ಈ ನಟ-ನಟಿಯರು ಒಬ್ಬರಿಗೊಬ್ಬರು ಸಂಬಂಧಿಕರು: ಇವರ ರಿಲೇಷನ್‌ಶಿಪ್ ಹೀಗಿದೆ ನೋಡಿ!

ಅಕುಲ್ ಬಾಲಾಜಿ ಕನ್ನಡ ಕಿರುತೆರೆಯ ಖ್ಯಾತ ನಿರೂಪಕ ಮತ್ತು ಚಿತ್ರನಟ. ಹಲವು ಯಶಸ್ವಿ ಕಾರ್ಯಕ್ರಮಗಳನ್ನು ನಿರೂಪಣೆ ಮಾಡಿರುವ ಇವರು, ಬಿಗ್‌ಬಾಸ್ ಕನ್ನಡ ಸೀಸನ್ 2ರ ವಿಜೇತರು ಕೂಡ ಹೌದು. ಸುಮಾರು 30 ಯಶಸ್ವಿ ಕಾರ್ಯಕ್ರಮಗಳ ನಿರೂಪಕರಾಗಿ ಕಾರ್ಯನಿರ್ವಹಿಸಿದ್ದಾರೆ.ಅಕುಲ್ ಅವರಿಗೆ ಹೆಸರು ತಂದುಕೊಟ್ಟಿದ್ದು`ಪ್ಯಾಟೆ ಹುಡಗೀರ್ ಹಳ್ಳಿ ಲೈಫ್' ರಿಯಾಲಿಟಿ ಶೋ. ಈ ಶೋನ ನಿರೂಪಕರಾಗಿ ಕರ್ನಾಟಕದಾದ್ಯಂತ ಮನೆಮಾತಾದರು. ಅಕುಲ್‌ ಟಾಲಿವುಡ್‌ನಲ್ಲೂ ಕೂಡ ಹೆಸರು ಮಾಡಿದ್ದಾರೆ. ಅಕುಲ್ ಬಾಲಾಜಿ ಮತ್ತು ಟಾಲಿವುಡ್ ಸೂಪರ್ ಸ್ಟಾರ್ ಮಹೇಶ್ ಬಾಬು
ಸಂಬಂಧಿಕರು. ಅಕುಲ್‌ಗೆ ಮಹೇಶ್ ಬಾಬು ಕಸಿನ್‌ ಆಗಬೇಕು. 

ಕನ್ನಡ ಕಿರುತೆರೆ ಮತ್ತು ಚಿತ್ರರಂಗದಲ್ಲಿ ಸಕ್ರಿಯವಾಗಿರುವ ಪ್ರತಿಭಾನ್ವಿತ ನಟಿ ಚಂದ್ರಕಲಾ ಮೋಹನ್ ಎಲ್ಲರಿಗೂ ಗೊತ್ತು. ಇವರು ಪುಟ್ಟಗೌರಿ ಮದುವೆ ಸೀರಿಯಲ್‌ನ ಅಜ್ಜಮ್ಮ ಪಾತ್ರದ ಮೂಲಕ ಪ್ರಸಿದ್ಧಿ ಪಡೆದಿದ್ದಾರೆ. ಹಲವು ಸಿನಿಮಾಗಳಲ್ಲಿಯೂ ಇವರು ನಟಿಸಿದ್ದಾರೆ. ಕಿಚ್ಚ ಸುದೀಪ್ ನಿರೂಪಣೆಯ ಬಿಗ್ ಬಾಸ್ ಕನ್ನಡ ಸೀಸನ್ 8ರ ಸ್ಪರ್ಧಿಯಾಗಿಯೂ ಭಾಗವಹಿಸಿದ್ದ ಚಂದ್ರಕಲಾ ಮೋಹನ್, ನಟ ಶರಣ್ ಹಾಗೂ ನಟಿ ಶೃತಿ ಅವರಿಗೆ ಕಸಿನ್ ಆಗಬೇಕು. 

