ದೊಡ್ಮನೆಯಲ್ಲಿ ಸಂಗೀತಾ ಅಧಃಪತನ ಶುರು: ಇನ್‌ಸ್ಟಾಗ್ರಾಮ್‌ನಲ್ಲಿ 11 ಸಾವಿರ ಫಾಲೋವರ್ಸ್ ಕಳೆದುಕೊಂಡ ಚಾರ್ಲಿ ಬೆಡಗಿ

ಬಿಗ್‌ಬಾಸ್ ಮನೆಗೆ ಎಂಟ್ರಿಕೊಡುವವರಿಗೆ ಸೋಶಿಯಲ್ ಮೀಡಿಯಾದಲ್ಲಿ ಹಿಂಬಾಲಕರ ಸಂಖ್ಯೆ ಜಾಸ್ತಿಯಾಗುತ್ತಾ ಹೋಗುತ್ತೆ. ಬಿಗ್‌ಬಾಸ್ ಜರ್ನಿ ಆರಂಭವಾದಾಗ ಇದ್ದ ಫಾಲೋವರ್ಸ್ ಸಂಖ್ಯೆ ಕೊನೆಯಲ್ಲಿ ದ್ವಿಗುಣಗೊಳ್ಳುವ ಸಾಕಷ್ಟು ಉದಾಹರಣೆ ಕೂಡ ಇದೆ. ಜನಪ್ರಿಯತೆಯೂ ಕೂಡ ಹೆಚ್ಚುತ್ತೆ. ಚಾರ್ಲಿ ಬೆಡಗಿ ದೊಡ್ಮನೆಗೆ ಕಾಲಿಟ್ಟ ದಿನದಿಂದಲೂ ಅವರ ಅಭಿಮಾನಿಗಳ ಸಂಖ್ಯೆ ಹೆಚ್ಚಾಗಿತ್ತು. ಬಳೆ ವಿವಾದದ ಬಳಿಕವಂತೂ ಅವರಿಗೆ ಬೆಂಬಲ ಹೆಚ್ಚಾಗಿತ್ತು. ಇದೀಗ ಏಕಾಏಕಿ ಅವರ ಹಿಂಬಾಲಕರ ಸಂಖ್ಯೆ ಕುಸಿದಿದೆ. ತಲೆ ಬೋಳಿಸುವ ಚಾಲೆಂಜ್ ನೀಡುವುದಕ್ಕೂ ಮೊದಲು ಸಂಗೀತಾಗೆ  4.49 ಹಿಂಬಾಲಕರಿದ್ದರು. ಇದೀಗ 4.38  ಲಕ್ಷಕ್ಕೆ ಇಳಿಕೆಯಾಗಿದೆ. ಬಿಗ್‌ಬಾಸ್ ಮನೆಯಲ್ಲಿನ ಸಂಗೀತಾ ಆಟ ಅಭಿಮಾನಿಗಳ ಮೇಲೂ ನೇರ ಪರಿಣಾಮ ಬೀರುತ್ತಿದೆ.  ಹೀಗಾಗಿ ಫಾಲೋಸ್‌ ಸಂಖ್ಯೆ ದಿನ ಕಳೆದಂತೆ ಇಳಿಕೆಯಾಗುತ್ತಲೇ ಇದೆ.  

