ಕಾಟೇರ ನಿರ್ದೇಶಕನಿಗೆ ಕಂಕಣಭಾಗ್ಯ: ತರುಣ್ ಸುಧೀರ್ ನಿಜವಾದ ವಯಸ್ಸು, ಎಜುಕೇಷನ್ ಏನು ಗೊತ್ತಾ..?

ಕನ್ನಡ ಚಿತ್ರರಂಗದ ಖ್ಯಾತ ಖಳನಾಯಕ ದಿವಂಗತ ಸುಧೀರ್ ಅವರ ಕಿರಿಯ ಪುತ್ರನಾದ ತರುಣ್ ಸುಧೀರ್ ಜನಿಸಿದ್ದು 1985 ಅಕ್ಟೋಬರ್ 9ರಂದು. ಅವರಿಗೀಗ 38 ವರ್ಷ ವಯಸ್ಸು. ಇವರ ಹುಟ್ಟೂರು ಹೊಸಪೇಟೆಯಾಗಿದ್ದು, ತರುಣ್ ಅವರ ಹಿರಿಯ ಸಹೋದರ ನಂದ ಕಿಶೋರ್ ನಿರ್ದೇಕರಾಗಿದ್ದಾರೆ. 

ತರುಣ್ ಸುಧೀರ್ ಓದಿರುವುದು ಕೆಎಲ್ಇ ಕಾಲೇಜಿನಲ್ಲಿ. ಹೊಟೇಲ್ ಮ್ಯಾನೇಜ್‌ಮೆಂಟ್ ಕೋರ್ಸ್‌ ಮಾಡಿರುವ ಇವರು, ಒಂದು ವರ್ಷ ಅಶೋಕ ಹೊಟೇಲ್‌ನಲ್ಲಿ ಕೆಲಸ ಮಾಡಿದ್ದರು.

ತರುಣ್ ಸುಧೀರ್ ಅವರು ಬಾಲನಟನಾಗಿ 1990ರಲ್ಲಿ ತೆರೆಗೆ ಬಂದ 'ಗಣೇಶನ ಮದುವೆ' ಸಿನಿಮಾದಲ್ಲಿ ಅಭಿನಯಿಸಿದ್ದರು. ಒಂದು ವರ್ಷ ಹೊಟೇಲ್‌ನಲ್ಲಿ ಕೆಲಸ ಮಾಡಿ ನಂತರ ಚಿತ್ರರಂಗಕ್ಕೆ ಕಾಲಿಟ್ಟ ಇವರು, ಎಕ್ಸ್‌ಕ್ಯೂಸ್ ಮಿ, ಚಪ್ಪಾಳೆ, ವಿಷ್ಣುಸೇನಾ, ಜೊತೆ ಜೊತೆಯಲಿ, ವಿದ್ಯಾರ್ಥಿ, ನವಗ್ರಹ, ಗಜಕೇಸರಿ, ಚೌಕ ಸಿನಿಮಾಗಳಲ್ಲಿ ಅಭಿನಯಿಸಿದ್ದಾರೆ.

ಚೌಕ ಸಿನಿಮಾ ಮೂಲಕ ನಿರ್ದೇಶನಕ್ಕಿಳಿದ ತರುಣ್, ರಾಬರ್ಟ್, ಕಾಟೇರದಂತಹ ಸೂಪರ್ ಹಿಟ್ ಸಿನಿಮಾಗಳನ್ನು ನೀಡಿದ್ದಾರೆ. ಜೊತೆಗೆ ರಾಂಬೋ, ವಿಕ್ಟರಿ, ಅಧ್ಯಕ್ಷ, ಗಜಕೇಸರಿ, ರನ್ನ, ಟೈಗರ್, ರಾಂಬೋ 2, ವಿಕ್ಟರಿ 2 ಸಿನಿಮಾಗಳಲ್ಲಿ ರೈಟರ್ ಆಗಿಯೂ ಕೆಲಸ ಮಾಡಿದ್ದಾರೆ.

ತರುಣ್ ಸುಧೀರ್ ಶೀಘ್ರದಲ್ಲೇ ಮದುವೆಯಾಗಲಿದ್ದು, ನಟಿ ಸೋನಲ್ ಮೊಂಥೆರೋ ಜೊತೆ ಅವರ ಹೆಸರು ಕೇಳಿಬರುತ್ತಿದೆ. ಇವರ ನಿರ್ದೇಶನದ ರಾಬರ್ಟ್ ಚಿತ್ರದಲ್ಲಿ ಸೋನಲ್ ಕೂಡ ನಟಿಸಿದ್ದರು. ಇದೀಗ ಇವರಿಬ್ಬರು ಮದುವೆಯಾಗುತ್ತಿದ್ದಾರೆ ಎಂಬ ಮಾತುಗಳು ಗಾಂಧಿನಗರದಲ್ಲಿ ಕೇಳಿಬರುತ್ತಿದ್ದು, ಇನ್ನೂ ಅಧಿಕೃತ ಮಾಹಿತಿ ಹೊರಬಿದ್ದಿಲ್ಲ.