ಮದುವೆಯಾದ ಹೀರೋಗಳ ಜೊತೆ ಸಂಬಂಧದಲ್ಲಿದ್ದ ಸೌತ್ ನಟಿಯರಿವರು!

ಟಾಲಿವುಡ್ ನಟ ಅಕ್ಕಿನೇನಿ ನಾಗಾರ್ಜುನ ಬಾಲಿವುಡ್ ನಟಿ ತಬು ಅವರೊಂದಿಗೆ  ರಿಲೇಷನ್‌ಶಿಪ್‌ನಲ್ಲಿದ್ದರು ಎಂದು ಹಲವು ವರದಿಗಳು ಪ್ರಕಟವಾಗಿದ್ದವು.  ನಟಿ ಅಮಲಾ ಜೊತೆ ನಾಗಾರ್ಜುನ ಮದುವೆ ಆಗಿದ್ದರು. ಇನ್ನು 15 ವರ್ಷಗಳ ಕಾಲ ನಾಗ್-ತಬು ಅಫೇರ್ ವಿಚಾರ ಸೀಕ್ರೆಟ್ ಆಗಿಯೇ ಇತ್ತು ಎನ್ನಲಾಗುತ್ತದೆ. ಪತ್ನಿಯಿಂದ ದೂರಾಗಲು ನಾಗಾರ್ಜುನ ನಿರಾಕರಿಸಿದ್ದಕ್ಕೆ ತಬು ಜೊತೆಗಿನ ಲವ್‌ಸ್ಟೋರಿಗೆ ಬ್ರೇಕ್ ಬಿತ್ತು ಎನ್ನುವ ಮಾತುಗಳು ಕೇಳಿಬಂದಿತ್ತು. ಆದರೆ, ಇವರಿಬ್ಬರು ತಾವು ಇಂದಿಗೂ ಒಳ್ಳೇ ಸ್ನೇಹಿತರು ಎಂದು ಹೇಳಿಕೊಳ್ಳುತ್ತಾರೆ.  ನಟಿ ತಬು ವಯಸ್ಸು 50 ದಾಟಿದ್ರೂ ಮದುವೆಯಾಗದೇ ಉಳಿದುಬಿಟ್ಟಿದ್ದಾರೆ.

ಸ್ಯಾಂಡಲ್‌ವುಡ್‌ ನಟ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರದ್ದು ಲವ್ ಕಮ್ ಆರೇಂಜ್ಡ್ ಮ್ಯಾರೇಜ್. ಆದರೆ, ಕೆಲ ವರ್ಷಗಳಿಂದ ದರ್ಶನ್ ಅವರೊಂದಿಗೆ ಪವಿತ್ರಾ ಗೌಡ ಅವರ ಹೆಸರು ತಳುಕು ಹಾಕಿಕೊಂಡಿತ್ತು. 2024ರ ಜನವರಿಯಲ್ಲಿ ಈ ವಿಚಾರವನ್ನು ಸ್ವತಃ  ಪವಿತ್ರಾ ಅವರೇ ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದರು. ನಮ್ಮಿಬ್ಬರದ್ದು 10 ವರ್ಷಗಳ ರಿಲೇಷನ್‌ಶಿಪ್ ಅಂತ ಬರೆದುಕೊಂಡಿದ್ದರು. ಜೊತೆಗೆ ದರ್ಶನ್ ಅವರೊಂದಿಗಿನ ಆತ್ಮೀಯ ಫೋಟೊಗಳನ್ನು ಹಂಚಿಕೊಂಡಿದ್ದರು.

ನಟ ದಳಪತಿ ವಿಜಯ್ ಹಾಗೂ ನಟಿ ತ್ರಿಶಾ ಪರಸ್ಪರ ರಿಲೇಷನ್‌ಶಿಪ್‌ನಲ್ಲಿದ್ದಾರೆ ಎಂಬ ಸುದ್ದಿ ಕಳೆದ ಕೆಲ ವರ್ಷಗಳಿಂದಲೂ ಹರಿದಾಡುತ್ತಿದೆ. ಇವರಿಬ್ಬರ ಸಂಬಂಧದ ಬಗ್ಗೆ ಹತ್ತು ವರ್ಷದ ಹಿಂದೆಯೂ ಸುದ್ದಿಯಾಗಿತ್ತು. ಇವರಿಬ್ಬರು ಒಟ್ಟಿಗೆ ಏರ್‌ಪೋಟ್‌ನಲ್ಲಿ ಕಾಣಿಸಿಕೊಂಡಿದ್ದು ಸಿಕ್ಕಾಪಟ್ಟೆ ವೈರಲ್ ಆಗಿತ್ತು. ಇತ್ತೀಚೆಗೆ ಇವರಿಬ್ಬರು ನಟಿ ಕೀರ್ತಿ ಸುರೇಶ್ ಮದುವೆಗಾಗಿ ಗೋವಾಗೆ ಒಟ್ಟಿಗೆ ಆಗಮಿಸಿದ್ದರು ಎನ್ನಲಾಗಿದೆ.

