ಜೀ ಕನ್ನಡದಲ್ಲಿ ಮತ್ತೆ 'ಲಿಟ್ಲ್ ಚಾಂಪ್ಸ್' ಸ ರಿ ಗ ಮ ಪ

ಈಗಾಗಲೇ ಪೂರ್ವತಯಾರಿ ಶುರುವಾಗಿದ್ದು ಅತ್ಯಂತ ನವೀನ ಮಾದರಿಯಲ್ಲಿ ಸರಿಗಮಪ ಲಿಟ್ಲ್ ಚಾಂಪ್ಸ್ ರೂಪಿಸುತ್ತಿದ್ದೇವೆ. ಮೂಲೆ ಮೂಲೆಯ, ಗ್ರಾಮಾಂತರದ ಪುಟಾಣಿಗಳೂ ಭಾಗವಹಿಸಬೇಕು, ಪಾಲಕರು ಮಕ್ಕಳನ್ನು ಈ ಪ್ರತಿಭಾನ್ವೇಷಣೆ ಕಾರ್ಯಕ್ರಮಕ್ಕೆ ಸಜ್ಜುಗೊಳಿಸಬೇಕು ಎಂಬುದು ವಾಹಿನಿಯ ಆಶಯ. ಅಡಿಷನ್ಸ್ ದಿನಾಂಕಗಳ ಪಟ್ಟಿಯನ್ನು ಸದ್ಯದಲ್ಲೇ ಪ್ರಕಟಿಸಲಾಗುವುದು ಎಂದು ಜೀ ವಾಹಿನಿಯ ಎಕ್ಸಿಕ್ಯುಟಿವ್ ವೈಸ್ ಪ್ರೆಸಿಡೆಂಟ್ ಡಾ. ಗೌತಮ್ ಮಾಚಯ್ಯ ತಿಳಿಸಿದ್ದಾರೆ.

ಸ ರಿ ಗ ಮ ಪ ಲಿಟ್ಲ್ ಚಾಂಪ್ಸ್ ಈ ಹಿಂದಿನ ಆವೃತ್ತಿಗಳು ಅಭೂತಪೂರ್ವ ಯಶಸ್ಸು ಗಳಿಸಿದ್ದವು. ಅಲ್ಲಿ ಭಾಗವಹಿಸಿದ್ದ ಮಕ್ಕಳು ಇಂದಿಗೂ ಸರಿಗಮಪ ಪುಟಾಣಿಗಳೆಂದೇ ಗುರುತಿಸಲ್ಪಡುತ್ತಿದ್ದಾರೆ. ಇವರು ಈಗಾಗಲೇ ಚಿತ್ರರಂಗದಲ್ಲೂ ಹಿನ್ನೆಲೆ ಗಾಯಕರಾಗಿ ಹೆಸರು ಮಾಡುತ್ತಿದ್ದಾರೆ. (ಒನ್ ಇಂಡಿಯಾ ಕನ್ನಡ)