ಮುಖಪುಟ

ಟಿವಿ

ಮಾಜಿ ಕ್ರಿಕೆಟಿಗ ನವಜೋತ್ ಸಿಂಗ್ ಸಿದ್ಧುಗೆ ಕಿರುತೆರೆಯಲ್ಲಿ ಭರ್ಜರಿ ಚಾನ್ಸ್ ಸಿಕ್ಕಿದೆ. ಕಲರ್ಸ್ ವಾಹಿನಿಯ ಬಿಗ್ ಬಾಸ್ ರಿಯಾಲಿಟಿ ಶೋನಲ್ಲಿ ಭಾಗವಹಿಸಲು ರು.5 ಕೋಟಿ ಆಫರ್ ನೀಡಿದ್ದಾರೆ. ಆಗಲ್ಲ ಎನ್ನಲಿಕ್ಕಾಗದ ಆಫರನ್ನು ಸಿದ್ಧು ಮುಂದಿಟ್ಟು ವಾಹಿನಿ ತಮಾಷೆ ನೋಡುತ್ತಿದೆ.

ಈ ಭರ್ಜರಿ ಆಫರ್‌ಗೆ ಸಿದ್ಧು ಎಸ್ ಎನ್ನಲೂ ನೋ ಎನ್ನಲೂ ಆಗದೆ ಮಧುರ ಯಾತನೆ ಅನುಭವಿಸುವಂತಾಗಿದೆ. ಒಂಥರಾ ವಿಚಿತ್ರ ಸಂಕಟಕ್ಕೆ ಸಿಲುಕಿ ಭಲ್ಲೆ ಭಲ್ಲೆ ಎಂದು ನರಳಾಡುತ್ತಿದ್ದಾರೆ ಸಿದ್ಧು. ಬಿಗ್ ಬಾಸ್5ರಲ್ಲಿ ಕೇವಲ ಕೆಲವೇ ಕೆಲವು ವಾರಗಳ ಕಾಲ ಕಾಣಿಸಿಕೊಳ್ಳಲಿಕ್ಕೆ ಈ ಪಾಟಿ ಹಣ ಕೊಡುತ್ತಿದ್ದಾರೆ ವಾಹಿನಿಯವರು.

ಈ ಹಿಂದೆ ಸ್ವತಃ ಸಿದ್ಧು ಅವರೇ ಬಿಗ್ ಬಾಸ್ 2ರಲ್ಲಿ ಭಾಗವಹಿಸಲು ಮುಂದೆ ಬಂದಿದ್ದರು. ಕೊನೆಕ್ಷಣದಲ್ಲಿ ಸಿದ್ಧು ತಿರಸ್ಕೃತರಾಗಿದ್ದರು. ಈ ಬಾರಿ ಸಿದ್ಧು ಅವರನ್ನೇ ಅದೃಷ್ಟ ಲಕ್ಷ್ಮಿ ಹುಡುಕಿಕೊಂಡು ಬಂದಿದೆ. ಆದರೆ ಈ ಸಿದ್ದು ಹೇಳಿಕೇಳಿ ಒಂಥರಾ ಕೇರ್‌ಲೆಸ್ ಮನುಷ್ಯ. ಕೊನೆಯ ಕ್ಷಣದಲ್ಲಿ ಏನಾಗುತ್ತದೋ ಗೊತ್ತಿಲ್ಲ. (ಏಜೆನ್ಸೀಸ್)