ದಕ್ಷಿಣ ಚಿತ್ರರಂಗದ ಟಾಪ್ 5 ಶ್ರೀಮಂತ ನಟರಿವರು: ಇವರ ಆಸ್ತಿ ಎಷ್ಟಿದೆ ಗೊತ್ತಾ?

ಟಾಲಿವುಡ್ ನಟ ಅಕ್ಕಿನೇನಿ ನಾಗರ್ಜುನ್ ಸೌತ್ ಸಿನಿಮಾರಂಗದ ಶ್ರೀಮಂತ ನಟ. 1986ರಲ್ಲಿ ತೆರೆಕಂಡ ವಿಕ್ರಮ್ ಸಿನಿಮಾ ಮೂಲಕ ಬಣ್ಣದ ಲೋಕಕ್ಕೆ ಕಾಲಿಟ್ಟ ಅವರು, ಈವರೆಗೂ ನೂರಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ಅಭಿನಯಿಸಿದ್ದಾರೆ. ಕೇವಲ ನಟನಾಗಿ ಮಾಥ್ರವಲ್ಲದೇ ಉದ್ಯಮಿಯಾಗಿಯೂ ಗುರುತಿಸಿಕೊಂಡಿದ್ದಾರೆ. ಮೂಲಗಳ ಪ್ರಕಾರ ಅಕ್ಕಿನೇನಿ ನಾಗರ್ಜುನ ಅವರ ಆಸ್ತಿ ಮೌಲ್ಯ 3,010 ಕೋಟಿ ರೂಪಾಯಿ.

2022ರಲ್ಲಿ ತೆರೆಕಂಡ ಬ್ಲಾಕ್‌ಬಸ್ಟರ್ ಆರ್‌ಆರ್ಆರ್ ಸಿನಿಮಾ ನಂತರ ರಾಮ್‌ಚರಣ್ ಖ್ಯಾತಿ ಇನ್ನೂ ಹೆಚ್ಚಿದ್ದು, ವಿದೇಶಗಳಲ್ಲೂ ಅವರಿಗೆ ಅಭಿಮಾನಿಗಳಿದ್ದಾರೆ. ಜೊತೆಗೆ ಅವರ ಸಂಭಾವನೆ ಕೂಡ ಜಾಸ್ತಿಯಾಗಿದೆ. ತೆಲುಗು ಸಿನಿಮಾರಂಗಕ್ಕೆ ಸಾಕಷ್ಟು ಸೂಪರ್ ಹಿಟ್ ಸಿನಿಮಾಗಳನ್ನು ನೀಡಿರುವ ನಟ ರಾಮ್ ಚರಣ್ 1,370 ಕೋಟಿ ರೂಪಾಯಿ ಆಸ್ತಿ ಒಡೆಯ.

ನಟ ಕಮಲ್ ಹಾಸನ್ ತಮಿಳು, ತೆಲುಗು, ಹಿಂದಿ, ಕನ್ನಡ ಸಿನಿಮಾಗಳಲ್ಲಿ ನಟಿಸಿ ಸೈ ಎನಿಸಿಕೊಂಡಿದ್ದಾರೆ. ತಮ್ಮ ವೃತ್ತಿ ಜೀವನದಲ್ಲಿ ಹಲವು ಸೂಪರ್ ಹಿಟ್ ಸಿನಿಮಾಗಳನ್ನು ನೀಡಿರುವ ಈ ನಟ, ನಿರ್ದೇಶನ ಮತ್ತು ನಿಮಾಣದಲ್ಲೂ ಹೆಸರು ಗಳಿಸಿದ್ದಾರೆ. ಮೂಲಗಳ ಪ್ರಕಾರ ಕಮಲ್ ಹಾಸನ್ ಅವರ ಆಸ್ತಿ ಮೌಲ್ಯ 450 ಕೋಟಿ ರೂಪಾಯಿ.

ಕಾಲಿವುಡ್ ಸ್ಟಾರ್ ನಟ ದಳಪತಿ ವಿಜಯ್ ಕೂಡ ಒಂದು ಸಿನಿಮಾಗೆ ಕೋಟಿಗಟ್ಟಲೇ ಸಂಭಾವನೆ ಪಡೆಯುತ್ತಾರೆ. ತಮಿಳು ಚಿತ್ರರಂಗದಲ್ಲಿ ಹೆಚ್ಚು ಬೇಡಿಕೆಯಿರುವ ಈ ನಟ, ರಾಜಕೀಯಕ್ಕೆ ಕೂಡ ಎಂಟ್ರಿ ಕೊಡಲಿದ್ದಾರೆ ಎಂಬ ಮಾತುಗಳು ಇತ್ತೀಚೆಗೆ ಕೇಳಿಬರುತ್ತಿವೆ. ನಟ ವಿಜಯ್ ಆಸ್ತಿ ಮೌಲ್ಯ 445 ಕೋಟಿ ರೂಪಾಯಿ. 

ತಮಿಳು ಚಿತ್ರರಂಗದ ಸೂಪರ್ ಸ್ಟಾರ್ ರಜನಿಕಾಂತ್ ಹುಟ್ಟಿಬೆಳದದ್ದು ಕರ್ನಾಟಕದಲ್ಲಿ. ಆದರೆಮ ಸೂಪರ್ ಸ್ಟಾರ್ ಎಂಬ ಪಟ್ಟ ಗಳಿಸಿದ್ದು ಕಾಲಿವುಡ್‌ನಲ್ಲಿ. ಜಪಾನ್, ಮಲೇಷ್ಯಾ ಸೇರಿದಂತೆ ವಿದೇಶಗಳಲ್ಲಿಯೂ ಸಾಕಷ್ಟು ಅಭಿಮಾನಿಗಳನ್ನು ಹೊಂದಿರುವ ನಟ ರಜನಿಕಾಂತ್. ಇವರ ಒಟ್ಟು ಆಸ್ತಿ ಮೌಲ್ಯ 430 ಕೋಟಿ ರೂಪಾಯಿ.