ನೀವು ಮಿಸ್ ಮಾಡದೇ ನೋಡಲೇಬೇಕಾದ ಡಾ.ರಾಜ್‌ಕುಮಾರ್ ಸಿನಿಜೀವನದ ಮರೆಯಲಾಗದ ಪಾತ್ರಗಳು!

ಕೆ ಶಂಕರ್ ನಿರ್ದೇಶನದಲ್ಲಿ ಮೂಡಿಬಂದ ಭೂಕೈಲಾಸ ಚಿತ್ರದಲ್ಲಿ ರಾಜ್ ರಾವಣನ ಪಾತ್ರದಲ್ಲಿ ಘರ್ಜಿಸಿ ಮನ ಸೆಳೆದಿದ್ದರು. ಕಲ್ಯಾಣ್ ಕುಮಾರ್ ನಾರದನ ಪಾತ್ರದಲ್ಲಿ ನಟಿಸಿದ್ದರೆ, ಜಮುನಾ ಮಂಡೋದರಿ ಪಾತ್ರದಲ್ಲಿ ನಟಿಸಿದರು.

ಈ ಚಿತ್ರದಲ್ಲಿ ರಾಜ್ ರಣಧೀರ ಕಂಠೀರವ ಎಂದೇ ಕರೆಯುತಿದ್ದ ಮೈಸೂರಿನ ಕಂಠೀರವ ನರಸರಾಜ್ ಒಡೆಯರ್ ಪಾತ್ರದಲ್ಲಿ ಮಿಂಚಿದ್ದರು. ಈ ಚಿತ್ರವನ್ನು ಕನ್ನಡ ಚಲನಚಿತ್ರ ಕಲಾವಿದರ ಸಂಘದ ಹೆಸರಿನಲ್ಲಿ ಡಾ.ರಾಜ್, ಜಿ.ವಿ.ಅಯ್ಯರ್, ನರಸಿಂಹರಾಜು ಮತ್ತು ಬಾಲಕೃಷ್ಣ ನಿರ್ಮಿಸಿದ್ದರು.

ಹುಣಸೂರು ಕೃಷ್ಣಮೂರ್ತಿ ನಿರ್ದೇಶನದಲ್ಲಿ ಮೂಡಿ ಬಂದಿದ್ದ ಪೌರಾಣಿಕ ಸತ್ಯ ಹರಿಶ್ಚಂದ್ರ ಚಿತ್ರದಲ್ಲಿ ರಾಜ್ ಸತ್ಯವೇ ಶಿವನೆಂದು ನಂಬಿದ ಹರಿಶ್ಚಂದ್ರನ ಪಾತ್ರದಲ್ಲಿ ನಟಿಸಿದರು. ಹರಿಶ್ಚಂದ್ರ ಇದ್ದರೇ ಹೀಗೆ ಇರುತ್ತಾನೆ ಎನ್ನುವಷ್ಟರ ಮಟ್ಟಿಗೆ ಪಾತ್ರ ಪರಕಾಯ ಪ್ರವೇಶ ಮಾಡಿದ್ದರು ರಾಜ್.

ಬಿ.ಆರ್.ಪಂತಲು ನಿರ್ದೇಶಿಸಿ ನಿರ್ಮಿಸಿದ್ದ ಈ ಚಿತ್ರದಲ್ಲಿ ರಾಜ್ ವಿಜಯನಗರದ ಶ್ರೇಷ್ಠ ಸಮ್ರಾಟ್ ಶ್ರೀ ಕೃಷ್ಣದೇವರಾಯನಾಗಿ ನಟಿಸಿದರು. ಪಂತಲು ತಿಮ್ಮರಸು ಪಾತ್ರದಲ್ಲಿ ಮಿಂಚಿದರು. ಭಾರತಿ ಮತ್ತು ಜಯಂತಿ ನಾಯಕಿಯರಾಗಿ ನಟಿಸಿದರು.

ದೊರೈ-ಭಗವಾನ್ ನಿರ್ದೇಶನದಲ್ಲಿ ಮೂಡಿಬಂದ ಕಸ್ತೂರಿ ನಿವಾಸ ಚಿತ್ರದಲ್ಲಿ ರಾಜ್ ಕೊಡುಗೈ ದಾನಿ ರವಿವರ್ಮನ ಪಾತ್ರದಲ್ಲಿ ಮಿಂಚಿದರು. ಈ ಚಿತ್ರ ದಾಖಲೆ ಕಂಡು ರಾಜ್ ಸಿನಿಜೀವನದ ಮೈಲುಗಲ್ಲು ಚಿತ್ರವಾಯಿತು. ತನ್ನ ಸ್ಥಿತಿ ಎನೇ ಇರಲಿ ತನ್ನಲ್ಲಿ ಸಹಾಯ ಬೇಡಿ ಬಂದವರನ್ನು ಎಂದು ಬರಿಗೈಲಿ ಕಳಿಸದ ರಾಜ್ ಪಾತ್ರ ಸಿನಿ ಪ್ರೇಮಿಗಳ ಮನಸ್ಸನ್ನು ತಪ್ತವಾಗಿಸಿತು.