ನಟ ದುನಿಯಾ ವಿಜಯ್ ಹಾಗೂ ಲೂಸ್ ಮಾದ ಯೋಗೇಶ್ ಸಂಬಂಧಿಕರೆಂದು ಹಲವರಿಗೆ ಗೊತ್ತಿರುವ ವಿಚಾರ. ಇನ್ನೂ ಕೆಲವರಿಗೆ ಈ ವಿಷಯ ತಿಳಿದಿಲ್ಲ. ಲೂಸ್ ಮಾದ ಯೋಗೇಶ್ ತಾಯಿ ಅಂಬುಜಾ ಅವರು ದುನಿಯಾ ವಿಜಯ್ ಆಗಬೇಕು. ವಿಜಯ್‌ಗೆ ಯೋಗೇಶ್ ಸೋದರಳಿಯ ಆಗುತ್ತಾರೆ. ಅಂಬುಜಾ ಅವರು ಕೂಡ ಹಲವು ಸಿನಿಮಾ ಹಾಗೂ ಸೀರಿಯಲ್‌ಗಳಲ್ಲಿ ನಟಿಸಿದ್ದಾರೆ. 

ಕೆಜಿಎಫ್ ಸಿನಿಮಾ ಮೂಲಕ ಚಿತ್ರರಂಗದಲ್ಲಿ ಸಂಚಲನ ಸೃಷ್ಟಿಸಿದ ಪ್ರಶಾಂತ್ ನೀಲ್‌ ಹಾಗೂ ನಟ ಶ್ರೀಮುರಳಿ ಕೇವಲ ಕುಚುಕು ಗೆಳೆಯರಲ್ಲ, ಅವರಿಬ್ಬರು ಸಂಬಂಧಿಕರು ಕೂಡ. ಮುರಳಿ ಪತ್ನಿ ಶ್ರೀವಿದ್ಯಾ ಅವರಿಗೆ ಪ್ರಶಾಂತ್ ನೀಲ್ ಅಣ್ಣನಾಗಬೇಕು. ಇವರಿಬ್ಬರಿಗೂ ಭಾವಂದಿರ ಸಂಬಂಧ.

ನಟಿ ದೀಪಿಕಾ ದಾಸ್ 'ನಾಗಿಣಿ' ಸೀರಿಯಲ್ ಮೂಲಕ ಅಪಾರ ಜನಪ್ರಿಯತೆ ಗಳಿಸಿದವರು. ಈ ಧಾರಾವಾಹಿ ಸುಮಾರು 800ಕ್ಕೂ ಹೆಚ್ಚು ಸಂಚಿಕೆ ಮುಗಿಸಿ ದೀಪಿಕಾರವರಿಗೆ ಒಳ್ಳೆ ಖ್ಯಾತಿ ತಂದು ಕೊಟ್ಟಿತು. ಈ ಧಾರಾವಾಹಿಯಲ್ಲಿ ಅಮೃತಾ ಮತ್ತು ನಾಗಿಣಿ ಪಾತ್ರ ಮಾಡಿದ್ದರು. ಬಿಗ್ ಬಾಸ್ ಕನ್ನಡ ಸೀಸನ್ 7ರಲ್ಲಿ ಭಾಗಿಯಾಗಿದ್ದ ದೀಪಿಕಾ ದಾಸ್, ಸೀಸನ್ 9ಕ್ಕೂ ಎಂಟ್ರಿಕೊಟ್ಟಿದ್ದರು. ಇವರು ರಾಕಿಂಗ್ ಸ್ಟಾರ್ ಯಶ್ ಅವರಿಗೆ ತಂಗಿಯಾಗಬೇಕು. ಯಶ್ ತಾಯಿಯವರ ತಂಗಿಯ ಮಗಳು ದೀಪಿಕಾ ದಾಸ್. 

