ಕಾರ್ತಿಕ್-ತನಿಷಾ ಜೊತೆ ಕಿರಿಕ್: ಬಿಗ್‌ಬಾಸ್ ಮನೆಯಲ್ಲೀಗ ಸಂಗೀತಾಗೆ ನಮ್ರತಾ ಗೌಡ ಬೆಸ್ಟ್ ಫ್ರೆಂಡ್

ಸಂಗೀತಾ ಸ್ವಿಮ್ಮಿಂಗ್ ಪೂಲ್‌ ಬಳಿ ಕುಳಿತುಕೊಂಡು ನಮ್ರತಾ ಜೊತೆ ಮಾತನಾಡುತ್ತಿರುತ್ತಾರೆ. ಈ ಸಂದರ್ಭ ನಮ್ರತಾ ಮಾತನಾಡುತ್ತ ನಿಮ್ಮ ಫ್ರೆಂಡ್ಸ್ ಇದ್ದಾರಲ್ಲ ಅವರಿಬ್ಬರು ಅಂತ ಹೇಳಿದ್ದಾರೆ. ಇದಕ್ಕೆ ಸಂಗೀತಾ ಯಾಕೆ ಪದೇ ಪದೇ ಫ್ರೆಂಡ್ಸ್ ಅಂತ ಹೇಳ್ತೀರಾ? ನಾನು ಅವರ ಜೊತೆಯಿದ್ದೇ ಎಂದ ಮಾತ್ರಕ್ಕೆ ಫ್ರೆಂಡ್ಸ್ ಅಲ್ಲ ಎಂದಿದ್ದಾರೆ. ಇತ್ತ ಅಡುಗೆ ಮನೆಯಲ್ಲಿ ತನಿಷಾ ಅವಳ ಜೊತೆ ಮಾತನಾಡಿದ್ಯಾ ಅಂತ ಕಾರ್ತಿಕ್‌ನನ್ನು ಕೇಳುತ್ತಾರೆ. ಆಗ ಕಾರ್ತಿಕ್ ಅವಳು ನನ್ನ ಮುಖ ಸಹ ನೋಡಿಲ್ಲ ಎಂದಿದ್ದಾರೆ. 

ಆರನೇ ವಾರದ ನಾಮಿನೇಷನ್ ಪ್ರಕ್ರಿಯೆಯನ್ನು ಬಿಗ್‌ಬಾಸ್ ವಿಶೇಷವಾಗಿ ನಡೆಸಿದ್ದರು. ಈ ಸಂದರ್ಭ ಲೂಡೋ ಗೇಮ್ ಆಡುವ ಮೂಲಕ ನಾಮಿನೇಷನ್ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಲಾಗಿದೆ. ನಾಮಿನೇಷ್‌ನಲ್ಲಿ ಸಂಗೀತಾ ಶೃಂಗೇರಿ ಸೇಫ್ ಆಗಿದ್ದು, ತನಿಷಾ-ಕಾರ್ತಿಕ್ ನಾಮಿನೇಟ್ ಆಗಿದ್ದರು. ಆದರೆ, ಕಾರ್ತಿಕ್ ಹಾಗೂ ತನಿಷಾಗೆ ತಮ್ಮನ್ನು ಸೇಫ್ ಮಾಡಲು ಅವಕಾಶವಿದ್ದರೂ ಮಾಡಲಿಲ್ಲ ಎಂಬ ಕಾರಣಕ್ಕೆ ಸಂಗೀತಾ ಅವರಿಬ್ಬರ ಮೇಲೆ ಕೋಪಗೊಂಡಿದ್ದರು. ಇದೇ ವಿಚಾರವಾಗಿ ಮೂವರ ನಡುವೆ ಜಗಳ ನಡೆದು ಕಣ್ಣೀರು ಹಾಕಿದ್ದರು. ಕಿಚ್ಚನ ಪಂಚಾಯಿತಿಯಲ್ಲೂ ಈ ವಿಷಯದ ಬಗ್ಗೆ ಚರ್ಚೆ ನಡೆದಿತ್ತು. ಈ ಸಂದರ್ಭ ಸುದೀಪ್ ಮುಂದೆ ಮೂರು ಜನರಲ್ಲಿ ಪುಟ್ಟ ಮಗುವಿದ್ದರೆ ಅದನ್ನು ಹೇಗೆ ಟ್ರೀಟ್ ಮಾಡ್ತಿವೋ ಹಾಗೇ ಸಂಗೀತಾ ಅವರನ್ನು ನಾನು ಮತ್ತು ಕಾರ್ತಿಕ್ ಟ್ರೀಟ್ ಮಾಡುತ್ತಿದ್ದೇವೆ ಎಂದಿದ್ದರು. ಇದೇ ವಿಷಯವನ್ನಿಟ್ಟುಕೊಂಡು ಸಂಚಿಕೆ ಮುಗಿದ ಮೇಲೆ ಸಂಗೀತಾ ಕ್ಯಾತೆ ತೆಗೆದಿದ್ದರು. ಜೊತೆಗೆ ಮಧ್ಯರಾತ್ರಿ ಕಣ್ಣೀರು ಸಹ ಹಾಕಿದ್ದರು. 

