ಇವರೇ ನೋಡಿ ಸ್ಯಾಂಡಲ್‌ವುಡ್ ಸ್ಟಾರ್ ನಟರ ಶ್ರೀಮಂತ ಪತ್ನಿಯರು: ಇವರ ಹಿನ್ನೆಲೆಯೇನು ಗೊತ್ತಾ?

ಸ್ಯಾಂಡಲ್‌ವುಡ್‌ನ ರೋರಿಂಗ್ ಸ್ಟಾರ್ ಶ್ರೀ ಮುರಳಿ ಹೊಟೇಲ್ ಉದ್ಯಮಿಯ ಪುತ್ರಿಯಾದ ವಿದ್ಯಾ ಅವರನ್ನು ಪ್ರೀತಿಸಿ ಮದುವೆ ಆಗಿದ್ದರು. ವಿದ್ಯಾ ಬೆಂಗಳೂರಿನಲ್ಲಿರುವ ಹೈಲ್ಯಾಂಡ್ ಹೊಟೇಲ್ ಮಾಲೀಕ ರಮೇಶ್ ಅವರ ಪುತ್ರಿ. ಇವರಿಬ್ಬರು ಬರೋಬ್ಬರಿ 10 ವರ್ಷ ಪ್ರೀತಿಸಿ, ನಂತರ ಕುಟುಂಬದವರ ಒಪ್ಪಿಗೆ ಪಡೆದು ವೈವಾಹಿಕ ಜೀವನಕ್ಕೆ ಕಾಲಿಟ್ಟರು. ಈ ಜೋಡಿಗೆ ಅತೀವಾ ಹಾಗೂ ಪ್ರಿನ್ಸ್ ಅಗಸ್ತ್ಯ ಅನ್ನೋ ಮಕ್ಕಳಿದ್ದಾರೆ. ಒಟ್ಟಾರೆ, ವಿದ್ಯಾ ಅವರದ್ದು ರಾಯಲ್ ಫ್ಯಾಮಿಲಿ. 

ರಿಯಲ್ ಸ್ಟಾರ್ ಉಪೇಂದ್ರ ಕನ್ನಡ ಚಿತ್ರರಂಗದ ಸೂಪರ್‌ ಸ್ಟಾರ್‌ಗಳಲ್ಲಿ ಒಬ್ಬರು. ಉಪ್ಪಿ ಬಡತನದಲ್ಲೇ ಬದುಕು ಕಟ್ಟಿಕೊಂಡವರು. ಈ ವಿಷಯವನ್ನು ಸ್ವತಃ ಅವರೇ ಹಲವು ಬಾರಿ ಹೇಳಿಕೊಂಡಿದ್ದಾರೆ. ಆದರೆ, ಅವರ ಪತ್ನಿ ಪ್ರಿಯಾಂಕಾ ಸ್ಥಿತಿವಂತರಾಗಿದ್ದರು. ಪ್ರಿಯಾಂಕಾ ತಂದೆ ಉತ್ತರ ಪ್ರದೇಶದವರು ಹಾಗೂ ತಾಯಿ ಸಮೈರಾ ತ್ರಿವೇದಿ ಪಶ್ಚಿಮ ಬಂಗಾಳದವರು. ಪ್ರಿಯಾಂಕಾ ಸಿನಿಮಾರಂಗಕ್ಕೆ ಕಾಲಿಡುವುದಕ್ಕೆ ಮುನ್ನ ಅಮೆರಿಕಾ ಹಾಗೂ ಸಿಂಗಾಪುರದಲ್ಲಿ ನೆಲೆಸಿ ಬಂದಿದ್ದರು. ಅಲ್ಲದೆ, ಮಿಸ್ ಕೊಲ್ಕತ್ತಾ ಕೂಡ ಆಗಿದ್ದರು. ಚಿತ್ರರಂಗಕ್ಕೆ ಎಂಟ್ರಿಕೊಡುವ ಮೊದಲು ಸಾಕಷ್ಟು ಜಾಹೀರಾತುಗಳಲ್ಲೂ ಅಭಿನಯಿಸಿದ್ದರು. 

