twitter
    For Quick Alerts
    ALLOW NOTIFICATIONS  
    For Daily Alerts

    ಸಲ್ಮಾನ್ ಜೋಡಿ ಬಿಗ್ ಬಾಸ್ ಮನೆಗೆ ಬರ್ರಲಾ

    By Mahesh
    |

    ಕಲರ್ಸ್ ವಾಹಿನಿಯ ರಿಯಾಲಿಟಿ ಷೋ ಬಿಗ್ ಬಾಸ್ ನ ನಾಲ್ಕನೇ ಆವೃತ್ತಿಗೆ ಇಂದು ರಾತ್ರಿ 9 ಗಂಟೆಗೆ ಚಾಲನೆ ದೊರೆಯಲಿದೆ. ಬಾಲಿವುಡ್ ನ ಬಿಂದಾಸ್ ನಾಯಕ ಸಲ್ಮಾನ್ ಖಾನ್ ಹೊಸ ಆವೃತ್ತಿಯ ಸಾರಥ್ಯವಹಿಸಿಕೊಂಡಿದ್ದು, ಬಿಗ್ ಬಿ ಅಮಿತಾಬ್ ಕೆಬಿಸಿ ಕಡೆ ಮುಖ ಮಾಡಿದ್ದಾರೆ.

    ಬಿಗ್ ಬಾಸ್ ಮನೆಯಲ್ಲಿ ಯಾವ ವಿಶೇಷ ಉಳಿಯುತ್ತಾರೆ ಎಂಬುದು ಈಗಾಗಲೆ ಬೆಟ್ಟಿಂಗ್ ನಡೆದಿದೆಯಂತೆ. ಮೂಲಗಳ ಪ್ರಕಾರ 26/11 ದಾಳಿ ರುವಾರಿ ಉಗ್ರ ಕಸಬ್ ಪರ ವಕೀಲ ಅಬ್ಬಾಸ್ ಕಜ್ಮಿ ಹಾಗೂ ಮಾಜಿ ಡಕಾಯಿತ ರಾಣಿ ಸೀಮಾ ಪರಿಹಾರ್ ಬಿಗ್ ಬಾಸ್ ನಲ್ಲಿ ಭಾಗವಹಿಸಲಿದ್ದಾರೆ.

    ಕಸಬ್ ಪರ ವಾದಿಸಿದ ವಕೀಲ ಕಜ್ಮಿ ನಂತರ ಕೇಸ್ ನಿಂದ ಹೊರಬಿದ್ದಿದ್ದರು. ಈಗ ಸಾರ್ವಜನಿಕವಾಗಿ ತಮ್ಮ ಇಮೇಜ್ ಹೊಸದಾಗಿ ರೂಪಿಸಿಕೊಳ್ಳಲು ಬಿಗ್ ಬಾಸ್ ನ ವೇದಿಕೆಯನ್ನು ಆಯ್ಕೆ ಮಾಡಿಕೊಂಡಿದ್ದಾರೆ. ಭಯಾನಕ ಡಕಾಯಿತಿ ರಾಣಿ ಸೀಮಾ ಪರಿಹಾರ್, ಶರಣಾಗತಿ ಹೊಂದಿದ ಮೇಲೆ, ಹೊಸ ಇಮೇಜ್ ಬೆಳೆಸಿಕೊಳ್ಳಲು ಬಿಗ್ ಬಾಸ್ ಮನೆಗೆ ಕಾಲಿಡಲಿದ್ದಾರೆ.

    ಉಳಿದಂತೆ ಆ ಕಾಲದ ಸೆಕ್ಸ್ ಸಿಂಬಲ್ ಜೀನತ್ ಅಮಾನ್ ಪ್ರಮುಖ ಆಕರ್ಷಣೆ ಆಗಬಲ್ಲರು. ಬುಕ್ಕಿಗಳ ಜಾಲದಲ್ಲಿ ಸಿಲುಕಿರುವ ಪಾಕಿಸ್ತಾನದ ವೇಗಿ ಆಸಿಫ್ ಗೆಳತಿ ವೀಣಾ ಮಲಿಕ್ ಕೂಡಾ ಬಿಗ್ ಬಾಸ್ ಮೂಲಕ ಹಿಂದಿ ಕಿರುತೆರೆಗೆ ಕಾಲಿಡುತ್ತಿದ್ದಾರೆ.

    ಬೇ ವಾಚ್ ಖ್ಯಾತಿಯ ಪಮೇಲಾ ಆಂಡರ್ಸನ್ ಕೂಡಾ ಬಿಗ್ ಬಾಸ್ ನ ಸುಸಜ್ಜಿತ ಮನೆಗೆ ಬರುವ ನಿರೀಕ್ಷೆಯಿದೆ. ಉಳಿದಂತೆ ಕಿರುತೆರೆ ಕ್ವೀನ್ ಶ್ವೇತಾ ತಿವಾರಿ, ಗಾಯಕ ಶಾನ್, ನಟ ಸಮೀರ್ ಸೋನಿ, ಭೋಜ್ ಪುರಿ ನಟ ಮನೋಜ್ ತಿವಾರಿ, ನಟ ಅಶ್ಮಿತ್ ಪಟೇಲ್, ಕಿರುತೆರೆ ನಟಿ ಸಾರಾ ಖಾನ್, ಮಹೇಶ್ ಭಟ್ ಮಗ ರಾಹುಲ್ ಭಟ್, ರೂಪದರ್ಶಿ ರಿಶತ್ ಗೋಸ್ವಾನಿ, ಎಂಟಿವಿ ಸ್ಪರ್ಧೆ ವಿಜೇತೆ ಸಾಕ್ಷಿ ಪ್ರಧಾನ್, ಸಿಮೋನ್ ಸಿಂಗ್, ಚಂಕಿ ಪಾಂಡೆ, ಡಿಂಪಿ ಗಂಗೂಲಿ, ದವಿಂದೆರ್ ಸಿಂಗ್, ರಾಜೇಶ್ ಖನ್ನ, ಅವಿಕಾ ಗೌರ್ ಅಲ್ಲದೆ, ಶೈನಿ ಅಹುಜಾ ಹಾಗೂ ಸ್ನೇಹಾ ಉಲ್ಲಾಳ್ ಕೂಡಾ ಸ್ಪರ್ಧಿಸುವ ನಿರೀಕ್ಷೆಯಿದೆ. ಅಂತಿಮ ಪಟ್ಟಿ ಕೊನೆ ವೇಳೆಯಲ್ಲಿ ಬದಲಾಗಬಹುದು. ಯಾವುದಕ್ಕೂ ಕಲರ್ಸ್ ವಾಹಿನಿ ನೋಡಿ.

    Sunday, October 3, 2010, 16:54
    IIFA

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X