ಯಾವಾಗ ನೋಡಿದ್ರೂ ಒಂದ್ಸಲಿ ಅಲ್ಲಿ ಬಕೆಟ್, ಇನ್ನೊಂದ್ಸಲಿ ಇಲ್ಲಿ ಬಕೆಟ್‌ ಅಂತ ಚುಚ್ಚಿದ ಸಂಗೀತಾ: ಹೋಗೇ ಎಂದ ಸ್ನೇಹಿತ್

ಬಿಗ್‌ಬಾಸ್‌ ರಾಕ್ಷಸರು ಹಾಗೂ ಗಂಧರ್ವರಿಗೆ ಬಾವುಟದ ಚಟುವಟಿಕೆಯನ್ನು ನೀಡಿದ್ದರು. ಇದರ ಪ್ರಕಾರ, ಟಾಸ್ಕ್ ಮುಗಿಯುವ ಹೊತ್ತಿಗೆ ಯಾರ ಬಾವುಟ ಹೆಚ್ಚಿರುತ್ತೋ ಅವರು ಗೆದ್ದಂತೆ. ಈ ವೇಳೆ ಸ್ನೇಹಿತ್ ರೂಲ್ಸ್ ಹೇಳೋದು ನನ್ನ ಕೆಲಸ. ನಾನು ಹೇಳ್ತೀನಿ ಎಂದರು. ಅದಕ್ಕೆ ಸ್ನೇಹಿತ್, ಮತ್ತೆ ಮತ್ತೆ ಹೇಳುತ್ತಿದ್ದರೆ ನಾವು ಆಡೋದು ಹೇಗೆ? ಅದಕ್ಕೆ ಬಯಾಸ್ಡ್ ಕ್ಯಾಪ್ಟನ್ ಅಂತ ಹೇಳೋದು. ಇವರಿಗೆ ಕ್ಯಾಪ್ಟನ್ ಅಂತ ಯಾರಾದರೂ ಹೇಳ್ತಾರಾ?ಎಂದರು. ಅದಕ್ಕೆ ಸ್ನೇಹಿತ್, ನನ್ನ ಶಕ್ತಿ ಮೇಲೆ ನಾನು ಕ್ಯಾಪ್ಟನ್ ಆಗಿರೋದು. ನೀವಲ್ಲ ನನ್ನನ್ನ ಕ್ಯಾಪ್ಟನ್ ಮಾಡಿರೋದು. ನೀನೇ ಕ್ಯಾಪ್ಟನ್ ಆಗಿಲ್ಲ. ನನ್ನ ಏನು ಕ್ಯಾಪ್ಟನ್ ಮಾಡ್ತೀಯಾ? ಹೋಗೆಲೇ ಎಂದರು. ಅದಕ್ಕೆ ಸಂಗೀತಾ ಹೋಗೋಲೋ ಎಂದರು. 

ಮುಂದುವರೆದು ಸ್ನೇಹಿತ್ ಒಂದು ವಾರ ಆದರೂ ಕ್ಯಾಪ್ಟನ್ ಆಗಿದ್ಯಾ ನೀನು? ಅಂತ ಪ್ರಶ್ನಿಸಿದರು. ಅದಕ್ಕೆ ಸಂಗೀತಾ, ನೀನು ಹೇಗೆ ಕ್ಯಾಪ್ಟನ್ ಆಗಿದ್ಯಾ ಅಂತ ಎಲ್ಲರಿಗೂ ಗೊತ್ತು ಭಿಕ್ಷೆ ಎಂದರು. ಅದಕ್ಕೆ ಸ್ನೇಹಿತ್, ಯಾರು ಭಿಕ್ಷೆ ಹಾಕಿರೋದು. ನಾನು ನನ್ನ ಸಾಮರ್ಥ್ಯದ ಮೇಲೆ ಕ್ಯಾಪ್ಟನ್ ಆಗಿರೋದು ಎಂದರು. ಸಂಗೀತಾ ನೀನು ಯಾರಿಗೆ ಚೇಲಾ ಅಂತ ಎಲ್ಲರಿಗೋ ಗೊತ್ತು ಇಲ್ಲಿ ಎಂದರು.

