ನೀವು ಥಿಯೇಟರ್‌ನಲ್ಲಿ ಉಪ್ಪಿ 'ಯುಐ' ನೋಡಲು ಇಲ್ಲಿವೆ ಪ್ರಮುಖ ಕಾರಣಗಳು!

ಕನ್ನಡ ಚಿತ್ರರಂಗ ಬುದ್ಧಿವಂತ ನಿರ್ದೇಶಕ ಉಪ್ಪಿ. ಯುಐ ಸಿನಿಮಾ ಮೇಲೆ ಮೊದಲು ಕುತೂಹಲ ಹುಟ್ಟವುದೇ ಇದೇ ಕಾರಣಕ್ಕೆ. ಈವರೆಗೆ ಉಪ್ಪಿ ನಿರ್ದೇಶನದಲ್ಲಿ ಬಂದಿರುವ ಶ್, ಓಂ, ಎ, ಉಪೇಂದ್ರ ಅಂತಹ ಸಿನಿಮಾಗಳು ಸೂಪರ್ ಹಿಟ್ ಆಗುವ ಜೊತೆಗೆ  ಪ್ರೇಕ್ಷಕರಿಗೆ ವಿಭಿನ್ನ ಅನುಭವ ನಿಡಿದ್ದವು. ಉಪೇಂದ್ರ ನಿರ್ದೇಶನದ ಕೊನೆಯ ಸಿನಿಮಾ ಉಪ್ಪಿ 2. ಇದೀಗ ಬರೋಬ್ಬರಿ 9 ವರ್ಷಗಳ ಬಳಿಕ ಉಪೇಂದ್ರ ಯುಐಗೆ ಆಕ್ಷನ್ ಕಟ್ ಹೇಳಿದ್ದು, ಚಿತ್ರದಲ್ಲಿ ಸಖತ್ ಡಿಫ್ರೆಂಟ್ ಕಥೆ ಹೆಣೆದಿದ್ದಾರೆ. ಇದು ಈಗಾಗಲೇ ಬಿಡುಗಡೆಯಾಗಿದ್ದ ಟ್ರೋಲ್ ಸಾಂಗ್, ಪೋಸ್ಟರ್, ವಾರ್ನರ್ ವಿಡಿಯೋ ಮೂಲಕವೇ ಸಾಭೀತಾಗಿತ್ತು.

ಯುಐ ಚಿತ್ರ ನೋಡುವುದಕ್ಕೆ ಮತ್ತೊಂದು ಕಾರಣ ಕಥೆ. ಉಪ್ಪಿ ಸಿನಿಮಾ ಬಿಡುಗಡೆಯಾಗುವವರೆಗೂ ಕಥೆ ಏನು? ಎಂಬುದರ ಬಗ್ಗೆ ಸಣ್ಣ ಸುಳಿವುವನ್ನೂ ಬಿಟ್ಟುಕೊಟ್ಟಿಲ್ಲ. ವಾರ್ನರ್ ವಿಡಿಯೋದಲ್ಲಿ ನೋಡಿದಾಗ 2040ರಲ್ಲಿ ಏನೆಲ್ಲಾ ಆಗಬಹುದು ಎಂಬುದನ್ನು ತೋರಿಸಿದ್ದರು. ಆದರೆ, ಇದು ಕ್ಲ್ಯೈಮ್ಯಾಕ್ಸ್‌ನಲ್ಲಿ ಬರುವಂತಹದ್ದಾಗಿದ್ದು, ಅದಕ್ಕೂ ಮುನ್ನ ಕಥೆ ಹೇಳುತ್ತಾ ಹೋಗುತ್ತಾರೆ. ಹಾಗಾಗಿ, ಯುಐ ಸಿನಿಮಾ ಯಾವ ವಿಷಯದ ಮೇಲೆ ನಿರ್ಮಾಣವಾಗಿದೆ ಎಂಬ ಕುತೂಹಲವಿರಲಿದೆ.

