ಬ್ರಹ್ಮಗಂಟು ಸೀರಿಯಲ್‌ ಹೀರೋಯಿನ್ ದೀಪಾ ನಿಜವಾದ ವಯಸ್ಸು, ಶಿಕ್ಷಣ ಸೇರಿದಂತೆ ಇತರ ಮಾಹಿತಿ ಇಲ್ಲಿದೆ.

ಅಂದ್ಹಾಗೆ  'ಬ್ರಹ್ಮಗಂಟು' ಎಂಬ ಹೊಸ ಧಾರಾವಾಹಿಯಲ್ಲಿ ತಂಗಿ ಪಾತ್ರದಲ್ಲಿ ಅಭಿನಯಿಸುತ್ತಿರುವ ನಟಿಯ ಹೆಸರು ದಿಯಾ ಪಾಲಕ್ಕಲ್. ಇವರು 2015ರಲ್ಲಿ ಪ್ರಸಾರವಾಗಿದ್ದ 'ಕಿನ್ನರಿ' ಸೀರಿಯಲ್‌ನಲ್ಲಿ ಐಶ್ವರ್ಯ ಪಾತ್ರದಲ್ಲಿ ಬಾಲನಟಿಯಾಗಿ ಕಾಣಿಸಿಕೊಂಡಿದ್ದರು. ಆನಂತರ ಲಕ್ಷ್ಮೀ ಸ್ಟೋರ್ಸ್‌ ಎನ್ನುವ ಜನಪ್ರಿಯ ತಮಿಳು ಧಾರಾವಾಹಿಯಲ್ಲಿ ಖುಷ್ಬೂ ಜೊತೆ ಅಭಿನಯಿಸಿದ್ದರು. ಸನ್‌ ಟಿವಿಯಲ್ಲಿ ಪ್ರಸಾರ ಕಂಡಿದ್ದ ಈ ಧಾರಾವಾಹಿ ಸೂಪರ್ ಹಿಟ್ ಆಗಿತ್ತು.

ದಿಯಾ ಪಾಲಕ್ಕಲ್ ಅವರು ಇತ್ತೀಚೆಗಷ್ಟೇ ಪಿಯುಸಿ ಶಿಕ್ಷಣ ಮುಗಿಸಿದ್ದಾರೆ. ಇವರ ತಾಯಿ ರಮ್ಯಾ ಹಾಗೂ ಚಿಕ್ಕಮ್ಮ ರಾಧಾ ಭರನಾಟ್ಯ ಕಲಾವಿದರಾಗಿದ್ದಾರೆ. ಜೊತೆಗೆ ನಟನೆಯಲ್ಲೂ ತೊಡಗಿಸಿಕೊಂಡಿದ್ದಾರೆ. ಹೀಗಾಗಿ, ದಿಯಾಗೆ ತಾಯಿಯಿಂದಲೇ ನಟನೆಯತ್ತ ಹೆಚ್ಚು ಒಲವು ಬೆಳೆದಿದೆ. ಈ ನಟಿಗೀಗ ಕೇವಲ 19 ವರ್ಷ ಎನ್ನಲಾಗಿದೆ.

ದಿಯಾ ಪಾಲಕ್ಕಲ್ ಕನ್ನಡ ಕಿರುತೆರೆ ಮಾತ್ರವಲ್ಲದೇ, ಹಿರಿತೆರೆಯಲ್ಲೂ ಗುರುತಿಸಿಕೊಂಡಿದ್ದಾರೆ. ರಾಜ್‌ಬಿ ಶೆಟ್ಟಿ ಹಾಗೂ ವೈಜಯಂತಿ ಅಡಿಗ ಮುಖ್ಯಭೂಮಿಕೆಯಲ್ಲಿ ನಟಿಸಿದ್ದ 'ಅಮ್ಮಚ್ಚಿಯೆಂಬ' ಸಿನಿಮಾದಲ್ಲಿ 'ದಿಯಾ' ಎಂಬ ಪುಟ್ಟ ಹುಡುಗಿಯ ಪಾತ್ರ ನಿರ್ವಹಿಸುವ ಮೂಲಕ ಪ್ರೇಕ್ಷಕರ ಮೆಚ್ಚುಗೆಗೆ ಪಾತ್ರರಾಗಿದ್ದರು. ಆನಂತರ ಜಾನ್ ಜಾನಿ ಜನಾರ್ಧನ್, ಜಾನಿ ಜಾನಿ ಎಸ್ ಪಪ್ಪಾ ಹಾಗೂ ಭರ್ಜರಿ ಚಿತ್ರಗಳಲ್ಲೂ ಬಾಲನಟಿಯಾಗಿ ಕಾಣಿಸಿಕೊಂಡಿದ್ದಾರೆ. ಜೊತೆಗೆ '50' ಎನ್ನುವ ಕಿರುಚಿತ್ರದಲ್ಲೂ ನಟಿಸಿದ್ದಾರೆ.

