ತಮ್ಮ ಫೋಷಕರೊಂದಿಗೆ ಒಂದೇ ಸಿನಿಮಾದಲ್ಲಿ ಅಭಿನಯಿಸಿರುವ ಸ್ಯಾಂಡಲ್‌ವುಡ್ ಸ್ಟಾರ್ಸ್‌ಗಳಿವರು!

ರಿಯಲ್ ಸ್ಟಾರ್ ಉಪೇಂದ್ರ ನಟನೆಯ ಸಿನಿಮಾವೊಂದರಲ್ಲಿ ಅವರ ತಾಯಿ ಅನುಸೂಯ ಚಿಕ್ಕ ಪಾತ್ರವೊಂದನ್ನು ಮಾಡಿದ್ದಾರೆ. 2010ರಲ್ಲಿ ಬಿಡುಗಡೆಯಾದ ಉಪ್ಪಿ ನಿರ್ದೇಶಿಸಿ ನಟಿಸಿದ್ದ ಬ್ಲ್ಯಾಕ್ ಬಾಸ್ಟರ್ 'ಸೂಪರ್' ಸಿನಿಮಾದಲ್ಲಿ ಅನುಸೂಯ ಅವರು ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಆ ಮೂಲಕ ಮಗನ ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದರು.

ಸ್ಯಾಂಡಲ್‌ವುಡ್ ಸಿಂಡ್ರೆಲಾ ರಾಧಿಕಾ ಪಂಡಿತ್ ಅವರ ತಂದೆ ಕೃಷ್ಣ ಪ್ರಸಾದ್ ಕೂಡ ಸಿನಿಮಾದಲ್ಲಿ ನಟಿಸಿದ್ದಾರೆ. ೨೦೧೪ರಲ್ಲಿ ರಿಲೀಸ್ ಆದ ಯಶ್ ಹಾಗೂ ರಾಧಿಕಾ ನಟನೆಯ ಸೂಪರ್ ಹಿಟ್ ಸಿನಿಮಾ ಮಿಸ್ಟರ್ ಆಂಡ್ ಮಿಸಸ್ ರಾಮಾಚಾರಿ ಚಿತ್ರದಲ್ಲಿ ರಾಧಿಕಾ ಸ್ನೇಹಿತೆ ಗೋವಾದಲ್ಲಿ ವಿವಾಹವಾಗುತ್ತಿರುತ್ತಾರೆ. ಆ ಸ್ಬೇಹಿತೆಯ ತಂದೆ ಪಾತ್ರದಲ್ಲಿ ಕೃಷ್ಣ ಪ್ರಸಾದ್ ಕಾಣಿಸಿಕೊಂಡಿದ್ದಾರೆ. ಮಗಳನ್ನು ಉದ್ದಾಗಿ ಸಾಕಿರುವೆ, ಏನೇ ತಪ್ಪು ಮಾಡಿದ್ರೂ ಕ್ಷಮಿಸಿ ಆಕೆಯನ್ನು ಚೆನ್ನಾಗಿ ನೋಡಿಕೋ ಎಂಬ ಸಾಲುಗಳನ್ನು ಹೇಳ್ತಾರೆ. ಇದರಲ್ಲಿ ಅವರ ಪಾತ್ರ ಚಿಕ್ಕದಾದ್ರೂ ಹೆಣ್ಮಕ್ಕಳಿಗೆ ಸಖತ್ ಇಷ್ಟವಾಗಿತ್ತು.

ಕ್ರೇಜಿಸ್ಟಾರ್ ವಿ. ರವಿಚಂದ್ರನ್ ತಾಯಿ ಪಟ್ಟಮ್ಮಾಳ್ ವೀರಸ್ವಾಮಿ ಅವರು ರವಿಚಂದ್ರನ್ ಕಥೆ ಬರೆದು ನಿರ್ದೇಶಿಸಿ ಅಭಿನಯಿಸಿದ್ದ 'ಹಠವಾದಿ' ಸಿನಿಮಾದ ಹಾಡೊಂದರಲ್ಲಿ ಕಾಣಿಸಿಕೊಂಡಿದ್ದರು. ಹಠ-ಹಠ ಗೆಲ್ಲೋನಿಗೆ ಬೇಕು ಹಠ ಹಾಡಿನಲ್ಲಿ ರವಿಚಂದ್ರನ್ ಅವರಿಗೆ ಆರತಿ ಸೀನ್‌ನಲ್ಲಿ ಕಾಣಿಸಿಕೊಂಡಿದ್ದರು. 2006ರಲ್ಲಿ ಬಿಡುಗಡೆಯಾದ ಈ ಸಿನಿಮಾ ಹಾಡುಗಳು ಇಂದಿಗೂ ಜನಪ್ರಿಯತೆ ಪಡೆದುಕೊಂಡಿವೆ.