ಚಾರ್ಲಿ ಬೆಡಗಿಗೆ ಆರಂಭದದಿಂದಲೂ ಪ್ರೇಕ್ಷಕರಿಂದ ಬೆಂಬಲ ವ್ಯಕ್ತವಾಗಿತ್ತು. ಅದರಲ್ಲೂ ಬಳೆ ವಿವಾದ ಬಳಿಕವಂತೂ ಸಂಗೀತಾಗೆ ದೊಡ್ಡ ಅಭಿಮಾನಿ ಬಳಗ ಹುಟ್ಟಿಕೊಂಡಿತ್ತು. ಕಾರ್ತಿಕ್, ತನಿಷಾ ಹಾಗೂ ಸಂಗೀತಾ ಬಾಂಡಿಂಗ್ ಕೂಡ ವೀಕ್ಷಕರಿಗೆ ಇಷ್ಟವಾಗಿತ್ತು. ಆದರೆ, ಸಂಗೀತಾ ತಾವು ಸೇಫ್ ಆಗಿದ್ದರೂ 'ಫ್ರೆಂಡ್ಸ್ ಸೇಫ್ ಮಾಡಲಿಲ್ಲ' ಅಂತ ತನಿಷಾ-ಕಾರ್ತಿಕ್ ಮೇಲೆ ಅನಾವಶ್ಯಕವಾಗಿ ಕಿತ್ತಾಡಲೂ ಆರಂಭಿಸಿದರೋ ಆಗಿನಿಂದ ಅವರ ಮೇಲೆ ಅಸಮಾಧಾನ ಶುರುವಾಯಿತು. ವಾರಾಂತ್ಯದಲ್ಲಿ ಕಿಚ್ಚ ಸುದೀಪ್ ಈ ಬಗ್ಗೆ ಕ್ಲಾಸ್ ತೆಗೆದುಕೊಂಡರೂ ಕೂಡ ಸಂಗೀತಾ ತಮ್ಮ ತಪ್ಪನ್ನು ಒಪ್ಪಿಕೊಂಡಿಲ್ಲ. ಇದೀಗ ಪೂರ್ತಿ ಉಲ್ಟಾ ಹೊಡೆದಿದ್ದಾರೆ. ಇದರ ಜೊತೆಗೆ ವಿನಯ್ ಟೀಂ ಸೇರಿಕೊಂಡು ಕಾರ್ತಿಕ್‌ಗೆ ತಲೆ ಬೋಳಿಸಿಕೊಳ್ಳಿ ಎಂದಿದ್ದು ವೀಕ್ಷಕರಿಗೆ ತೀವ್ರ ಬೇಸರ ತರಿಸಿದೆ. 

ಈ ಹಿಂದೆ ತನಿಷಾ ಅವರು ಸಂಗೀತಾ ಸಮಯ ಸಾಧಕಿ ಎಂದಿದ್ದರು. ಆದಾದ ಬಳಿಕ ಮೈಕಲ್ ವರ್ತೂರು ಸಂತೋಷ್ ಅವರಿಗೆ 34 ಲಕ್ಷಕ್ಕೂ ಅಧಿಕ ವೋಟ್ಸ್ ಬಿದ್ದಿದೆ ಅಂತ ಬಹಿರಂಗವಾದ್ಮೇಲೆ ಸಂಗೀತಾ ಅವರ ಜೊತೆ ಕ್ಲೋಸ್ ಆಗಿದ್ದಾರೆ. ಸಂಗೀತಾ ಅವಕಾಶವಾದಿ ಅಂತ ಕಿಚ್ಚನ ಎದುರು ಹೇಳಿದ್ದರು. ನಿನ್ನೆ ನಡೆದ ಚಟುವಟಿಕೆ ವೇಳೆ ಸಂಗೀತಾ ಆಟದ ವೈಖರಿ ಕಂಡು ಮೈಕಲ್, ಮತ್ತೆ ಸಂಗೀತಾ ಅವಕಾಶವಾದಿ, ಸಮಯ ಸಾಧಕಿ ಅಂತ ಹೇಳಿದ್ದಾರೆ. ಬಿಗ್‌ಬಾಸ್ ವೀಕ್ಷಕರು ಕೂಡ ಸಂಗೀತಾ ಅವಕಾಶವಾದಿ. ಆರಂಭದಲ್ಲಿ ನಾವು ಸಂಗೀತಾ ಅವರೇ ಗೆಲ್ಲಬೇಕು ಅಂತಿದ್ದೆವು. ಆದ್ರೀಗ ಅವರು ಗೌರವ ಕಳ್ಕೊಳ್ತಿದ್ದಾರೆ ಎಂದಿದ್ದಾರೆ. 

