ನನಗೊಬ್ಬ ಅಕ್ಕ ಸಿಕ್ಕರು, ಇಷ್ಟೊಂದು ವಾರ ನನ್ನ ಪರವಾಗಿ ನಿಂತಿದ್ದಕ್ಕೆ ತುಂಬಾ ಚಿರಋಣಿ: ಡ್ರೋನ್ ಪ್ರತಾಪ್

ಈ ಬಾರಿ ಕಳೆದ 15 ವಾರಗಳ ಜರ್ನಿಯನ್ನು ಗಮನದಲ್ಲಿಟ್ಟುಕೊಂಡು ಉತ್ತಮ ಹಾಗೂ ಕಳಪೆ ಆಯ್ಕೆ ಮಾಡಬೇಕಿತ್ತು. ಈ ವೇಳೆ ಮನೆಯ ಬಹುತೇಕ ಸದಸ್ಯರು ಸಂಗೀತಾ ಶೃಂಗೇರಿಯವರಿಗೆ ಉತ್ತಮ ನೀಡಿದರು. ಜೊತೆಗೆ ಡ್ರೋನ್ ಪ್ರತಾಪ್‌ಗೆ ಕಳಪೆ ಪಟ್ಟ ನೀಡಿದರು. ಡ್ರೋನ್ ಪ್ರತಾಪ್ ಅವರಿಗೆ ಕಳಪೆ ಸಿಕ್ಕಿದ್ದಕ್ಕೆ ಸಂಗೀತಾ ಕಣ್ಣೀರಿಟ್ಟರು. ಈ ಪ್ರಕ್ರಿಯೆ ನನಗೆ ಇಷ್ಟವಾಗುತ್ತಿಲ್ಲ. ಎಲ್ಲರೂ ಉತ್ತಮವಾಗಿ ಆಡಿದ್ದಾರೆ. ಅದಕ್ಕೆ ಎಲ್ಲರೂ ಟಾಪ್‌ 7ರಲ್ಲಿ ಇದ್ದೀವಿ. ನಾವೆಲ್ಲರೂ ಅರ್ಹರು. ನಾವೆಲ್ಲರೂ ಉತ್ತಮನೇ. ನನ್ನ ಪ್ರಕಾರ ಇಲ್ಲಿ ಯಾರೂ ಕಳಪೆಯಿಲ್ಲ ಅಂತ ಭಾವುಕರಾದರು. 

ಬಳಿಕ ಮಾತನಾಡಿದ ಪ್ರತಾಪ್, ಕಳಪೆಯನ್ನು ನಾನು ಪ್ರೀತಿಯಿಂದಲೇ ಸ್ವೀಕರಿಸುತ್ತೇನೆ. ಆದರೆ, ಅದಕ್ಕೆ ಹೇಳಿದ ಮಾತುಗಳನ್ನ ಒಪ್ಪಲ್ಲ. ಸಂಗೀತಾ ದೀದಿ ನನ್ನ ಪರವಾಗಿ ಇಷ್ಟು ವಾರಗಳು ನಿಂತಿದ್ದರು. ಅದಕ್ಕೆ ನಾನು ತುಂಬಾ ಗ್ರೇಟ್‌ಫುಲ್. ಅವರಿಗೆ ಉತ್ತಮ ಬಂದಿರೋದಕ್ಕೆ ನಾನು ಖುಷಿಯಾಗಿದ್ದೇನೆ. ನನಗೆ ಒಬ್ಬರು ಅಕ್ಕ ಸಿಕ್ಕರು. ಅವರಿಗೆ ಒಳ್ಳೆಯದಾಗಲಿ. ಇಲ್ಲಿಗೆ ಬಂದಾಗ ಸೀದಾ ಸಾದಾ ಹುಡುಗನಾಗಿ ಬಂದಿದ್ದೇ. ಶೋ ಅನ್ನೊಂದಕ್ಕಿಂತ ಹೆಚ್ಚಾಗಿ ಜೀವನ ಮಾಡ್ತಿದ್ದೆ. ಎಲ್ಲವನ್ನೂ ಫೀಲ್ ಮಾಡ್ತಿದ್ದೆ. ಎಲ್ಲವನ್ನೂ ಗಟ್ಟಿಯಾಗಿ ಎದುರಿಸಿದ್ದೇನೆ. ಇಲ್ಲಿ ಯಾರು ಕಳಪೆಯಲ್ಲ ಅಂತ ಸಂಗೀತಾ ಅವರು ಹೇಳಿದ್ದು ಯಾವಾಗಲೂ ಮನಸ್ಸಿನಲ್ಲಿರುತ್ತೆ ಅಂದರು.

