ನಿರಂತರವಾಗಿ 5ಕ್ಕಿಂತ ಹೆಚ್ಚು ಹಿಟ್ ಸಿನಿಮಾಗಳನ್ನು ಕೊಟ್ಟ ಸ್ಯಾಂಡಲ್‌ವುಡ್‌ ನಟರಿವರು!

ಗೋಲ್ಡನ್ ಸ್ಟಾರ್ ಗಣೇಶ್ ಅವರು 2006ರಿಂದ 2008ರ ವರೆಗೆ ನಿರಂತರವಾಗಿ 6  ಹಿಟ್ ಸಿನಿಮಾಗಳನ್ನು ನೀಡಿದ್ದಾರೆ. ಈ ಪೈಕಿ ಮುಂಗಾರು ಮಳೆ, ಚೆಲುವಿನ ಚಿತ್ತಾರ ಸಿನಿಮಾಗಳು ಬ್ಯ್ಯಾಕ್‌ಬಸ್ಟರ್ ಆಗಿದ್ದರೆ, ಅರಮನೆ, ಗಾಳಿಪಟ, ಕೃಷ್ಣ ಸಿನಿಮಾಗಳಿ ಸೂಪರ್ ಹಿಟ್ ಲಿಸ್ಟ್ ಸೇರಿವೆ. ಇನ್ನು ಹುಡುಗಾಟ ಚಿತ್ರ ಹಿಟ್ ಲಿಸ್ಟ್ ಸೇರಿದೆ.

ರಿಯಲ್ ಸ್ಟಾರ್ ಉಪೇಂದ್ರ ಅವರು ಎರಡು ಬಾರಿ 6 ಹಿಟ್‌ ಸಿನಿಮಾಗಳನ್ನು ಕೊಟ್ಟಿದ್ದಾರೆ. ಅದರಲ್ಲಿ 1998ರಿಂದ 2000ರ ವರೆಗೆ ಬಿಡುಗಡೆಯಾದ ಉಪೇಂದ್ರ, ಎ, ಪ್ರೀತ್ಸೆ ಚಿತ್ರಗಳು ಬ್ಯ್ಯಾಕ್‌ಬಸ್ಟರ್ ಹಿಟ್ ಲಿಸ್ಟ್ ಸೇರಿದ್ದು,  ತೆಲುಗಿನ ಕನ್ಯಾದಾನಂ ಸೂಪರ್ ಹಿಟ್ ಆಗಿದೆ. ಇನ್ನು ತೆಲುಗಿನ ರಾ ಹಾಗೂ ಕನ್ನಡದ ಹೆಚ್ 2ಒ ಚಿತ್ರಗಳು ಹಿಟ್ ಆಗಿವೆ. ಆನಂತರ ಒಂದೆರಡು ಫ್ಲಾಫ್ ಚಿತ್ರಗಳನ್ನು ನೀಡಿದ ಉಪ್ಪಿ, 2000ರ ಕೊನೆಯಲ್ಲಿ ಬಂದ ಸಿನಿಮಾಗಳಲ್ಲಿ ಗೌರಮ್ಮ, ರಕ್ತಕಣ್ಣೀರು ಬ್ಲ್ಯಾಕ್‌ಬಸ್ಟರ್ ಆಗಿದ್ದವು. ಹಾಲಿವುಡ್, ಕುಟುಂಬ ಚಿತ್ರಗಳು ಸೂಪರ್ ಹಿಟ್ ಲಿಸ್ಟ್ ಸೇರಿದ್ರೆ, ಗೋಕರ್ಣ, ಓಂಕಾರ ಹಿಟ್ ಆಗಿದ್ದವು.