ಬಿಗ್‌ಬಾಸ್ ಮನೆಯಲ್ಲಿ ಸಂಗೀತಾ ಶೃಂಗೇರಿ ಅಧಃಪತನ ಶುರುವಾಗಿದೆ. ಕಳೆದೆರಡು ವಾರಗಳ ಹಿಂದೆಯಿದ್ದ ಫ್ಯಾನ್ಸ್ ಸಂಗೀತಾಗೆ ಈಗ ಇಲ್ಲ. ಸಂಗೀತಾ ತಮ್ಮ ಕಾಲ ಮೇಲೆ ತಾವೇ ಕಲ್ಲು ಹಾಖಿಕೊಳ್ತಿದ್ದಾರೆ. ತಮ್ಮ ಗೌರವನ್ನು ತಾವೇ ಕಳೆದುಕೊಳ್ತಿದ್ದಾರೆ ಅಂತ ವೀಷಕರು ಸೋಶಿಯಲ್ ಮೀಡಿಯಾದಲ್ಲಿ ತಮ್ಮ ಅಭಿಪ್ರಾಯ ಹೊರಹಾಕುತ್ತಿದ್ದಾರೆ. ವಿನಯ್ ಜೊತೆ ಕಿತ್ತಾಡಿ ರಾತ್ರೋರಾತ್ರಿ ಸ್ಟಾರ್ ಆದರು. ಆ ಸಮಯಕ್ಕೆ ಅದು ಮುಖ್ಯವಾಗಿತ್ತು. ಈಗ ನೋಡಿದ್ರೆ ಬಿಗ್‌ಬಾಸ್‌ ಮನೆಯಲ್ಲಿ ಅವರ ಉದ್ದೇಶವೇ ಕಳೆದುಹೋಗಿದೆ. ಕವರ್ ನೋಡಿ ಪುಸ್ತಕವನ್ನು ಜಡ್ಜ್ ಮಾಡಬಾರದು ಅಂತ ಹೇಳುತ್ತಿದ್ದಾರೆ. 

ಸಂಗೀತಾ ಪದೇ-ಪದೇ ಬಿಟ್ಟು ಬಿಗ್‌ಬಾಸ್ ಮನೆ ಬಿಟ್ಟು ಹೋಗುವ ಮಾತನಾಡುತ್ತಿದ್ದಾರೆ. ಇದರ ಜೊತೆಗೆ ಬ್ರಹ್ಮಾಂಡ ಗುರೂಜಿ ಮನೆಯಿಂದ ಹೊರಟಾಗ ಸಂಗೀತಾ ಕೂಡ ಮೇನ್ ಡೋರ್ ಆಚೆ ಕಾಲಿಟ್ಟು, ಒಳಗೆ ಬಂದಿದ್ದಾರೆ. ನಂತರ ಬೇಸರದಿಂದ ವಾಶ್ ಬಳಿಬಂದ ಅವರು, ನನಗೆ ಜರ್ನಿ ಕಂಟಿನ್ಯೂ ಮಾಡೋಕೆ ಇಷ್ಟವಿಲ್ಲ. ನನಗೆ ಫ್ರೆಶರ್ ಆಗ್ತಿದೆ, ಡಿಸ್ಟರ್ಬ್ ಆಗುತ್ತಿದೆ. ನನಗೆ ತುಂಬಾ ಸ್ಟ್ರೆಸ್ ಆಗಿದೆ. ಅದನ್ನು ತೆಗೆದುಕೊಳ್ಳಲು ಆಗುತ್ತಿಲ್ಲ ಅಂತ ಗಳಗಳನೇ ಅತ್ತಿದ್ದರು.