ಕಿನ್ನರಿ ನಂತರ ಕನ್ನಡ ಕಿರುತೆರೆಯಿಂದ ದೂರವಿದ್ದ ಈ ಬೆಡಗಿ, ಬ್ರಹ್ಮಗಂಟು ಧಾರಾವಾಹಿಯಲ್ಲಿ ನಾಯಕಿಯಾಗಿ ನಟಿಸುವ ಮೂಲಕ ಕಂಬ್ಯಾಕ್ ಮಾಡಿದ್ದಾರೆ. ಅಕ್ಕನಿಗಾಗಿ ಸರ್ವಸ್ವವನ್ನು ತ್ಯಾಗ ಮಾಡುವ ಕರುಣಾಮಯಿ ತಂಗಿಯ ಪಾತ್ರದಲ್ಲಿ ದಿಯಾ ಕಾಣಿಸಿಕೊಂಡಿದ್ದಾರೆ. ಸದ್ಯ ಈ ಧಾರಾವಾಹಿಯ ವೀಕ್ಷಕೆ ಮೆಚ್ಚುಗೆ ಗಳಿಸಿದ್ದು, ದಿಯಾ ತಮ್ಮ ಪಾತ್ರ ಹಾಗೂ ಸ್ವಭಾವದ ಮೂಲಕ ಕಿರುತೆರೆ ಪ್ರೇಕ್ಷಕರ ಹೃದಯ ಕದ್ದಿದ್ದಾರೆ.

ದಿಯಾ ಅವರ ತಾಯಿ, ಚಿಕ್ಕಮ್ಮ ಹಾಗೂ ಕೆಲ ಸಂಬಂಧಿಗಲು ಕೂಡ ಕಿರುತೆರೆಯಲ್ಲಿ ಜನಪ್ರಿಯತೆ ಗಳಿಸಿದ್ದಾರೆ. ದಿಯಾ ಅವರ ತಾಯಿ ಹೆಸರು ರಮ್ಯಾ ಅಜಯ್. ಇವರು ಭರತನಾಟ್ಯ ಕಲಾವಿದೆ ಆಗಿದ್ದು, ತ್ರಿನಿದಾದ್ ಆಂಡ್ ಟೊಬ್ಯಾಕೋದಲ್ಲಿ ಮಹಾತ್ಮ ಗಾಂಧಿ ಇನ್‌ಸ್ಟಿಟ್ಯೂಟ್ ಫಾರ್ ಕಲ್ಚರಲ್ ಕಾರ್ಪೋರೇಷನ್ ನ ನಿರ್ದೇಶಕರಾಗಿದ್ದಾರೆ. ಇವರ ಸಹೋದರಿ ರಾಧಾ ಅವರು ಕೂಡ ಕನ್ನಡ ಕಿರುತೆರೆಯಲ್ಲಿ ನಟಿಸಿದ್ದಾರೆ. ಇನ್ನು ದಿಯಾ ಪಾಲಕ್ಕಲ್ ಅವರು ಟ್ರೆನಿಡಾಡ್‌ನಲ್ಲಿರುವ Maple leaf international schoolನಲ್ಲಿ ಪದವಿ ಪಡೆದಿದ್ದಾರೆ.