ಗೋಲ್ಡನ್ ಸ್ಟಾರ್ ಗಣೇಶ್ ಆರಂಭದಲ್ಲಿ ಚಿಕ್ಕದೊಂದು ಅವಕಾಶಕ್ಕಾಗಿ ಪರದಾಡುತ್ತಿದ್ದ ಕಾಲವಿತ್ತು. ಚಿತ್ರರಂಗಕ್ಕೆ ಬಂದ ಮೇಲೆ ಹೊಸ ಬದುಕು ಕಟ್ಟಿಕೊಂಡ ಅವರು, ಹೀರೋ ಆಗಿ ಗೆದ್ದ ಮೇಲೆ ಶ್ರೀಮಂತಿಕೆ ಕಂಡಿದ್ದಾರೆ. ಆದರೆ, ಗಣೇಶ್ ಅವರ ಪತ್ನಿ ಶಿಲ್ಪಾ ಉದ್ಯಮಿಯ ಮಗಳು. ಅವರ ತಂದೆ ಉದ್ಯಮದ ಸಲುವಾಗಿ ಹೆಚ್ಚು ಕಾಲ ದುಬೈನಲ್ಲಿ ನೆಲೆಸಿದ್ದರು. ಹೀಗಾಗಿ, ಶಿಲ್ಪ ಗಣೇಶ್ ಕೂಡ ಮದುವೆ ಮುನ್ನ ಸ್ಥಿತಿವಂತೆಯಾಗಿದ್ದರು. 

ಹಾಸನದಲ್ಲಿ ನವೀನ್‌ಕುಮಾರ್ ಗೌಡ ಆಗಿ ಹುಟ್ಟಿದ ಯಶ್, ಇಂದು ರಾಕಿಂಗ್ ಸ್ಟಾರ್ ಆಗಿ ಅಸಂಖ್ಯಾತ ಅಭಿಮಾನಿಗಳ ಆರಾಧ್ಯ ದೈವ ಎನಿಸಿಕೊಂಡಿದ್ದಾರೆ. KGF ರೀತಿಯ ಸೆನ್ಸೇಷನ್‌ ಸಿನಿಮಾದಿಂದ ದೇಶ ವಿದೇಶದಲ್ಲೂ ರಾಕಿ ಭಾಯ್ ಆಗಿ ಚಿರಪರಿಚಿತರಾಗಿದ್ದಾರೆ. ಯಶ್ ಕಾಲ್‌ಶೀಟ್‌ಗಾಗಿ ಪರಭಾಷಾ ನಿರ್ಮಾಪಕರು ಕ್ಯೂ ನಿಂತಿದ್ದಾರೆ. ಯಶ್ ಇಂದು ಕೋಟಿ-ಕೋಟಿ ಸಂಭಾವನೆ ಪಡೆಯುವ ಯಶ್, ಮಧ್ಯಮ ಕುಟುಂಬದಿಂದ ಬಂದವರು.ಅವರ ತಂದೆ ಬಸ್ ಕಂಡಕ್ಟರ್ ಆಗಿದ್ದರು. ಸಿನಿಮಾದಲ್ಲಿ ಬದುಕು ಕಟ್ಟಿಕೊಳ್ಳುವ ಆಲೋಚನೆ ಮಾಡುವುದೂ ಕೂಡ ಸಾಹಸ ಎನಿಸುವ ಕಾಲವಿತ್ತು. ಆದರೆ, ಯಶ್ ಪತ್ನಿ ರಾಧಿಕಾ ಪಂಡಿತ್ ಕುಟುಂಬ ಆರ್ಥಿಕವಾಗಿ ಸದೃಢವಾಗಿತ್ತು. ರಾಧಿಕಾ ತಂದೆ ಉನ್ನತ ಹುದ್ದೆಯಲ್ಲಿದ್ದರು. ಹೀಗಾಗಿ, ರಾಧಿಕಾ ಮೌಂಟ್ ಕಾರ್ಮೆಲ್ ಅಂತ ಜನಪ್ರಿಯ ಕಾಲೇಜಿನಲ್ಲಿ ವಿದ್ಯಾಭ್ಯಾಸ ಮಾಡಿದ್ದರು.  

ರೆಬೆಲ್‌ಸ್ಟಾರ್ ಅಂಬರೀಶ್ ಪುತ್ರ ಅಭಿಷೇಕ್ ಪತ್ನಿ ಅವಿವಾ ಬಿದ್ದಪ್ಪ ಕೂಡ ಶ್ರೀಮಂತ ಮನೆತನದಿಂದ ಬಂದವರು. ಅವರ ತಂದೆ ಪ್ರಸಾದ್ ಬಿದ್ದಪ್ಪ ಜನಪ್ರಿಯ ಫ್ಯಾಷನ್ ಡಿಸೈನರ್. ಹೀಗಾಗಿ, ಅವಿವಾ ಮಾಡೆಲಿಂಗ್ ಮಾಡಿದ್ದರು. ಜೊತೆಗೆ ಇವೆಂಟ್ ಮ್ಯಾನೇಜ್‌ಮೆಂಟ್ ಕಂಪನಿಯನ್ನು ನಡೆಸುತ್ತಿದ್ದಾರೆ. ನೋಡಲು ಸುಂದರಿಯೂ ಆಗಿರುವ ಅವಿವಾ, ಅಂಬಿ ಕುಟುಂಬಕ್ಕೆ ತಕ್ಕ ಸೊಸೆಯಾಗಿದ್ದಾರೆ.