ಅಫಿಡವಿಟ್ ಸಲ್ಲಿಸಿದ ಗೀತಕ್ಕ: ಹ್ಯಾಟ್ರಿಕ್ ಹೀರೋ ಶಿವರಾಜ್‌ಕುಮಾರ್ ಆಸ್ತಿ, ಆದಾಯ, ಬ್ಯಾಂಕ್ ಬ್ಯಾಲೆನ್ಸ್ ಹಾಗೂ ಸಾಲ ಎಷ್ಟಿದೆ ಗೊತ್ತಾ?

ಕರುನಾಡ ಚಕ್ರವರ್ತಿಯ ನಿಜವಾದ ಹೆಸರು ಎಂ.ಎಸ್ ಪುಟ್ಟಸ್ವಾಮಿ. ಇದೇ ಹೆಸರಿನಲ್ಲಿ ಶಿವರಾಜ್‌ಕುಮಾರ್ ಅವರ ಆಸ್ತಿ, ಆದಾಯದ ವಿವರವಿದೆ. 2022-2023ರ ಆರ್ಥಿಕ ವರ್ಷದಲ್ಲಿ ಶಿವಣ್ಣ 2,97,27,100 ಕೋಟಿ ರೂಪಾಯಿ ಆದಾಯ ಹೊಂದಿದ್ದಾರೆ. ಅದೇ ವರ್ಷ ಗೀತಾ ಅವರು 1,48,63,750 ಕೋಟಿ ರೂಪಾಯಿ ಆದಾಯ ಹೊಂದಿದ್ದಾರೆ.

ಗೀತಾ ಶಿವರಾಜ್‌ಕುಮಾರ್ ಅಫಿಡವಿಟ್‌ನಲ್ಲಿ ತಮ್ಮ ಕೈಯಲ್ಲಿ ಎಷ್ಟು ಹಣವಿದೆ ಎಂಬ ವಿವರವನ್ನೂ ನೀಡಿದ್ದಾರೆ. ಶಿವರಾಜ್‌ಕುಮಾರ್ ಬಳಿ 22,58,338 ರೂಪಾಯಿ ಕ್ಯಾಶ್ ಇದೆ. ಗೀತಾ ಅವರ ಬಳಿಕ 3 ಲಕ್ಷ ರೂಪಾಯಿ ಹಣವಿದೆ.

ಬ್ಯಾಂಕ್‌ನಲ್ಲಿರುವ ಹಣದ ವಿವರವನ್ನೂ ನೀಡಲಾಗಿದೆ. ಇದರ ಪ್ರಕಾರ,  ಶಿವರಾಜ್‌ಕುಮಾರ್ ಅವರ ಬ್ಯಾಂಕ್ ಬ್ಯಾಲೆನ್ಸ್  4.82  ಕೋಟಿ ರೂಪಾಯಿ ಇದೆ. ಗೀತಕ್ಕ ಬಳಿ 64  ಲಕ್ಷ ರೂಪಾಯಿ ಬ್ಯಾಂಕ್ ಬ್ಯಾಲೆನ್ಸ್ ಇದೆ.

ಶಿವರಾಜ್‌ಕುಮಾರ್ ಅವರ ಬಳಿ 18 ಕೋಟಿ ರೂಪಾಯಿ ಹಾಗೂ ಗೀತಾ ಅವರ ಬಳಿ 5 ಕೋಟಿ ರೂಪಾಯಿ ಮೌಲ್ಯದ ಚರಾಸ್ತಿಯಿದೆ. ಸ್ಥಿರಾಸ್ತಿ ವಿಷಯಕ್ಕೆ ಬಂದರೆ ಕರುನಾಡ ಚಕ್ರವರ್ತಿ ಬಳಿ  31 ಕೋಟಿ ಬೆಲೆಬಾಳುವ ಸ್ಥಿರಾಸ್ತಿಯಿದೆ. ಗೀತಕ್ಕ ಅವರ ಹತ್ತಿರ 34 ಕೋಟಿ ರೂಪಾಯಿ  ಸ್ಥಿರಾಸ್ತಿಯಿದೆ.

ಇನ್ನು ಸಾಲದ ವಿಷಯಕ್ಕೆ ಬಂದರೆ ಶಿವಣ್ಣನಿಗೆ 17 ಕೋಟಿ ರೂಪಾಯಿ ಸಾಲ/ಅಡ್ವಾನ್ಸ್ ಇದೆ. ಇದರಲ್ಲಿ ಮೂರು ಕೋಟಿ ರೂಪಾಯಿ ಸಾಲ, 13.6 ಕೋಟಿ ರೂಪಾಯಿ ಅಡ್ವಾನ್ಸ್. ಗೀತಾ ಅವರದ್ದು 7 ಕೋಟಿ ರೂಪಾಯಿ ಸಾಲವಿದೆ. ಸಿನಿ ಮುತ್ತು ಸರ್ವಿಸ್‌ಗೆ 1.64 ಕೋಟಿ ರೂಪಾಯಿ, ಗೀತಾ ಪಿಕ್ಚರ್ಸ್‌ಗೆ 6 ಕೋಟಿ ರೂಪಾಯಿ, ಧ್ರುವಕುಮಾರ್‌ಗೆ 2.30 ಕೋಟಿ ರೂ ಹಾಗೂ ಇತರರಿಗೆ 2.13 ಕೋಟಿ ರೂ ಸಾಲ ನೀಡಿದ್ದಾರೆ ಶಿವರಾಜ್‌ಕುಮಾರ್.