ವರನಟ ಡಾ.ರಾಜ್‌ಕುಮಾರ್ ಹಾಗೂ ಪಾರ್ವತಮ್ಮ ಅವರು ಹ್ಯಾಟ್ರಿಕ್ ಹೀರೋ ಶಿವರಾಜ್‌ಕುಮಾರ್ ನಟನೆಯ 'ಜೋಗಿ' ಸಿನಿಮಾದ ಆರಂಭದಲ್ಲಿ ಒಂದು ಚಿಕ್ಕ ಪಾತ್ರ ಮಾಡಿದ್ದರು. ಈ ಸಿನಿಮಾದ ಆರಂಭದಲ್ಲಿ ಶಿವಣ್ಣನಿಗೆ ಭಿಕ್ಷೆ ನೀಡುವ ಸೀನ್‌ನಲ್ಲಿ ಡಾ.ರಾಜ್‌ಕುಮಾರ್ ಹಾಗೂ ಪಾರ್ವತಮ್ಮ ಕಾಣಿಸಿಕೊಂಡಿದ್ದರು.

ಇತ್ತೀಚೆಗಷ್ಟೇ ನಮ್ಮನೆ ಯುವರಾಣಿ ಸೀರಿಯಲ್ ಖ್ಯಾತಿಯ ಅಂಕಿತಾ ಅಮರ್ ನಟನೆಯ 'ಇಬ್ಬನಿ ತಬ್ಬಿದ ಇಳೆಯಲಿ' ಸಿನಿಮಾ ಬಿಡುಗಡೆಯಾಗಿ ಪ್ರೇಕ್ಷಕರ ಮನಗೆದ್ದಿದೆ. ಈ ಸಿನಿಮಾದಲ್ಲಿ ಅಂಕಿತಾ ತಂದೆ ಅಮರ್ ಬಾಬು ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಸಿನಿಮಾಲದಲ್ಲಿ ನೆನಪುಗಳ ಜೊತೆಗೆ ಸಾಗುವ ಕಾರು ಚಾಲಕನ ಪಾತ್ರ ಅವರದ್ದು.

ಲೂಸ್‌ಮಾದ ಯೋಗಿ ಹಾಗೂ ಅವರ ತಾಯಿ ಅಂಬುಜ ಇವರಿಬ್ಬರು ಒಂದೇ ಸಿನಿಮಾದ ಮೂಲಕ ತಮ್ಮ ನಟನಾ ವೃತ್ತಿಯನ್ನು ಆರಂಭಿಸಿದರು. ದುನಿಯಾ ವಿಜಯ್ ನಾಯಕನಾಗಿ ನಟಿಸಿದ್ದ 'ದುನಿಯಾ' ಸಿನಿಮಾದಲ್ಲಿ ಯೋಗಿ ವಿಲನ್ ಆಗಿ ಕಾಣಿಸಿಕೊಂಡಿದ್ದರು. ಇದೇ ಚಿತ್ರದಲ್ಲಿ ಅಂಬುಜಾ ಹಾಸ್ಟೆಲ್ ವಾರ್ಡನ್‌ ಪಾತ್ರಕ್ಕೆ ಬಣ್ಣಹಚ್ಚಿದ್ದರು. ದುನಿಯಾ ವಿಜಯ್ ಅಂಬುಜಾ ಅವರ ಸಹೋದರನಾಗಿದ್ದಾರೆ.

ಡ್ಯಾನ್ಸ್‌ ಕಿಂಗ್ ವಿನೋದ್ ರಾಜ್‌ ಹಾಗೂ ಲೀಲಾವತಿ ಅವರು ಕನ್ನಡ ಚಿತ್ರರಂಗದ ಅದ್ಭುತ ಕಲಾವಿದರು. ಲೀಲಾವತಿ ಅವರು ಕನ್ನಡ ಅಷ್ಟೇ ಅಲ್ಲದೆ ತಮಿಳು, ತೆಲಗು ಮತ್ತು ಮಲಯಾಳಂ ಭಾಷೆ ಸೇರಿದಂತೆ ಒಟ್ಟು 600 ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಕನ್ನಡದಲ್ಲಿಯೇ 400ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ನಟಿಸಿದ್ದಾರೆ.  ವಿನೋದ್ ರಾಜ್‌ ಅವರ ಕಾಲೇಜ್ ಕುಮಾರ್, ಕನ್ನಡದ ಕಂದ, ಯಾರದು, ನಂಜುಂಡ, ಶುಕ್ರ ಮುಂತಾದ ಸಿನಿಮಾಗಳಲ್ಲಿ ಲೀಲಾವತಿ ಅವರ ಮಗನ ಜೊತೆಗೆ ಸ್ಟ್ರೀನ್ ಶೇರ್ ಮಾಡಿದ್ದಾರೆ.