ದಕ್ಷಿಣ ಭಾರತದ ಸಿನಿಮಾಗಳು ಈಗ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಸದ್ದು ಮಾಡುತ್ತಿವೆ. ಸೌತ್ ಸಿನಿಮಾಗಳ ಮುಂದೆ ಬಾಲಿವುಡ್ ಸಿನಿಮಾಗಳು ಮಕಾಡೆ ಮಲಗಿವೆ. 2022ರಲ್ಲಿ ಬಿಡುಗಡೆಯಾದ ದಕ್ಷಿಣ ಭಾರತದ ಸಿನಿಮಾಗಳಲ್ಲಂತೂ ಊಹಿಸಲಾಗದಂತಹ ಯಶಸ್ಸು ಗಳಿಸಿವೆ. ಕೆಲ ಚಿತ್ರಗಳನ್ನು ಕಡಿಮೆ ವೆಚ್ಚದಲ್ಲಿ ಮಾಡಿದ್ದರೂ ಕೂಡ ಅವು ಬಾಕ್ಸಾಫೀಸ್ನಲ್ಲಿ ಕೋಟಿ-ಕೋಟಿ ಗಳಿಕೆ ಕಂಡಿವೆ. ಹೀಗಾಗಿ ಸೌತ್ ಸಿನಿಮಾಗಳ ಮೇಲೆ ನಿರೀಕ್ಷೆಗಳು ಹೆಚ್ಚುತ್ತಲೇ ಇವೆ. ಕನ್ನಡದ ಕಾಂತಾರ ಸೇರಿದಂತೆ ಇತ್ತೀಚಿನ ಅನೇಕ ಜನಪ್ರಿಯ ಸಿನಿಮಾಗಳು ಶೀಘ್ರದಲ್ಲಿಯೇ ಎರಡನೇ ಭಾಗಗಳನ್ನು ಎಂದರೆ ಸಿಕ್ವೆಲ್ಗಳನ್ನು ಹೊರತರಲು ಸಜ್ಜಾಗಿವೆ. ಹಾಗಾದರೆ, ಯಾವ ಸಿನಿಮಾಗಳ ಎರಡನೇ ಭಾಗಗಳು ಬರಲಿದೆ ಎಂಬ ಮಾಹಿತಿ ಇಲ್ಲಿದೆ.