ಕಾಲಿವುಡ್ ಸೂಪರ್ ಸ್ಟಾರ್ ಹೀರೋ ಧನುಷ್ ಅವರು 2004ರಲ್ಲಿ ಸೂಪರ್ ಸ್ಟಾರ್ ರಜನಿಕಾಂತ್ ಪುತ್ರಿ ಐಶ್ವರ್ಯಾ ಅವರನ್ನು ಮದುವೆಯಾಗಿದ್ದರು. 18 ವರ್ಷಗಳ ಕಾಲ ಸಹಜೀವನ ನಡೆಸಿದ್ದ ಈ ಜೋಡಿ, 2024ರಲ್ಲಿ ಬೇರೆಯಾದರು. ಇವರಿಬ್ಬರ ಡಿವೋರ್ಸ್‌ಗೆ ನಟಿ ಅಮಲಾ ಪೌಲ್ ಜೊತೆ ಧನುಷ್ ಸಂಬಂಧ ಎಂಬ ಮಾತುಗಳು ಕೇಳಿಬಂದಿದ್ದವು.

ಇಂಡಿಯನ್ ಮೈಕಲ್ ಜಾಕ್ಸನ್ ಪ್ರಭುದೇವ ಹಾಗೂ ನಟಿ ನಯನತಾರ ಲವ್ವಿಡವ್ವಿ ಬಹಳ ದೊಡ್ಡಮಟ್ಟದಲ್ಲಿ ಸುದ್ದಿಯಾಗಿತ್ತು. ಇಬ್ಬರು ಮದುವೆಯಾಗುವ ಮಟ್ಟಕ್ಕೆ ಹೋಗಿದ್ದರು. ನಯನತಾರ ಅವರು ಪ್ರಭುದೇವ್ ಜೊತೆ ಮದುವೆಯಾಗಲು  ಕ್ರೈಸ್ತ ಧರ್ಮದಿಂದ ಹಿಂದೂ ಧರ್ಮಕ್ಕೆ ಮತಾಂತರವಾಗಿದ್ದು ಎನ್ನಲಾಗಿತ್ತು. ಪ್ರಭುದೇವ ತಮ್ಮ ಮಡದಿ ಲತಾಗೆ ವಿಚ್ಛೇದನ ಕೂಡ ನೀಡಿದ್ದರು. ಆದರೆ, ನಂತರದ ದಿನಗಳಲ್ಲಿ ಇಬ್ಬರೂ ದೂರಾಗಿ ಬೇರೆಯವರೊಟ್ಟಿಗೆ ಮದುವೆ ಆಗಿದರು.

ಟಾಲಿವುಡ್ ಸ್ಟಾರ್ ನಟ ನಾಗಚೈತನ್ಯ  2021ರಲ್ಲಿ ತಾವು ಪ್ರೀತಿಸಿ ಮದುವೆಯಾಗಿದ್ದ ಸಮಂತ ರುತ್‌ ಪ್ರಭು ಅವರಿಂದ ಡಿವೋರ್ಸ್ ಪಡೆದುಕೊಂಡರು. ಈ ಜೋಡಿ ಪರಸ್ಪರ ಬೇರೆಯಾದ ಬಳಿಕ ಶೋಭಿತಾ ಧುಲಿಪಾಲ ಜೊತೆ ನಾಗಚೈತನ್ಯ ಹೆಸರು ಕೇಳಿಬರುತ್ತಿತ್ತು. ಇವರಿಬ್ಬರು ವಿದೇಶದಲ್ಲಿ ಓಡಾಡಿರುವ ಫೋಟೋಗಳು ಸಿಕ್ಕಾಪಟ್ಟೆ ವೈರಲ್ ಆಗಿದ್ದವು. ಆದರೆ, 2024ರ ಡಿಸೆಂಬರ್ 4ರಂದು ಈ ಜೋಡಿ ವಿವಾಹ ಬಂಧನಕ್ಕೊಳಗಾಗಿತ್ತು. ಆ ಮೂಲಕ ಎಲ್ಲಾ ಗಾಸಿಪ್‌ಗಳಿಗೂ ತೆರೆಗೆ ಬಿದ್ದಿತ್ತು.