ರಾಕಿಂಗ್ ಸ್ಟಾರ್ ಯಶ್ ಅವರು 2012 ರಿಂದ 2022ರವರೆಗೆ 10 ವರ್ಷಗಳ ನಿರಂತರವಾಗಿ 9 ಹಿಟ್ ಸಿನಿಮಾಗಳನ್ನು ನೀಡಿದ್ದಾರೆ. ಈ ಪೈಕಿ ಮಿಸ್ಟರ್ ಆಂಡ್ ಮಿಸ್ಟರ್ ರಾಮಾಚಾರಿ, ಕೆಜಿಎಫ್ ಚಾಪ್ಟರ್ 1, ಕೆಜಿಎಫ್ ಚಾಪ್ಟರ್ 2 ಸಿನಿಮಾಗಳು ಬಾಕ್ಸಾಫೀಸ್‌ನಲ್ಲಿ ಅತಿಹೆಚ್ಚು ಗಳಿಸುವುದರೊಂದಿಗೆ ಆಲ್‌ಟೈಮ್‌ ಬ್ಲ್ಯಾಕ್‌ಬಸ್ಟರ್ ಲಿಸ್ಟ್ ಸೇರಿವೆ. ರಾಜಾಹುಲಿ, ಮಾಸ್ಟರ್‌ ಪೀಸ್ ಸೂಪರ್ ಹಿಟ್ ಆಗಿದ್ದರೆ, ಗಜಕೇಸರಿ, ಗೂಗ್ಲಿ, ಡ್ರಾಮಾ ಚಿತ್ರಗಳು ಹಿಟ್ ಲಿಸ್ಟ್ ಸೇರಿದೆ.  ಸಂತು ಸ್ಟ್ರೇಟ್ ಫಾವರ್ಡ್ ಚಿತ್ರ ಸೆಮಿ ಹಿಟ್ ಲಿಸ್ಟ್ ಸೇರಿದೆ. 

ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಅವರು ನಿರಂತರವಾಗಿ 2011  ರಿಂದ 2015ರವರೆಗೆ 8 ಹಿಟ್ ಸಿನಿಮಾಗಳನ್ನು ನೀಡಿದ್ದಾರೆ. ಈ ಪೈಕಿ ವಿಷ್ಣುವರ್ಧನ, ರನ್ನ, ತೆಲುಗಿನ ಈಗ ಸೂಪರ್ ಹಿಟ್ ಲಿಸ್ಟ್ ಸೇರಿವೆ. ವರದನಾಯಕ, ಬಚ್ಚನ್, ಮಾಣಿಕ್ಯ, ಕೆಂಪೇಗೌಡ ಹಿಟ್ ಆಗಿದ್ದವು. ಬಾಬುಬಲಿ ಸಿನಿಮಾದಲ್ಲೂ ಸುದೀಪ್ ನಟಿಸಿದ್ದು, ಈ ಚಿತ್ರ ಬ್ಲ್ಯಾಕ್‌ಬಸ್ಟರ್ ಆಗಿತ್ತು.

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಕೂಡ ಎರಡು ಬಾರಿ ಹಿಟ್‌ ಸಿನಿಮಾಗಳನ್ನು ಕೊಟ್ಟಿದ್ದಾರೆ. 2011ರಿಂದ 2013ರವರೆಗೆ ಬಿಡುಗಡೆಯಾದ ಸಾರಥಿ, ಕ್ರಾಂತಿವೀರ ಸಂಗೊಳ್ಳಿ ರಾಯಣ್ಣ ಬ್ಲ್ಯಾಕ್‌ಬಸ್ಟರ್ ಆಗಿದ್ದು, ಬುಲ್‌ಬುಲ್ ಬೃಂದಾವನ ಚಿತ್ರಗಳು ಸೂಪರ್ ಹಿಟ್ ಆಗಿದ್ದವು. ಇನ್ನು ಚಿಂಗಾರಿ ಚಿತ್ರ ಹಿಟ್ ಲಿಸ್ಟ್ ಸೇರಿತ್ತು. ತದನಂತರ ಬಂದ ಒಂದೆರಡು ಸಿನಿಮಾಗಳು ಹಿಟ್ ಆಗಲಿಲ್ಲ. ಬಳಿಕ 2016ರಿಂದ 2021ರವರೆಗೆ ಬಂದ ಯಜಮಾನ ಬ್ಲ್ಯಾಕ್‌ಬಸ್ಟರ್ ಆಗಿತ್ತು. ತಾರಕ್, ರಾಬರ್ಟ್ ಚಿತ್ರಗಳು ಸೂಪರ್ ಹಿಟ್ ಆಗಿದ್ದು, ಚಕ್ರವರ್ತಿ, ಕಜಗ್ಗುದಾದಾ, ಒಡೆಯ, ಕುರುಕ್ಷೇತ್ರ ಸಿನಿಮಾಗಳು ಹಿಟ್ ಲಿಸ್ಟ್ ಸೇರಿತ್ತು.

ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್ ಅವರು ತಾವು ನಾಯಕನಾಗಿ ನಟಿಸಿದ ಮೊದಲ ಸಿನಿಮಾ ಅಪ್ಪುಯಿಂದ ಹಿಡಿದು ವಂಶಿಯವರೆಗೆ ನಿರಂತರವಾಗಿ 11 ಹಿಟ್ ಸಿನಿಮಾಗಳನ್ನು ನೀಡಿದ್ದಾರೆ. ಈ ಪೈಕಿ ಅಪ್ಪು, ಆಕಾಶ್, ಮಿಲನಾ ಚಿತ್ರಗಳು ಬ್ಲ್ಯಾಕ್‌ಬಸ್ಟರ್ ಆಗಿವೆ. ಅಭಿ, ಆರಸು, ಮೌರ್ಯ, ವಂಶಿ, ನಮ್ಮ ಬಸವ ಚಿತ್ರಗಳು ಸೂಪರ್ ಹಿಟ್‌ ಲಿಸ್ಟ್ ಸೇರಿದ್ರೆ, ವೀರ ಕನ್ನಡಿಗ, ಅಜಯ್, ಬಿಂದಾಸ್ ಚಿತ್ರಗಳು ಹಿಟ್ ಆಗಿವೆ. ಆನಂತರ ಒಂದೆರಡು ಸಿನಿಮಾಗಳು ಅವರೇಜ್ ಆಗಿದ್ದು, 2016ರಿಂದ 2022ರವರೆಗೆ 6 ನಿರಂತರ ಹಿಟ್ ಕೊಟ್ಟಿದ್ದಾರೆ. ಅದರಲ್ಲಿ ರಾಜಕುಮಾರ ಬ್ಲ್ಯಾಕ್‌ಬಸ್ಟರ್ ಹಿಟ್ ಲಿಸ್ಟ್ ಸೇರಿದ್ರೆ, ದೊಡ್ಮನೆ ಹುಡುಗ, ನಟಸಾರ್ವಭೌಮ, ಜೇಮ್ಸ್ ಸೂಪರ್ ಹಿಟ್ ಆಗಿದ್ದು, ಅಂಜನಿಪುತ್ರ ಯುವರತ್ನ ಚಿತ್ರಗಳು ಹಿಟ್ ಲಿಸ್ಟ್ ಸೇರಿವೆ.

125ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ಅಭಿನಯಿಸಿರುವ ಸೆಂಚುರಿ ಸ್ಟಾರ್ ಶಿವರಾಜ್‌ಕುಮಾರ್ ಅವರು ಹಲವರು ಬಾರಿ ಹಿಟ್ ಸಿನಿಮಾಗಳನ್ನು ನೀಡಿದ್ದಾರೆ. ಶಿವಣ್ಣ ಮೊದಲ ಬಾರಿ ನಾಯಕನಾಗಿ ನಟಿಸಿದ ಆನಂದ ಚಿತ್ರದಿಂದ ಹಿಡಿದು ಪುರುಷೋತ್ತಮ ಸಿನಿಮಾದವರೆಗೂ ಬರೋಬ್ಬರಿ 14 ಹಿಟ್ ಸಿನಿಮಾಗಳನ್ನು ಕೊಡುವ ಮೂಲಕ ನಿರಂತರವಾಗಿ ಅತಿಹೆಚ್ಚು ಹಿಟ್ ಸಿನಿಮಾಗಳನ್ನು ಕೊಟ್ಟ ನಟರ ಪೈಕಿ ಮೊದಲ ಸ್ಥಾನದಲ್ಲಿದ್ದಾರೆ. ನಂತರ ರಿಷಿ ಸಿನಿಮಾದಿಂದ ಹಿಡಿದು ಅಣ್ಣ-ತಂಗಿ ಸಿನಿಮಾದವರೆಗೂ 5 ಸತತ ಹಿಟ್ ಚಿತ್ರಗಳನ್ನು ನೀಡಿದ್ದಾರೆ.