twitter
    For Quick Alerts
    ALLOW NOTIFICATIONS  
    For Daily Alerts

    ಕಿರುತೆರೆ ಮದುವೆಯಲ್ಲಿ ದುನಿಯಾ ವಿಜಯ್, ಪ್ರೇಮ್!

    |

    radha-kalyana
    ಝೀ ಕನ್ನಡ ವಾಹಿನಿಯ ಸಂಜೆ 6.30ರ ಧಾರಾವಾಹಿ "ರಾಧಾ ಕಲ್ಯಾಣ" ಹೊಸ ದಾಖಲೆ ಬರೆದಿದೆ. ಚಿತ್ರತಾರೆಯರಾದ ದುನಿಯಾ ವಿಜಯ್, ನೆನಪಿರಲಿ ಪ್ರೇಮ್, ನವೀನ್ ಕೃಷ್ಣ, ಪರಮಾತ್ಮದ ಶ್ವೇತಾ, ಸಿಂಧೂ ಹೀಗೆ ಬೆಳ್ಳಿತೆರೆಯ ಹಲವು ಖ್ಯಾತನಾಮರು ರಾಧಾ ಕಲ್ಯಾಣದಲ್ಲಿ ಪ್ರತ್ಯಕ್ಷವಾಗಿದ್ದಾರೆ! ನರ್ತಿಸಿ, ನಲಿದು ನವ ವಧೂವರರಿಗೆ ಶುಭ ಹಾರೈಸಿದ್ದಾರೆ.

    ಹೌದು, ರಾಧಾ ಕಲ್ಯಾಣ ಧಾರಾವಾಹಿಯಲ್ಲೊಂದು ಮದುವೆ ನಡೆಯುತ್ತಿದೆ. ಕನ್ನಡ ಕಿರುತೆರೆಯಲ್ಲೇ ಅದ್ದೂರಿ ಮದುವೆ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದ್ದು ಲಕ್ಷಾಂತರ ರೂಪಾಯಿ ಬಜೆಟ್ ಮದುವೆಗಾಗಿ ವಿನಿಯೋಗಿಸಲಾಗಿದೆ. ಕಥೆಯ ಪ್ರಕಾರ ಮದುವೆ ಉತ್ತರ ಭಾರತ ಶೈಲಿಯಲ್ಲಿ ನಡೆಯುತ್ತಿದೆ. ಅದರಂತೆ ಮೆಹಂದಿ, ಸಂಗೀತ್, ಬಾರಾತ್, ಎಲ್ಲವೂ ವೈಭವಯುತವಾಗಿ ಮೂಡಿ ಬಂದಿದೆ.

    ಈ ಮದುವೆ ದೃಶ್ಯಗಳಲ್ಲಿ ವಿಜಯ್ ಮತ್ತು ಸಿಂಧು ಯುಗಳ ಗೀತೆಗೆ ನರ್ತಿಸಿದರೆ, ನವೀನ್‌ಕೃಷ್ಣ ಸ್ವತಃ ಹಾಡೊಂದನ್ನು ಹಾಡಿದ್ದಾರೆ. ಪ್ರೇಮ್ ಮತ್ತು ವಿಜಯ್ ಟಪ್ಪಾಂಗುಚ್ಚಿ ಜೋಡಿ ನರ್ತನ ಸಖತ್ತಾಗಿದೆ. ಜೊತೆಗೆ ಧಾರಾವಾಹಿಯ ಪ್ರಮುಖ ಪಾತ್ರಧಾರಿಗಳೂ ನೃತ್ಯಕ್ಕೆ ಹೆಜ್ಜೆ ಹಾಕಿ ಮದುವೆ ವೈಭವಕ್ಕೆ ಮತ್ತಷ್ಟು ಕಳೆ ಬಂದಿದೆ. ಕುರಿಗಳು ಪ್ರತಾಪ್ ಮತ್ತು ಸಂಗಡಿಗರ ಹಾಸ್ಯ ನಕ್ಕು ನಕ್ಕು ಸುಸ್ತಾಗುವಂತಿದೆ.

    ಏರ್ಪಾಡಾಗಿರುವುದು ಕಥಾನಾಯಕ ವಿಶಾಲ್ ಮತ್ತು ವಿಶಾಖಾ ಮದುವೆ. ಆದರೆ ಇದು ಕಥಾನಾಯಕಿ ರಾಧಿಕಾಳ ಕಲ್ಯಾಣ. ಹೇಗೆ? ಧಾರಾವಾಹಿಯಲ್ಲಿ ಉತ್ತರವಿದೆ. ಅಸಂಖ್ಯ ಅನಿರೀಕ್ಷಿತ ತಿರುವುಗಳ ರಾಧಾ ಕಲ್ಯಾಣ ಈ ಮುಖ್ಯ ತಿರುವಿನ ಮೇಲೆ ನಿಂತಿದೆ.

    ರಾಧಾ ಕಲ್ಯಾಣ ಸೋಮವಾರದಿಂದ ಶುಕ್ರವಾರ ಸಂಜೆ 6:30ಕ್ಕೆ ಪ್ರಸಾರವಾಗುತ್ತಿದೆ.

    English summary
    Zee kannada Channel Serial "Radha Kalyana" becoming very popular. Now, there is grand Marriage is going to happen. Duniya Vijay and Nenapirali Prem, the celebrities of sandalwood are participating in this Marriage. Watch and enjoy
 
    Tuesday, October 4, 2011, 14:08
    IIFA

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X