ಫುಡ್ TO ರೋಬೋಟ್‌: ಅಪ್ಪು ಅವರ ಆಲ್ ಟೈಮ್ ಫೇವರೇಟ್ ಗಳು ಇವು..!

ಪವರ್‌ಸ್ಟಾರ್ ಪುನೀತ್ ರಾಜ್‌ಕುಮಾರ್ ಭೋಜನ ಪ್ರಿಯರು ಅನ್ನೋದು ಗೊತ್ತೇ ಇದೆ. ಅದರಲ್ಲೂ ಬಿರಿಯಾನಿ ಅಂದ್ರೆ, ನಾನ್ ವೆಜ್ ಅಂದ್ರೆ ಎಲ್ಲಿಲ್ಲದ ಪ್ರೀತಿ. ಪುನೀತ್‌ರಾಜ್‌ಕುಮಾರ್ ಅವರು ತಾವು ಭೋಜನ ಪ್ರಿಯ ಎಂದು ಹೇಳಿಕೊಳ್ಳುತ್ತಿದ್ದರು. ಮಟನ್ ಬಿರಿಯಾನಿ ಅಪ್ಪು ಅವರಿಗೆ ತುಂಬಾ ಪ್ರಿಯವಾದದ್ದು. ಜೊತೆಗೆ ಜೋಳದ ರೊಟ್ಟಿ, ನೀರ್ ದೋಸೆ, ಬೊಯ್ಲ್ಡ್ ರೈಸ್, ಉತ್ತರ ಕರ್ನಾಟಕದ ಶಿರಾ ಪುನೀತ್ ಅವರ ನೆಚ್ಚಿನ ತಿನಿಸುಗಳಾಗಿದ್ದವು. 

ಪವರ್‌ಸ್ಟಾರ್ ಪುನೀತ್‌ರಾಜ್‌ಕುಮಾರ್ ಅವರು ತಂದೆಯಂತೆಯೇ ಹಾಡುವುದನ್ನು ಇಷ್ಟಪಡುತ್ತಿದ್ದರು. ನಾನು ಚಿಕ್ಕವನಾಗಿದ್ದಾಗಲೇ ನಟನೆ ಮತ್ತು ಹಾಡುವುದನ್ನು ಕಲಿತೆ. ಅದು ಒಂದು ತರಹ ಫನ್ ಆಗಿತ್ತು ಎಂದು ಅಪ್ಪು ಹಿಂದೆ ಸಂದರ್ಶನದಲ್ಲಿ ಹೇಳಿಕೊಂಡಿದ್ದರು.  

ಬಾಲ್ಯದಲ್ಲಿದ್ದಾಗ ಟಿವಿಯಲ್ಲಿ ದೈತ್ಯ ರೋಬೋಟ್ ಅನ್ನು ನೋಡುವಾಗ ನನಗೂ ಅದೇ ರೀತಿಯ ರೋಬೋಟ್ ಬೇಕು ಎಂದೆನಿಸುತ್ತಿತ್ತು.  ಅದು ನನ್ನ ಕನಸು. ನನಗೆ ನನ್ನದೇ ಆದ ರೋಬೋಟ್ ಬೇಕು. ನನಗೆ ಹೆಂಡತಿ ಇಲ್ಲದಿದ್ದರೆ, ನಾನು ಮನೆಯ ಪ್ರತಿಯೊಂದು ಕೋಣೆಯ ಮೂಲೆಯಲ್ಲಿ ಗ್ಯಾಜೆಟ್, ಸ್ಪೀಕರ್ ಅಥವಾ ಕೆಲವು ಉಪಕರಣಗಳು ಇರುತ್ತಿದ್ದರು ಎಂದು ತಮಾಷೆಯಾಗಿ ಪುನೀತ್ ಈ ಹಿಂದೆ ಹೇಳಿಕೊಂಡಿದ್ದರು. 

ತಮ್ಮ ಆಲ್ ಟೈಮ್ ಫೆವರೇಟ್ ಸಿನಿಮಾದ ಕುರಿತು ಮಾತನಾಡಿದ್ದ ಪುನೀತ್, ನಾನು ಬಾಲನಟನಾಗಿ ಮೊದಲು ಅಭಿನಯಿಸಿದ ಭಾಗ್ಯವಂತ ನನ್ನ ಫೆವರೇಟ್. ನಂತರ ಬೆಟ್ಟದ ಹೂ. ನಾನು ಅಭಿನಯಿಸಿದ ಎಲ್ಲ ಸಿನಿಮಾಗಳು ನನಗೆ ಇಷ್ಟ. ಅದರಲ್ಲೂ ಮೊದಲ ಸಿನಿಮಾ ಭಾಗ್ಯವಂತ ಹಾಗೂ ನಾನು ನಾಯಕನಾಗಿ ನಟಿಸಿದ ಮೊದಲ ಚಿತ್ರ ಅಪ್ಪು ನನ್ನ ನೆಚ್ಚಿನವು ಎಂದಿದ್ದರು.