ಸಂಗೀತಾ ಜೊತೆಗಿನ ಚರ್ಚೆ ನಂತರ ಕಾರ್ತಿಕ್ ಅವರು ಮೊದಲಿನ ತರಹ ಇರೋಕಾಗಲ್ಲ ಎಂದಿದ್ದಾರೆ. ಅದಕ್ಕೆ ಸಂಗೀತಾ, ಹೌದು ನಾನೊಂದು ಮಿಸ್ಟೇಕ್ ಮಾಡಿದೆ. ನಾನು ತುಂಬಾ ಎಮೋಷನಲ್ ಅಟ್ಯಾಚ್ ಆದೇ. ಅದು ನನ್ನ ತಪ್ಪು, ಒಪ್ಪಿಕೊಳ್ತೀನಿ. ಅದನ್ನು ನಾನು ಕಟ್ ಮಾಡಿದೆ. ಇನ್ಮುಂದೇ ಈ ತಪ್ಪನ್ನು ಯಾವುದೇ ಕಾರಣಕ್ಕೂ ಮಾಡಲ್ಲ ಎಂದಿದ್ದರು. 

ಇದೀಗ ದೊಡ್ಮನೆಯಲ್ಲಿ ಎಲ್ಲಾ ವಿಷಯಕ್ಕೂ ಸಂಗೀತಾ ಹಾಗೂ ತನಿಷಾ ನಡುವೆ ಕಿತ್ತಾಟ ನಡೆಯುತ್ತಿದೆ. ಓಪನ್ ನಾಮಿನೇಷನ್ ವೇಳೆ ಸಂಗೀತಾ ಅವರನ್ನು ನಾಮಿನೇಟ್ ಮಾಡಿದ್ದ ಸಂಗೀತಾ, ಇಷ್ಟುದಿನ ನಾನು ಏನು ಮಾತನಾಡಿರೋದು ಫೇಕ್, ಪ್ಲಿಪ್ ಅಂತ ಹೇಳಿದ್ರು. ಮೊದಲು ಯಾರನ್ನ ಬೈಕೊಂಡಿದ್ರೋ, ಈಗ ಅವರ ಜೊತೆಯೇ ಓಡಾಡುತ್ತಾ ಗಾಸಿಪ್ ಮಾಡುತ್ತಿದ್ದಾರೆ. ಇದು ಡಬಲ್ ಫೇಸ್ ಅಲ್ವೇ? ಎಂದಿದ್ದಾರೆ. 

ಸದ್ಯ ದೊಡ್ಮನೆಯಲ್ಲಿ ಗಜಕೇಸರಿ ಮತ್ತು ಸಂಪತ್ತಿಗೆ ಸವಾಲ್ ಎಂದು ಎರಡು ತಂಡಗಳನ್ನು ಮಾಡಲಾಗಿದೆ. ಗಜಕೇಸರಿ ಟೀಮ್‌ನಲ್ಲಿ ವಿನಯ್, ನಮ್ರತಾ, ಸಂಗೀತಾ, ಸ್ನೇಹಿತ್, ಸಿರಿ, ಡ್ರೋನ್ ಪ್ರತಾಪ್‌ ಇದ್ದಾರೆ.  ಸಂಪತ್ತಿಗೆ ಸವಾಲ್ ಟೀಮ್‌ನಲ್ಲಿ ಮೈಕಲ್, ನೀತು, ತನಿಷಾ, ವರ್ತೂರು, ಕಾರ್ತಿಕ್ ಮತ್ತು ತುಕಾಲಿ ಸಂತೋಷ್‌ ಇದ್ದಾರೆ. ಸದ್ಯ ಎರಡು ತಂಡಗಳ ನಡುವೆ ತೀವ್ರ ಜಟಾಪಟಿ ನಡೆಯುತ್ತಿದೆ.