ದೊಡ್ಮನೆ ಹೆಮ್ಮೆಯ ಸೊಸೆ ಅಶ್ವಿನಿ ಪುನೀತ್ ರಾಜ್‌ಕುಮಾರ್ ವಯಸ್ಸು, ಕಾರು, ಆಸ್ತಿ ಮೌಲ್ಯ ಎಷ್ಟು ಗೊತ್ತಾ?

ದೊಡ್ಮನೆ ಹೆಮ್ಮೆಯ ಸೊಸೆ ಅಶ್ವಿನಿ ಪುನೀತ್ ರಾಜ್‌ಕುಮಾರ್ ಕಾಫಿನಾಡು ಚಿಕ್ಕಮಗಳೂರು ಜಿಲ್ಲೆಯ ಮೂಡಿಗೆರೆ ತಾಲೂಕಿನವರು. ಇವರು  1981 ಮಾರ್ಚ್ 14ರಂದು ಜನಿಸಿದ್ದು, ಅವರಿಗೀಗ 44 ವರ್ಷ ವಯಸ್ಸು. ಅಪ್ಪು ಹಾಗೂ ಅಶ್ವಿನಿ ಅವರಿಗೆ ಆರು ವರ್ಷಗಳ ಅಂತರವಿದೆ.

ಪದವೀಧರೆಯಾಗಿರುವ ಅಶ್ವಿನಿ ಪುನೀತ್ ರಾಜ್‌ಕುಮಾರ್ ಅವರು ಫ್ಯಾಶನ್ ಡಿಸೈನರ್ ಕೂಡ ಹೌದು. ಇವರ ತಂದೆ ಬಾಗಮನೆ ರೇವನಾಥ್. ಅವರು ಬೆಂಗಳೂರು ಮಹಾನಗರ ಪಾಲಿಕೆಯಲ್ಲಿ ಇಂಜಿನಿಯರಿಗ್ ಆಗಿ ಕೆಲಸ ಮಾಡಿದ್ದರು. ಅಪ್ಪು ನಿಧನದ ಕೆಲವೇ ತಿಂಗಳ ಅಂತರದಲ್ಲಿ ರೇವನಾಥ್ ಕೂಡ ವಿಧಿವಶರಾದರು.

ಪವರ್ ಸ್ಟಾರ್ ಪುನೀತ್‌ ರಾಜ್‌ಕುಮಾರ್ ಮತ್ತು ಅಶ್ವಿನಿ ಅವರ ಮದುವೆ ಡಿಸೆಂಬರ್ 1, 1999ರಲ್ಲಿ ಚಿಕ್ಕಮಗಳೂರಿನಲ್ಲಿ ನಡೆದಿತ್ತು. ಕಾಮನ್ ಫ್ರೆಂಡ್ ಮೂಲಕ ಪರಿಚಯವಾದ ಈ ಜೋಡಿ ನಂತರ ಹಿರಿಯರ ಸಮ್ಮುಖದಲ್ಲಿ ಮದುವೆಯಾಗಿದ್ದರು. ಈ ಜೋಡಿಗೆ ಧೃತಿ ಹಾಗೂ ವಂದಿತಾ ಎಂಬ ಇಬ್ಬರು ಹೆಣ್ಣುಮಕ್ಕಳಿದ್ದಾರೆ.

ಪವರ್ ಸ್ಟಾರ್ ಪುನೀತ್ ರಾಜಕುಮಾರ್ ಅವರ ಕನಸಿನ ಕೂಸು ಪಿಆರ್‌ಕೆ ನಿರ್ಮಾಣ ಸಂಸ್ಥೆ. ಅಪ್ಪು ಹೊಸ ಪ್ರತಿಭೆಗಳು, ಯುವ ನಟರು ಹಾಗೂ ನಿರ್ದೇಶಕರಿಗೆ ಅವಕಾಶ ಕೊಡುವ ಉದ್ದೇಶದಿಂದ ಈ ಸಂಸ್ಥೆಯನ್ನು ಹುಟ್ಟುಹಾಕಿದ್ದರು. ಅಪ್ಪು ನಿಧನದ ಬಳಿಕ ಅಶ್ವಿನಿ ಪುನೀತ್ ರಾಜ್‌ಕುಮಾರ್ ಅವರೇ ಪಿಆರ್‌ಕೆ ಸಂಸ್ಥೆಯನ್ನು ನಡೆಸಿಕೊಂಡು ಹೋಗುತ್ತಿದ್ದಾರೆ. ಪಿಆರ್‌ಕೆ ಬ್ಯಾನರ್‌ನಲ್ಲಿ ಕವಲುದಾರಿ, ಮಾಯಾಬಜಾರ್, ಫ್ರೆಂಚ್ ಬಿರಿಯಾನಿ, ಲಾ, ಆಚಾರ್ & ಕೋ, ಪ್ಯಾಮಿಲಿ ಮ್ಯಾನ್ ಸೇರಿದಂತೆ ಹಲವು ಸಿನಿಮಾಗಳು ನಿರ್ಮಾಣವಾಗಿವೆ.

ಅಶ್ವಿನಿ ಪುನೀತ್ ರಾಜ್‌ಕುಮಾರ್ ಅವರ ಒಟ್ಟು ಆಸ್ತಿ ಮೌಲ್ಯ 200 ರಿಂದ 210 ಕೋಟಿ ರೂಪಾಯಿ ಅಂತ ವರದಿಯಾಗಿದೆ. ಅಪ್ಪು ಅವರಿಗಿದ್ದ ಕಾರಿನ ಕ್ರೇಜ್ ಅಶ್ವಿನಿ ಅವರಿಗೂ ಇದ್ದು, ಕಳೆದ ವರ್ಷ ಆಡಿ ಕ್ಯೂ 7 ಟಾಪ್ ಎಂಡ್ ಕಾರನ್ನು ಖರೀದಿಸಿದ್ದರು. ಗ್ರೇ ಬಣ್ಣದ ಈ ಕಾರಿನ ಬೆಲೆ 1.11 ರಿಂದ 1.20 ಕೋಟಿ ರೂಪಾಯಿ ಎನ್ನಲಾಗಿದೆ.