ಸ್ನೇಹಿತ್ ನೀನು ನಿನ್ನ ಶಕ್ತಿಯಿಂದ ಏನು ಗೆದ್ದಿದ್ದೀಯಾ? ಏನೂ ಗೆದ್ದಿಲ್ಲ ಎಂದರು. ಅದಕ್ಕೆ ಸಂಗೀತಾ, ಹಿಂದಿನ ವಾರ ಹೋಗಬೇಕಾದವನು ಜಾಸ್ತಿ ಮಾತನಾಡಬಾರದು. ಭಿಕ್ಷೆ ತಗೊಂಡು ಸೇವ್ ಆಗಿರೋದು. ಈಗ ಇಲ್ಲೂ ಚೀಟಿಂಗ್ ಮಾಡೋಕೆ ಬಂದಿರೋದು. ಯಾವಾಗ ನೋಡಿದರೂ ಒಂದ್ಸಲಿ ಅಲ್ಲಿ ಬಕೆಟ್, ಇನ್ನೊಂದ್ಸಲಿ ಇಲ್ಲಿ ಬಕೆಟ್ ಎಂದರು. ಅದಕ್ಕೆ ಸ್ನೇಹಿತ್, ಹಿಂದಿನ ವಾರ ನಾನು ಹೋಗಬೇಕಿತ್ತು ಅಂತ ಡಿಸೈಡ್ ಮಾಡೋಕೆ ನೀನು ಯಾರು? ಏಯ್ ಹೋಗೆಲೇ ಎಂದರು. ಇಬ್ಬರ ಜಗಳ ಕಂಡ ಸಿರಿ, ಹೀಗೆಲ್ಲಾ ಮಾತನಾಡಬಾರದು ಎಂದರು. 

ಗಂಧರ್ವರು ಹಾಗೂ ರಾಕ್ಷಸರು ತಂಡದ ಉಸ್ತುವಾರಿ ವಹಿಸಿರುವ ಕ್ಯಾಪ್ಟನ್ ಸ್ನೇಹಿತ್ ಪಕ್ಷಪಾತ ಮಾಡ್ತಿದ್ದಾರೆ ಅಂತ ಅನೇಕರು ಆರೋಪಿಸಿದ್ದಾರೆ. ಅವರು ಪದೇ-ಪದೇ ಸಾಭೀತು ಮಾಡುತ್ತಿದ್ದಾರೆ. ಇಂದಿನ ಸಂಚಿಕೆಯಲ್ಲಿ ನೀರು ಎರಚಿ ಎದುರಾಳಿ ತಂಡದವರನ್ನು ಕುರ್ಚಿಯಿಂದ ಎಬ್ಬಿಸುವ ಟಾಸ್ಕ್ ನೀಡಲಾಗಿದೆ. ಈ ವೇಳೆ ಸ್ನೇಹಿತ್ ಸರಿಯಾಗಿ ಉಸ್ತುವಾರಿ ನಿರ್ವಹಿಸಿಲ್ಲ ಎಂಬ ಆರೋಪ ವ್ಕಕ್ತವಾಗಿದೆ, ನಮ್ರತಾ ಹೇಳಿದ ನಂತರ ಸ್ನೇಹಿತ್ ತಮ್ಮ ನಿರ್ಧಾರ ಬದಲಿಸಿದ್ದಾರೆ. ಇದಕ್ಕೆ ಕಾರ್ತಿಕ್ ಆಡೋಕೆ ಲಾಯಕ್ಕಿಲ್ಲ ಅಂದ್ರೆ ಹೋಗ್ತಿರಬೇಕು ಅಂತ ಕೂಗಾಡಿದ್ದಾರೆ.

ಈ ವಾರ ಮನೆಯ ಕ್ಯಾಪ್ಟನ್ ಆದ ಸ್ನೇಹಿತ್ ಮಾತ್ರ ನಾಮಿನೇಷನ್ ಅಧಿಕಾರವನ್ನು ಹೊಂದಿದ್ದರು.  ಈ ವೇಳೆ ತಮ್ಮ ಗುಂಪಿನ ವಿನಯ್ ಮತ್ತು ನಮ್ರತಾ ಅವರನ್ನು ಸೇವ್ ಮಾಡಿದ್ದರು. ಸ್ನೇಹಿತ್ ನಾಮಿನೇಷನ್ ಅಧಿಕಾರ ಬಳಸಿಕೊಂಡ ಬಗೆಯಲ್ಲಿ ಸ್ಪಷ್ಟವಾಗಿ ಗ್ರೂಪಿಸಂ ಕಾಣಿಸಿತ್ತು. ಇದೀಗ ತಂಡಗಳ ರಚನೆಯಲ್ಲೂ ಸ್ನೇಹಿತ್‌ ವಿನಯ್‌ ಇರುವ ತಂಡಕ್ಕೆ ಫೇವರಿಸಂ ಮಾಡಿದ್ದಾರೆ.