ಜೀ ಕನ್ನಡ ಅರಸಿ ಧಾರಾವಾಹಿಗೆ ಹೊಸ ನಾಯಕಿಯರು

ಹೊಸ ಪ್ರತಿಭೆಗಳಿಗೆ ಮನ್ನಣೆ ಕೊಡುವ ಜೀ ಕನ್ನಡದ ಪರಂಪರೆ ಅನುಸರಿಸಿ ಚಿತ್ರತಂಡ ಅರಸಿಗಾಗಿ ಆಡಿಷನ್ ನಡೆಸಿತ್ತು. 1000ಕ್ಕೂ ಹೆಚ್ಚು ಆಸಕ್ತರು ಧಾರಾವಾಹಿಯಲ್ಲಿ ನಟಿಸುವ ಆಸೆ ವ್ಯಕ್ತಪಡಿಸಿ ಅರ್ಜಿ ಸಲ್ಲಿಸಿದ್ದರು. ಅವರಲ್ಲಿ ಇಬ್ಬರು ಹುಡುಗಿಯರು ಮುಖ್ಯ ಪಾತ್ರಗಳಿಗೆ ಆಯ್ಕೆಯಾಗಿದ್ದರೆ, ಇತರ ಪೋಷಕ ಪಾತ್ರಗಳಿಗೂ ಹೊಸ ಕಲಾವಿದರನ್ನು ಆಯ್ಕೆ ಮಾಡಲಾಗಿದೆ.

200ನೇ ಸಂಚಿಕೆಯತ್ತ ಮುನ್ನುಗ್ಗುತ್ತಿರುವ ಅರಸಿಯ ಸೂಜಿ ಮತ್ತು ರಶ್ಮಿ ಇದುವರೆಗೆ ಪುಟ್ಟ ಹುಡುಗಿಯರಾಗಿದ್ದರು. ಇದೇ ನವೆಂಬರ್ 7ರ ಸಂಚಿಕೆಯಿಂದ ಹೊಸ ನಾಯಕಿಯರು ಪಾದಾರ್ಪಣೆ ಮಾಡಲಿದ್ದಾರೆ. ದ್ವೇಷವನ್ನು ಪ್ರೀತಿಯಿಂದ ಗೆಲ್ಲಬಹುದೆ? ಎಂಬ ಪ್ರಶ್ನೆಯೊಂದಿಗೆ ಸೂಜಿ ಪ್ರೀತಿಯ ಪ್ರತೀಕವಾಗಿ, ರಶ್ಮಿ ದ್ವೇಷದ ಪ್ರತೀಕವಾಗಿ ಧಾರಾವಾಹಿಯ ರೋಚಕ ತಿರುವುಗಳಿಗೆ ಕಾರಣರಾಗುತ್ತಾರೆ.

ಜೀ ಕನ್ನಡ, 'ಹಳೆ ಬೇರು ಹೊಸ ಚಿಗುರು' ಎಂಬ ತತ್ವದಲ್ಲಿ ನಂಬಿಕೆ ಇಟ್ಟಿದೆ. ಹಳಬರನ್ನು ಕಡೆಗಣಿಸದೇ ಹೊಸ ಪ್ರತಿಭೆಗಳನ್ನು ಹುಡುಕುವತ್ತ ವಾಹಿನಿ ಸದಾ ಕಾರ್ಯಪ್ರವೃತ್ತವಾಗಿರುತ್ತದೆ ಎಂದು ಜೀ ಕನ್ನಡ ಮುಖ್ಯಸ್ಥ ಗೌತಮ ಮಾಚಯ್ಯ ಹೇಳಿದ್ದಾರೆ. ಗಣಪತಿ ಭಟ್ ನಿರ್ಮಾಪಕರು ಹಾಗೂ ಸಂಕಲನಕಾರರು. (ಒನ್ ಇಂಡಿಯಾ ಕನ್ನಡ)