ದೀಪಾವಳಿ ಕುರಿತ ಕನ್ನಡ ಚಲನಚಿತ್ರ ಗೀತೆಗಳು

ಓಂ ಸಾಯಿಪ್ರಕಾಶ್ ನಿರ್ದೇಶನದಲ್ಲಿ ಮೂಡಿಬಂದ ಮುದ್ದಿನ ಮಾವ ಚಿತ್ರದಲ್ಲಿ ಶಶಿಕುಮಾರ್, ಶೃತಿ ಮತ್ತು ತಾರಾ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದರು. ಈ ಚಿತ್ರದಲ್ಲಿ ಹಂಸಲೇಖ ಸಾಹಿತ್ಯ ಮತ್ತು ಎಸ್.ಪಿ. ಬಾಲಸುಬ್ರಮಣ್ಯಂ ಸಂಗೀತದಲ್ಲಿ ಮೂಡಿಬಂದ 'ದೀಪಾವಳಿ ದೀಪಾವಳಿ' ಗೀತೆಯನ್ನು ಡಾ. ರಾಜಕುಮಾರ್ ಮತ್ತು ಎಸ್.ಪಿ ಬಾಲಸುಬ್ರಮಣ್ಯಂ ಹಾಡಿದ್ದರು.

ರಾಮು ನಿರ್ಮಾಣ, ಎಸ್.ಆರ್.ಬ್ರದರ್ಸ್ ನಿರ್ದೇಶನದಲ್ಲಿ ಮೂಡಿಬಂದ ನಂಜುಂಡಿ ಚಿತ್ರದಲ್ಲಿ ಶಿವರಾಜಕುಮಾರ್, ಡೆಬಿನಾ ಬ್ಯಾನರ್ಜಿ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದರು. ಈ  ಚಿತ್ರದಲ್ಲಿ ಹಂಸಲೇಖ ಸಾಹಿತ್ಯ ಮತ್ತು ಸಂಗೀತದಲ್ಲಿ ಮೂಡಿಬಂದ 'ದೀಪದಿಂದ ದೀಪವ' ಗೀತೆಯನ್ನು ಮಧು ಬಾಲಕೃಷ್ಣನ್ ಮತ್ತು ನಂದಿತಾ ಹಾಡಿದ್ದರು.

ಎಂ. ಆರ್. ವಿಠ್ಠಲ್ ನಿರ್ದೇಶನದಲ್ಲಿ ಮೂಡಿಬಂದ ನಂದಾದೀಪ ಚಿತ್ರದಲ್ಲಿ ಡಾ. ರಾಜಕುಮಾರ್, ಹರಿಣಿ ಮತ್ತು ಲೀಲಾವತಿ ಮುಖ್ಯ ಪಾತ್ರದಲ್ಲಿ ನಟಿಸಿದ್ದರು. ಸೂರತ್ ಅಶ್ವಥ್ ಸಾಹಿತ್ಯ ಮತ್ತು ಎಂ. ವೆಂಕಟರಾಜು ಸಂಗೀತದಲ್ಲಿ ಮೂಡಿಬಂದ `ನಾಡಿನಂದ ಈ ದೀಪಾವಳಿ' ಗೀತೆಯನ್ನು ಎಸ್. ಜಾನಕಿ ಮತ್ತು ಪಿ ಲೀಲಾ ಹಾಡಿದ್ದರು.

ಎಂ.ಡಿ.ಶ್ರೀಧರ್ ನಿರ್ದೇಶನದಲ್ಲಿ ಮೂಡಿಬಂದ ಚೆಲ್ಲಾಟ ಚಿತ್ರದಲ್ಲಿ ಗಣೇಶ್ ಮತ್ತು ರೇಖಾ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದರು.  ವಿ. ನಾಗೇಂದ್ರ ಪ್ರಸಾದ್ ಸಾಹಿತ್ಯ ಮತ್ತು ಗುರುಕಿರಣ್ ಸಂಗೀತದಲ್ಲಿ ಮೂಡಿಬಂದ `ಪಟ ಪಟ ಪಟಾಕಿ' ಗೀತೆಯನ್ನು ಉದಿತ್ ನಾರಾಯಣ್ ಹಾಡಿದ್ದರು.