಾರ್ ಸಿನಿಮಾದಲ್ಲಿ ಒಂದಾಗಲಿದ್ದಾರೆ ಎನ್ನಲಾಗುತ್ತಿದೆ. ನಿರ್ದೇಶಕ ಪ್ರಶಾಂತ್ ನೀಲ್ 'ಸಲಾರ್' ಮತ್ತು 'ಕೆಜಿಎಫ್' ಪ್ರಪಂಚವನ್ನೂ ಒಂದು ಮಾಡಲಿದ್ದು, ಈ ಚಿತ್ರದಲ್ಲಿ ಪ್ರಭಾಸ್ ಮತ್ತು ಯಶ್ ನಾಯಕ ನಟನಾಗಿ ಅಭಿಯಿಸಲಿದ್ದಾರೆ ಎಂದು ಟಾಲಿವುಡ್‌ನಲ್ಲಿ ಓಡಾಡುತ್ತಿದೆ.

ಪ್ರಭಾಸ್ ಹಲವು ಚಿತ್ರಗಳಲ್ಲಿ ಬ್ಯುಸಿ!

ನಟ ಪ್ರಭಾಸ್ ಕೈಯಲ್ಲಿ ಸದ್ಯ ಸಾಲು, ಸಾಲು ಸಿನಿಮಾಗಳಿವೆ. ಒಂದಾದ ಬಳಿಕ ಒಂದು ಪ್ರಭಾಸ್ ಸಿನಿಮಾಗಳು ರಿಲೀಸ್ ಆಗಲಿವೆ. ಸದ್ಯ 'ಸಲಾರ್', 'ಆದಿಪುರುಷ್', ಪ್ರಾಜೆಕ್ಟ್ ಸಿನಿಮಾಗಳಲ್ಲೂ ಪ್ರಭಾಸ್ ನಿರತರಾಗಿದ್ದಾರೆ. ಇನ್ನುಳಿದಂತೆ ಈ ಚಿತ್ರಗಳ ಬಳಿಕ 'ರಾಜ ಡಿಲಕ್ಸ್', 'ಸ್ಪಿರಿಟ್' ಸಿನಿಮಾಗಳನ್ನು ಕೈಗೆತ್ತಿಕೊಳ್ಳಲಿದ್ದಾರೆ ಪ್ರಭಾಸ್. ಮುಂದಿನ ವರ್ಷ ಪ್ರಭಾಸ್ ಸಿನಿಮಾಗಳದ್ದೇ ಅಬ್ಬರ ಇರುತ್ತೆ.

ಯಶ್ ಮುಂದಿನ ಚಿತ್ರಕ್ಕೆ ತಯಾರಿ!

ಇನ್ನು ರಾಕಿಂಗ್ ಸ್ಟಾರ್ ಯಶ್ ವಿಚಾರಕ್ಕೆ ಬರುವುದಾದರೆ. 'ಕೆಜಿಎಫ್ 2' ಬಳಿಕ ಯಶ್ ಯಾವ ಸಿನಿಮಾ ಮಾಡುತ್ತಾರೆ ಎನ್ನುವ ಕುತೂಹಲ ಹೆಚ್ಚಿದೆ. ಒಂದು ಕಡೆ 'ಕೆಜಿಎಫ್ 3' ಸಿನಿಮಾ ಮಾಡುವ ಬಗ್ಗೆ ಸುದ್ದಿ ಹಬ್ಬಿದರೆ, ಮತ್ತೊಂದು ಕಡೆ ನಿರ್ದೇಶಕ ನರ್ತನ್ ಜೊತೆಗೆ ಸಿನಿಮಾ ಮಾಡುತ್ತಾರೆ ಎನ್ನಲಾಗುತ್ತಿದೆ. ಆದರೆ ಸಿನಿಮಾ ಮಾಡುತ್ತಾರೆ ಅನ್ನೋದು ಖಚಿತವಾಗಿಲ್ಲ.