ಸಿದ್ದಲಿಂಗಯ್ಯ ನಿರ್ದೇಶನದಲ್ಲಿ ಮೂಡಿಬಂದ ಬಂಗಾರದ ಮನುಷ್ಯ ಚಿತ್ರದಲ್ಲಿ ರಾಜೀವ್ ಪಾತ್ರದಲ್ಲಿ ನಟಿಸಿದರು. ಪಟ್ಟಣದಲ್ಲಿ ಕಲಿತು ಬಂದ ಯುವಕನೊಬ್ಬ ತನ್ನ ಅಕ್ಕನ ಸಹಾಯಕ್ಕಾಗಿ ಹಳ್ಳಿಯಲ್ಲಿಯೇ ಕೃಷಿಯನ್ನು ಕೈಗೊಳ್ಳುವ ರೀತಿ ಹಲವು ವಿಧ್ಯಾವಂತರನ್ನು ಕೃಷಿಯೆಡೆಗೆ ಪ್ರೇರೇಪಿಸಿತು. ಈ ಚಿತ್ರ ಪೋರ್ಬ್ಸ್ ನ ಭಾರತದ 25 ಅತ್ಯುತ್ತಮ ಅಭಿನಯ ಪಟ್ಟಿಯಲ್ಲಿ ಸ್ಥಾನ ಪಡೆದಿದೆ.

ಹುಣಸೂರು ಕೃಷ್ಣಮೂರ್ತಿ ಅಭಿನಯದ ಭಕ್ತ ಕುಂಬಾರ ಚಿತ್ರದಲ್ಲಿ ಭಕ್ತ ಗೋರನ ಪಾತ್ರದಲ್ಲಿ ನಟಿಸಿದರು. ಡಾ. ರಾಜ್ ಪಂಡರಪುರದ ವಿಠ್ಠಲನ ದಿಟ ಭಕ್ತನಾಗಿ ಲೋಕದಲ್ಲಿ ಖ್ಯಾತಿ ಪಡೆದ ಗೋರ ಕುಂಬಾರನ ಪಾತ್ರದಲ್ಲಿ ತನ್ಮಯತೆ ಮರೆದರು.

ಈ ಚಿತ್ರದಲ್ಲಿ ಡಾ. ರಾಜಕುಮಾರ್ ನಾಲ್ಕನೇ ಶತಮಾನದ ಭೋಜರಾಜನ ಆಸ್ಥಾನ ಕವಿಯಾಗಿದ್ದ ಕವಿರತ್ನ ಕಾಳಿದಾಸನ ಪಾತ್ರದಲ್ಲಿ ಅಭಿನಯಿಸಿದರು. ಜ್ಞಾನೋದಯಕ್ಕೂ ಪೂರ್ವ ಕುರುಬನಾಗಿ, ನಂತರ ಕವಿಗಳಲ್ಲೇ ಶ್ರೇಷ್ಠ ಕಾಳಿದಾಸನಾಗಿ ರಾಜ್ ಅಪೂರ್ವ ಅಭಿನಯ ನೀಡಿದರು.

ಭೂಕೈಲಾಸದಲ್ಲಿ ರಾವಣನಾಗಿ ಆರ್ಭಟಿಸಿದ ನಂತರ ಭಕ್ತ ಪ್ರಹ್ಲಾದ ಚಿತ್ರದಲ್ಲಿ ಮತ್ತೊಮ್ಮೆ ದಾನವನ ಅವತಾರ ಎತ್ತಿದರು. ರಾಜ್ ರಾಕ್ಷಸ ಹಿರಣ್ಯ ಕಶಿಪುವಿನ ಪಾತ್ರದಲ್ಲಿ ಘರ್ಜಿಸಿದರೆ, ಪುನೀತ್ ರಾಜಕುಮಾರ್ ಪ್ರಹ್ಲಾದನ ಪಾತ್ರದಲ್ಲಿ ನಟಿಸಿದರು.

ಶಂಕರನಾಗ್ ನಿರ್ದೇಶನದಲ್ಲಿ ಮೂಡಿಬಂದ ಈ ಚಿತ್ರದಲ್ಲಿ ರಾಜಕುಮಾರ್ ಬೆಸ್ತನ ಪಾತ್ರದಲ್ಲಿ ನಟಿಸಿದರು. 58 ರ ವಯಸ್ಸಿನಲ್ಲಿ ಕೂಡ ಸಮುದ್ರಾಳದಲ್ಲಿ ಕೃತಕ ಆಕ್ಟೋಪಸ್ ಜೊತೆ ಫೈಟ್ ಸೀನಿನಲ್ಲಿ ಭಾಗವಹಿಸಿದ್ದು ರೋಮಾಂಚಕಾರಿಯಾಗಿತ್ತು.