ಯುಐ ಸಿನಿಮಾಕ್ಕಾಗಿ ರಿಯಲ್‌ ಸ್ಟಾರ್ ಹೊಸ ತಾಂತ್ರಿಕತೆಯನ್ನು ಹೆಚ್ಚಾಗಿ ಬಳಸಿಕೊಂಡಿದ್ದಾರೆ. ಇದರ ಜೊತೆಗೆ ಆರ್ಟಿಫಿಷಿಯಲ್ ಇಂಟೆಲಿಜಜೆನ್ಸ್, ಅನ್‌ರಿಯಲ್ ಟೆಕ್ನಾಲಜಿ, ವರ್ಚುವಲ್ ರಿಯಾಲಿಟಿ ಸೇರಿದಂತೆ ಹಲವು ಹೊಸ ರೀತಿಯ ಪ್ರಯೋಗ ಮಾಡಿದ್ದಾರೆ. ಚಿತ್ರದ ಒಂದೇ ಸೀನ್‌ಗಾಗಿ 200 ಕ್ಯಾಮರಾ ಬಳಕೆ ಮಾಡಿಕೊಂಡಿದ್ದಾಗಿ ಚಿತ್ರತಂಡ ಈ ಹಿಂದೆ ಹೇಳಿಕೊಂಡಿತ್ತು. ಈ ಚಿತ್ರಕ್ಕೆ ಬಿ ಅಜನೀಶ್ ಲೋಕೇಶ್ ಸಂಗೀತ ಸಂಗೀತ ನೀಡಿದ್ದು, ಚಿತ್ರತಂಡ ಹಂಗೇರಿಯ ಬುಡಾಪೆಸ್ಟ್‌ನಲ್ಲಿ ಹಲವು ದಿನಗಳ ಕಾಲವಿದ್ದು ಅಲ್ಲೇ ಸಂಗೀತ ಸಂಯೋಜನೆ ಮಾಡಿಕೊಂಡು ಬಂದಿದೆ. ಹಿನ್ನೆಲೆ ಸಂಗೀತಕ್ಕಾಗಿ ಭಾರೀ ತಲೆ ಕೆಡಿಸಿಕೊಂಡು ಚಿತ್ರತಂಡ ಕೆಲಸ ಮಾಡಿದೆ.

ಯುಐ ಸಿನಿಮಾವನ್ನು ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ನಿರ್ಮಾಣ ಮಾಡಲಾಗಿದೆ. ಆದರೆ, ಉಪ್ಪಿಯವರು ಈ ಸಿನಿಮಾಗೆ ಪರಭಾಷೆಯ ಹೆಚ್ಚಿನ ಕಲಾವಿದರನ್ನಾಗಲಿ, ತಂತ್ರಜ್ಞರನ್ನಾಗಲಿ ಬಳಕೆ ಮಾಡಿಕೊಂಡಿಲ್ಲ. ಚಿತ್ರದಲ್ಲಿ ರೀಷ್ಮಾ ನಾಣಯ್ಯ, ನಿಧಿ ಸುಬ್ಬಯ್ಯ, ಸಾಧು ಕೋಕಿಲ, ಮಠ ಗುರುಪ್ರಸಾದ್, ಅಚ್ಯುತ್ ಕುಮಾರ್ ಹೀಗೆ ಕನ್ನಡದ ಕಲಾವಿದರೇ ಇದ್ದಾರೆ. ಚಿತ್ರಕ್ಕೆ ಹೆಚ್‌ಸಿ ವೇಣು ಛಾಯಾಗ್ರಹಣ ಹಾಗೂ ಶಿವಕುಮಾರ್ ಕಲಾ ನಿರ್ದೇಶನವಿದೆ.

ಯುಐ ಸಿನಿಮಾಕ್ಕಾಗಿ ಈಗಾಗಲೇ ಟಗರು, ಸಲಗ ರೀತಿಯ ಸೂಪರ್ ಹಿಟ್ ಸಿನಿಮಾಗಳನ್ನು ನಿರ್ಮಾಣ ಮಾಡಿರುವ ಕೆ.ಪಿ.ಶ್ರೀಕಾಂತ್ ಮತ್ತು ಆಡಿಯೋ ಕ್ಷೇತ್ರದಲ್ಲಿ ದೊಡ್ಡ ಹೆಸರು ಮಾಡಿರುವ ಲಹರಿ ಸಂಸ್ಥೆಗಳು ಕೈಜೋಡಿಸಿವೆ. ಹಲವು ವರ್ಷಗಳಿಂದ ನಿರ್ದೇಶನದಿಂದ ದೂರವಿದ್ದ ಉಪೇಂದ್ರ ಅವರಿಂದ 'ಯುಐ' ಸಿನಿಮಾ ಮಾಡಿಸಿರುವ ಕ್ರೆಡಿಟ್ ಇವರಿಗೆ ಸಲ್ಲಬೇಕು.