Happy Birthday: ನಟ ಚಿಕ್ಕಣ್ಣ ಜೀವನದ ಕುರಿತ ಇಂಟರೆಸ್ಟಿಂಗ್ ವಿಷಯಗಳಿವು!

1986ರ ಜೂನ್ 22ರಂದು ಜನಿಸಿದ ಚಿಕ್ಕಣ್ಣ, ಮೂಲತಃ ಮೈಸೂರು ಜಿಲ್ಲೆಯ ಬಲ್ಲಹಳ್ಳಿಯವರು. ಇವರು ಚಿತ್ರರಂಗಕ್ಕೆ ಬರುವ ಮುನ್ನ ಗಾರೆ ಕೆಲಸ ಮಾಡುತ್ತಿದ್ದರು. ಇದರ ಜೊತೆಗೆ ಹೂವು ಮಾರಾಟ ಮತ್ತು ಬೋಂಡಾ ಮಾಡಿ, ಮಾರಿರುವುದಾಗಿ ಚಿಕ್ಕಣ್ಣ ಕೆಲ ಸಂದರ್ಶನಗಳಲ್ಲಿ ಹೇಳಿದ್ದಾರೆ. ಚಿಕ್ಕಣ್ಣ ಕೊರೊನಾ ಲಾಕ್‌ಡೌನ್ ಸಂದರ್ಭದಲ್ಲಿ ತಮ್ಮ ಫಾರ್ಮ್ ಹೌಸ್‌ನಲ್ಲಿ ಗಾರೆ ಕೆಲಸ ಮಾಡುತ್ತಿದ್ದ ವಿಡಿಯೋವೊಂದು ವೈರಲ್ ಆಗಿತ್ತು. 

ಚಿಕ್ಕಣ್ಣ ಮೈಸೂರಿನ ದೃಶ್ಯ ಕಲಾವಿದೆ ತಂಡದಲ್ಲಿ ಕಾಮಿಡಿ ಶೋಗಳನ್ನು ಮಾಡುತ್ತಾ ತಮ್ಮ ಕಲಾಜೀವನ ಆರಂಭಿಸಿದರು. ಈ ತಂಡದ ಮೂಲಕ ಹಲವು ಹಬ್ಬ-ಹರಿದಿನಗಳು ಮತ್ತು ರಾಜ್ಯೋತ್ಸವ ಕಾರ್ಯಕ್ರಮಗಳಲ್ಲಿ ಪ್ರದರ್ಶನ ನೀಡುತ್ತಿದ್ದ ಚಿಕ್ಕಣ್ಣ, ನಂತರ ಉದಯ ಟಿವಿಯಲ್ಲಿ ಒಂದು ಕಾಮಿಡಿ ಶೋನಲ್ಲಿ ನಿರೂಪಕರಾಗಿ ಕಾರ್ಯನಿರ್ವಹಿಸಿದರು.

ಕನ್ನಡ ಚಿತ್ರರಂಗದ ಅಮೃತ ಮಹೋತ್ಸವ ಕಾರ್ಯಕ್ರಮದ ನಿರೂಪಣೆ ಮಾಡುವಾಗ ನಟ ಚಿಕ್ಕಣ್ಣ ಯಶ್ ಕಣ್ಣಿಗೆ ಬಿದ್ದರು. ನಂತರ ಯಶ್ ಇವರನ್ನು ಸ್ಯಾಂಡಲ್‌ವುಡ್‌ಗೆ ಕರೆತಂದರು. ರಾಕಿಂಗ್ ಸ್ಟಾರ್ ಅವರ `ಕಿರಾತಕ' ಚಿತ್ರದ ಮೂಲಕ ಚಿಕ್ಕಣ್ಣ ಹಾಸ್ಯನಟನಾಗಿ ಬೆಳ್ಳಿತೆರೆಗರ ಕಾಲಿಟ್ಟರು.

ತದನಂತರ ತೆರೆಕಂಡ ರಾಜಾ ಹುಲಿ ಹಾಗೂ ಅಧ್ಯಕ್ಷ ಚಿತ್ರಗಳು ಇವರಿಗೆ ಬಿಗ್ ಬ್ರೇಕ್ ನೀಡಿದವು. ಅಲ್ಲಿಂದ ಸುಮಾರು ೧೦೦ಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಟಿಸಿದ್ದಾರೆ .ಕನ್ನಡದ ಬಹುತೇಕ ಎಲ್ಲಾ ನಟರೊಂದಿಗೆ ತೆರೆ ಹಂಚಿಕೊಂಡಿರುವ ಚಿಕ್ಕಣ್ಣ ಕಿರುತೆರೆಯಲ್ಲಿ ಖಳನಾಗಿ ಕೂಡ ಅಭಿನಯಿಸಿದ್ದಾರೆ. ಇವರಿಗೆ ಖಳನಾಯಕನಾಗಿ ನಟಿಸಬೇಕೆನ್ನುವ ಬಯಕೆ ಇದೆ.

ಮಾಸ್ಟರ್ ಪೀಸ್, ನನ್ನ ನಿನ್ನ ಪ್ರೇಮ ಕಥೆ ಮುಂತಾದ ಚಿತ್ರಗಳ ಮೂಲಕ ಹಿನ್ನಲೆ ಗಾಯಕನಾಗಿ ಕೂಡ ಪಯಣ ಆರಂಭಿಸಿರುವ ಇವರು, ಶಾರ್ಪ್ ಶೂಟರ್ ಚಿತ್ರಕ್ಕೆ ಗೀತೆರಚನೆ ಮಾಡುವ ಮೂಲಕ ಗೀತಸಾಹಿತಿಯಾದರು. ಶರಣ್‌ರ ರ‍್ಯಾಂಬೋ 2 ಚಿತ್ರದ ನಿರ್ಮಾಪಕರಲ್ಲಿ ಶರಣ್ ಕೂಡ ಒಬ್ಬರು.

ಕೆಲ ವರ್ಷಗಳಿಂದ ಹಾಸ್ಯನಟರಾಗಿ ನಮ್ಮೆಲ್ಲರನ್ನು ನಕ್ಕು ನಗಿಸಿದ್ದ ಚಿಕ್ಕಣ್ಣ, 'ಉಪಾಧ್ಯಕ್ಷ' ಎಂಬ ಸಿನಿಮಾದಲ್ಲಿ ನಾಯಕನಾಗಿ ನಟಿಸಿದ್ದರು. ಚಿತ್ರದಲ್ಲಿ ಹಿಟ್ಲರ್ ಕಲ್ಯಾಣ ಸೀರಿಯಲ್ ಖ್ಯಾತಿ ಮಲೈಕಾ ವಸುಪಾಲ್ ನಾಯಕಿಯಾಗಿ ನಟಿಸಿದ್ದರು. ಉಮಾಪತಿ ಫಿಲ್ಮ್ಸ್ ಭ್ಯಾನರ್ ಅಡಿಯಲ್ಲಿ ನಿರ್ಮಾಣವಾದ ಈ ಚಿತ್ರಕ್ಕೆ ಅರ್ಜುನ್ ಜನ್ಯ ಸಂಗೀತ ಮತ್ತು ಶೇಖರ್ ಚಂದ್ರು ಛಾಯಾಗ್ರಹಣವಿತ್ತು. ಆದರೆ, ಉಪಾಧ್ಯಕ್ಷ ನಿರೀಕ್ಷಿದಷ್ಟು ಸಕ್ಸಸ್ ಕಾಣಲಿಲ್ಲ.