ಕಾಮಿಡಿ ನಟ ಮಾಸ್ಟರ್ ಆನಂದ್ ಈಗ ಸುವರ್ಣ ಹಳ್ಳಿ ಹೈದ

ಮಾಸ್ಟರ್ ಆನಂದ್ ಮತ್ತೆ ಕಿರುತೆರೆಗೆ ಮರಳಲು ಅಖಾಡ ಸಿದ್ಧಮಾಡುತ್ತಿದ್ದಾರೆ. '5 ಈಡಿಯಟ್ಸ್' ಚಿತ್ರದ ಭಯಾನಕ ರೀತಿಯಲ್ಲಿ ಸೋಲು ಅನುಭವಿಸಿದ್ದು ಒಂದು ಕಡೆಯ ಸುದ್ದಿಯಾದರೆ, ಕಿರುತೆರೆಯತ್ತ ಮತ್ತೆ ಮುಖ ಮಾಡುತ್ತಿರುವುದು ಹಾಟ್ ನ್ಯೂಸ್!

ಈಗಾಗಲೇ ಸುವರ್ಣ ವಾಹಿನಿಗೆ 'ಎಸ್ಸೆಸ್ಸೆಲ್ಸಿ ನನ್ ಮಕ್ಳು' ಎಂಬ ಅರೆ ಕಾಮಿಡಿ ಧಾರಾವಾಹಿ ಮಾಡಿ, ಒಂದಷ್ಟು ಸುದ್ದಿ ಮಾಡಿದ್ದ ಆನಂದ್, ಮರಳಿ ಗೂಡಿಗೆ ತೆರಳಲಿದ್ದಾರೆ.
ಈ ಬಾರಿ ಅವರು ನಿರ್ದೇಶಿಸುತ್ತಿರುವ ಧಾರಾವಾಹಿಯ ಹೆಸರು 'ಹಳ್ಳಿ ಹೈದ್ರು'. ಇದನ್ನು ಅವರು ಸಂಕಲನಕಾರ ಶ್ರೀಕಾಂತ್ ಜೊತೆ ಸೇರಿ, ನಿರ್ಮಿಸುತ್ತಿದ್ದಾರೆ.

ಈಗಾಗಲೇ ಲಕುಮಿ ಮೊದಲಾದ ಸೀರಿಯಲ್ ಗಳಿಗೆ ಶ್ರೀಕಾಂತ್ ಸಂಕಲನ ಮಾಡಿದ್ದಾರೆ. ಇದೂ ಕೂಡ ಕಾಮಿಡಿ ಕತೆ. ಇಷ್ಟು ದಿನ ಎಸ್ಸೆಸ್ಸೆಲ್ಸಿ.. ನಲ್ಲಿ ಪ್ಯಾಟೇ ಹೈಕಳ ಜೊತೆ ಕಾಮಿಡಿ ಕಮಾಲ್ ನಡೆಸುತ್ತಿದ್ದ ಆನಂದ್ ಅವರನ್ನು ಇನ್ನು ಮುಂದೆ "ವಿಲೇಜ್ ಅಕೌಂಟೆಂಟ್" ಎಂದು ತಮಾಷಿ ಮಾಡಬಹುದು!