ನಟಿ ಪ್ರಿಯಾಮಣಿ ಕನ್ನಡ, ತಮಿಳು, ಹಿಂದಿ, ತೆಲುಗು, ಮಲಯಾಳಂ ಭಾಷೆಗಳಲ್ಲಿ ನಟಿಸಿ ಸೈ ಎನಿಸಿಕೊಂಡಿದ್ದಾರೆ. ಬೆಂಗಳೂರು ಮೂಲದ ಪ್ರಿಯಾಮಣಿ ದಕ್ಷಿಣ ಭಾರತದ ಸಿನಿರಂಗದಲ್ಲಿ ಸಾಕಷ್ಟು ಜನಪ್ರಿಯತೆ ಪಡೆದಿದ್ದಾರೆ. ಇವರು ರಾಷ್ಟ್ರಪ್ರಶಸ್ತಿ ವಿಜೇತ ನಟಿ ಕೂಡ ಹೌದು.  ಪ್ರಿಯಾಮಣಿಗೂ ಬಾಲಿವುಡ್‌ಗೂ ನಂಟಿದೆ. ಬಿಟೌನ್‌ ನಟಿ ವಿದ್ಯಾ ಬಾಲನ್ ಅವರು ಪ್ರಿಯಾಮಣಿಗೆ ಕಸಿನ್ ಆಗಬೇಕು.

ಹ್ಯಾಟ್ರಿಕ್ ಹೀರೋ ಶಿವರಾಜ್‌ಕುಮಾರ್ ಅಭಿನಯದ 'ಕುರುಬನ ರಾಣಿ' ಸಿನಿಮಾ ನಟಿ ನಗ್ಮಾ ಹಾಗೂ ತಮಿಳು ನಟಿ ಜ್ಯೋತಿಕಾ ಅಕ್ಕ-ತಂಗಿಯರಾಗಬೇಕು. ಇಬ್ಬರು ಮಲತಾಯಿಯ ಮಕ್ಕಳಾದರೂ  ನಗ್ಮಾ ಮತ್ತು ಜ್ಯೋತಿಕಾ ನಟುವೆ ಉತ್ತಮ ಸಂಬಂಧವಿದೆ. 

ಕನ್ನಡ ಚಿತ್ರರಂಗದಲ್ಲಿ ಬಾಲನಟ ಮಿಂಚಿದ್ದ ನಟ ಅರ್ಜುನ್‌ ಸರ್ಜಾ ಅವರಿಗೆ ತಮಿಳು ಚಿತ್ರರಂಗದಲ್ಲಿ ಹೆಚ್ಚಾಗಿ ಅವಕಾಶ ದೊರೆತ ಕಾರಣ ಅಲ್ಲಿಯೇ ಜನಪ್ರಿಯರಾದರು. ನಾಯಕ, ನಿರ್ದೇಶಕ, ನಿರ್ಮಪಕರಾಗಿ ಚಿತ್ರರಂಗದಲ್ಲಿ ಗುರುತಿಸಿಕೊಂಡಿರುವ ಇವರು, ಕನ್ನಡ, ಮಲಯಾಳಂ, ತೆಲುಗು, ತಮಿಳು, ಹಿಂದಿ ಹೀಗೆ ಹಲವಾರು ಭಾಷೆಗಳಲ್ಲಿ ನಟಿಸಿದ್ದಾರೆ. ಇವರು ಸ್ಯಾಂಡಲ್‌ವುಡ್‌ನ ಕಲಾ ತಪಸ್ವಿ ಎಂದೇ ಬಿರುದಾಂಕಿತರಾದ ರಾಜೇಶ್ ಅವರ ಅಳಿಯ. ನಟ ರಾಜೇಶ್ ಅವರ ಮಗಳು ನಿವೇದಿತಾರನ್ನು ಅರ್ಜುನ್ ಸರ್ಜಾ ಮದುವೆಯಾಗಿದ್ದರು.