ಬಾಲಯ್ಯ ಹೊಸ ಸಿನಿಮಾಗೆ ನಾಯಕಿಯಾದ 'ಯುವರತ್ನ' ಸುಂದರಿ ಸಯೇಶಾ

ಪುನೀತ್ ಜೊತೆ ನಟಿಸಿರುವ ಸಯೇಶಾ

ಮೊದಲ ಬಾರಿಗೆ ಕನ್ನಡ ಸಿನಿಮಾದಲ್ಲಿ ನಟಿಸುತ್ತಿರುವ ಸಯೇಶಾ ಪವರ್ ಸ್ಟಾರ್ ಪುನೀತ್ ಜೊತೆ ತೆರೆಹಂಚಿಕೊಂಡಿದ್ದಾರೆ. 'ಯುವರತ್ನ' ಸಿನಿಮಾ ಬಳಿಕ ಸಯೇಶಾ ಯಾವ ಸಿನಿಮಾವನ್ನು ಒಪ್ಪಿಕೊಂಡಿರಲಿಲ್ಲ. ಇತ್ತೀಚಿಗೆ ಚಿತ್ರದ ಚಿತ್ರೀಕರಣ ಮುಗಿಸಿರುವ ಸಯೇಶಾ ಇದೀಗ ಬಾಲಯ್ಯ ಸಿನಿಮಾದಲ್ಲಿ ನಟಿಸಲು ಸಜ್ಜಾಗಿದ್ದಾರೆ.

ನಟಿ ಸಯೇಶಾ ಟ್ವೀಟ್

ಈ ಬಗ್ಗೆ ಟ್ವಿಟ್ಟರ್ ನಲ್ಲಿ ಬರೆದುಕೊಂಡಿರುವ ಸಾಯೇಶಾ 'ಅದ್ಭುತವಾದ ತಂಡದ ಜೊತೆ ಕೆಲಸ ಮಾಡಲು ಸಂತಸವಾಗುತ್ತಿದೆ. ಸದ್ಯದಲ್ಲೇ ಚಿತ್ರೀಕರಣದಲ್ಲಿ ಭಾಗಿಯಾಗಲು ಎದುರು ನೋಡುತ್ತಿದ್ದೀನಿ' ಎಂದು ಟ್ವೀಟ್ ಮಾಡಿದ್ದಾರೆ. ಅಂದಹಾಗೆ ಬಾಲಯ್ಯ NBK106 ಸಿನಿಮಾಗೆ ಬೊಯಪಟಿ ಶ್ರೀನು ಆಕ್ಷನ್ ಕಟ್ ಹೇಳುತ್ತಿದ್ದಾರೆ.

ಬೊಯಪಟಿ ಶ್ರೀನು-ಬಾಲಯ್ಯ 3ನೇ ಸಿನಿಮಾ

ಇವರಿಬ್ಬರ ಕಾಂಬಿನೇಷನ್ ನಲ್ಲಿ ಈ ಹಿಂದೆ 'ಸಿಂಹ' ಮತ್ತು 'ಲೆಜೆಂಡ್' ಸಿನಿಮಾಗಳು ತೆರೆಕಂಡು ಸೂಪರ್ ಹಿಟ್ ಆಗಿತ್ತು. ಈಗ ಮತ್ತದೆ ಜೋಡಿ ಮೂರನೆ ಬಾರಿಗೆ ಒಂದಾಗುತ್ತಿರುವುದು ಕುತೂಹಲ ಮೂಡಿಸಿದೆ. ಈ ಸಿನಿಮಾದಲ್ಲಿ ಬಾಲಯ್ಯ ದ್ವಿಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ ಎಂದು ಹೇಳಲಾಗುತ್ತಿದೆ.

Recommended Video

Vijay Deverakonda ತಮ್ಮನಿಗೋಸ್ಕರ ಸಾಲು ಸಾಲು ಟ್ವೀಟ್ ಮಾಡಿದ Rashmika | Filmibeat Kannada

ಮತ್ತೋರ್ವ ನಾಯಕಿಯಾಗಿ ನಮಿತಾ ಅಭಿನಯ

ಚಿತ್ರಕ್ಕೆ ಮತ್ತೋರ್ವ ನಾಯಕಿಯಾಗಿ ನಮಿತಾ ನಟಿಸಲಿದ್ದಾರೆ ಎಂದು ಹೇಳಲಾಗುತ್ತಿದೆ. 2010ರಲ್ಲಿ ರಿಲೀಸ್ ಆಗಿದ್ದ ಸಿಂಹ ಸಿನಿಮಾದಲ್ಲಿ ಬಾಲಯ್ಯ ಜೊತೆ ನಮಿತಾ ನಟಿಸಿದ್ದರು. ಇದೀಗ ಮತ್ತೆ ಬಾಲಯ್ಯಗೆ ನಾಯಕಿಯಾಗಿದ್ದಾರೆ ಎನ್ನುವ ಮಾತು ಕೇಳಿ ಬರುತ್ತಿದೆ.