ಡ್ರೋನ್ ಪ್ರತಾಪ್‌ಗೆ ಕಳಪೆ ಸಿಕ್ಕಿದ್ದಕ್ಕೆ ಸಂಗೀತಾ ಅವರಿಗೆ ಬೇಸರವಾಗಿದೆ. ಮನೆಯಲ್ಲಿ ಇದೆ ನಡೆಯುತ್ತಿರುವುದು. ನನ್ನ ಪಕ್ಕದಲ್ಲಿ ಯಾರೂ ನಿಲ್ತಾರೋ, ಅವರು ಜೈಲಿಗೆ ಹೋಗ್ತಾರೆ ಅಂತ ಅವರೊಬ್ಬರೇ ಮಾತನಾಡಿಕೊಂಡಿದ್ದಾರೆ. 

ಡ್ರೋನ್ ಪ್ರತಾಪ್‌ಗೆ ದೊಡ್ಮನೆಯ ಕ್ಯಾಪ್ಟನ್ ಆಗಬೇಕೆಂಬ ಕನಸಿತ್ತು. ಹೀಗಾಗಿ ಕಳೆದ ವಾರ ನಡೆದ ಫಿನಾಲೆ ಟಾಸ್ಕ್‌ಗಳಲ್ಲಿ ಅತ್ಯುತ್ತಮವಾಗಿ ಆಡಿ, ಎಲ್ಲರಿಗಿಂತ ಜಾಸ್ತಿ ಪಾಯಿಂಟ್ಸ್ ಪಡೆದುಕೊಂಡಿದ್ದರು. ಆದರೆ, ಫಿನಾಲೆ ಟಿಕೆಟ್ ಸಿಕ್ಕಿರಲಿಲ್ಲ. ಹೀಗಾಗಿ ಕ್ಯಾಪ್ಟನ್ ಆಗುವ ಕನಸು ಕೂಡ ನೆರವೇರಲಿಲ್ಲ.

ಸಂಗೀತಾ ಶೃಂಗೇರಿ ಈಗಾಗಲೇ ಟಿಕೆಟ್ ಟು ಫಿನಾಲೆ ಟಾಸ್ಕ್ ಗೆದ್ದು ಫಿನಾಲೆ ಹಂತ ತಲುಪಿದ್ದಾರೆ. ಇವರೊಂದಿಗೆ ವಿನಯ್ ಗೌಡ, ಕಾರ್ತಿಕ್ ಮಹೇಶ್, ಡ್ರೋನ್ ಪ್ರತಾಪ್ ಹಾಗೂ ವತೂರು ಸಂತೋಷ್ ಟಾಪ್‌ ೫ನಲ್ಲಿರುತ್ತಾರೆ ಎನ್ನಲಾಗಿದೆ. ಹೀಗಾಗಿ ಈ ವಾರಾಂತ್ಯದಲ್ಲಿ ನಮ್ರತಾ ಗೌಡ, ತುಕಾಲಿ ಸಂತೋಷ್ ಆಗಬಹುದು ಎನ್ನಲಾಗುತ್ತಿದೆ. ಅಥವಾ ವರ್ತೂರು ಸಂತೋಷ್ ಹೋದರೂ ಹೋಗಬಹುದು.