ಚೊಚ್ಚಲ ಸಿನಿಮಾದಲ್ಲೇ ದುನಿಯಾ ವಿಜಯ್ ಪುತ್ರಿ ಮೋನಿಕಾಗೆ ಸಿಕ್ಕ ಪ್ಲಸ್ ಪಾಯಿಂಟ್‌ಗಳಿವು!

ರಿತನ್ಯಾ ತಮ್ಮ ತಂದೆ ದುನಿಯಾ ವಿಜಯ್ ಸಿನಿಮಾ ಮೂಲಕ ಬಣ್ಣದ ಲೋಕಕ್ಕೆ ಕಾಲಿಡುತ್ತಿರುವುದು ವಿಶೇಷ. ದುನಿಯಾ ವಿಜಯ್ ಹಾಗೂ ರಿತನ್ಯಾ ಈ ಸಿನಿಮಾದಲ್ಲಿ ಅಪ್ಪ-ಮಗಳ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಈ ಸಿನಿಮಾದ ಮುಹೂರ್ತ ಸಮಾರಂಭ ಮಹಾಲಕ್ಷ್ಮೀ ಪುರದ ಶ್ರೀವೀರಾಂಜನೇಯಸ್ವಾಮಿ ದೇವಸ್ಥಾನದಲ್ಲಿ 2024ರ ಏಪ್ರಿಲ್ 11ರಂದು ನೆರವೇರಿದ್ದು, ಇನ್ನೂ ಟೈಟಲ್ ಇಟ್ಟಿಲ್ಲ.  

ಈ ಹಿಂದೆ ಶರಣ್ಯ ಅಭಿನಯದ ಗುರುಶಿಷ್ಯರು, ಪ್ರಜ್ವಲ್ ದೇವರಾಜ್ ನಟನೆಯ ಜಂಟಲ್‌ಮೆನ್ ಸಿನಿಮಾಗಳನ್ನು ನಿರ್ದೇಶಿಸಿ, ಇತ್ತೀಚೆಗೆ ತೆರೆಕಂಡ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಭಿನಯದ 'ಕಾಟೇರ' ಸಿನಿಮಾಗೆ ಡೈಲಾಗ್ ಬರೆದಿದ್ದ ಜಡೇಶ್ ಕುಮಾರ್ ಹಂಪಿ ನಿರ್ದೇಶನ ಮಾಡುತ್ತಿರುವ ಮತ್ತೊಂದು ವಿಶೇಷ.

ಜಡೇಶ್ ಕುಮಾರ್ ಹಂಪಿ ಈ ಬಾರಿ ದುನಿಯಾ ವಿಜಯ್ ಹಾಗೂ ಅವರ ಮಗಳ ಸಿನಿಮಾಗಾಗಿ ವಿಶೇಷ ಕಥೆ ಬರೆದಿದ್ದಾರೆ. ಇದು ನೆಲ ಮೂಲದ ಕಥೆ ಅಂತ ಹೇಳಲಾಗುತ್ತಿದೆ. ಈ ಚಿತ್ರಕ್ಕೆ ಆಳಿದವರ ಕಥೆಯಲ್ಲ, ಅಳಿದು ಉಳಿದವರ ಕಥೆ' ಅಂತ ಟ್ಯಾಗ್‌ಲೈನ್ ಇದೆ.. 

ಡಿಂಪಲ್ ಕ್ವೀನ್ ರಚಿತಾ ರಾಮ್ ಈ ಸಿನಿಮಾದ ಮೂಲಕ ಎರಡನೇ ಬಾರಿ ದುನಿಯಾ ವಿಜಯ್‌ಗೆ ನಾಯಕಿಯಾಗಿದ್ದಾರೆ. ಇಡೀ ಸಿನಿಮಾದಲ್ಲಿ ವಿಜಯ್ 50 ಆಸುಪಾಸಿನ ವ್ಯಕ್ತಿಯಾಗಿ ಕಾಣಿಸಿಕೊಳ್ಳುತ್ತಿದ್ದು, ರಚಿತಾ 40 ವರ್ಷ ದಾಟಿದ ಮಹಿಳೆಯಾಗಿ ಕಾಣಿಸಿಕೊಳ್ಳಲಿದ್ದಾರೆ. ರಚಿತಾ ರಾಮ್‌ಗೆ ಈ ಡಿ ಗ್ಲಾಮರ್, ಕಲ್ಟ್ ರೋಲ್ ಇಷ್ಟ ಆಗಿದ್ಯಂತೆ.

12 ವರ್ಷಗಳ ಹಿಂದೆ 'ಸಾರಥಿ'ಯಂತಹ ಬ್ಲಾಕ್‌ಬಸ್ಟರ್ ಸಿನಿಮಾ ನೀಡಿದ್ದ ಕೆ.ವಿ ಸತ್ಯ ಪ್ರಕಾಶ್ ಅವರು ಈ ಸಿನಿಮಾ ನಿರ್ಮಾಣ ಮಾಡುತ್ತಿದ್ದಾರೆ.  ಇದೊಂದು ರೆಟ್ರೋ ಕಾಲದ ಕಥೆ ಹೊಂದಿದೆಯಂತೆ. ಜೊತೆಗೆ ಎಲ್ಲಾ ರೀತಿಯ ಕಮರ್ಶಿಯಲ್ ಅಂಶಗಳು ಸಿನಿಮಾ ಹೊಂದಿದೆಯಂತೆ.