Click it and Unblock the Notifications
ರಾಧಿಕಾಗೆ ಬೇರೆ ಮದುವೆ; ಭಗ್ನವಾಯಿತೆ ಮನಸ್ಸು?
ತನ್ನ ಮದುವೆಯ ದಿನವೇ ಮಾಡೆಲಿಂಗ್ ಟೆಸ್ಟ್ ಇದೆ ಅಂತ ತಂಗಿಯನ್ನು ಹಸೆ ಮಣೆ ಮೇಲೆ ಕೂರಿಸಿ ಪರಾರಿಯಾದ ವಿಶಾಖಾ ಈಗ ಮರಳಿದ್ದಾಳೆ. ಆದರೆ ವಿಶಾಲ್ ಅವಳನ್ನು ಪತ್ನಿ ಎಂದು ಸ್ವೀಕರಿಸಲೇ ಇಲ್ಲ. ಮೊದಲೇ ನೋಡಿದ್ದ ರಾಧಿಕಾಳ ಗುಂಗಿನಲ್ಲೇ ಇದ್ದಾನೆ. ರಾಧಿಕಾ, ಈ ಮದುವೆಯಾಟದಲ್ಲಿ ಗೊಂಬೆಯಾದರೂ, ತಾಳಿ ಕಟ್ಟಿದ ವಿಶಾಲ್ ನಿಜವಾದ ಪತಿ ಎಂದು ಮನಸಾರೆ ಸ್ವೀಕರಿಸಿದ್ದಾಳೆ. ಆಡುವಂತಿಲ್ಲ; ಅನುಭವಿಸುವಂತಿಲ್ಲ. ಈ ವಿಷಯ ಗೊತ್ತಿರುವುದು ವಿಶಾಖಾ, ತಾಯಿ ದೇವಕಿ ಮತ್ತು ಅಜ್ಜಿಗೆ ಮಾತ್ರ.
ಮಿಕ್ಕವರೆಲ್ಲ ಸೇರಿ ರಾಧಿಕಾಳಿಗೆ ಇನ್ನೊಂದು ಮದುವೆ ಮಾಡಲು ಯೋಜಿಸಿದ್ದಾರೆ. ಒಪ್ಪಿಕೊಂಡ ವರ ಅರ್ಜೆಂಟ್ ಮದುವೆ ಮಾಡಿಕೊಡಲು ಕೇಳಿಕೊಳ್ಳುತ್ತಾನೆ. ಅಂತೆಯೇ ದೇವಸ್ಥಾನದಲ್ಲಿ ಮದುವೆಯ ಏರ್ಪಾಟು ಆಗಿಹೋಗುತ್ತದೆ. ಮತ್ತೆ ವಧುವಿನ ವೇಷ ಧರಿಸುವ ರಾಧಿಕಾ ಪರಪುರುಷನಿಗೆ ವರಮಾಲೆ ಹಾಕಲು ಒಪ್ಪದೇ ಮಂಟಪದಿಂದ ಹೊರನಡೆಯುತ್ತಾಳೆ. ಆದರೆ ಹಿರಿಯರು ಬಿಡಬೇಕಲ್ಲ! ರಾಧಿಕಾಳ ಈ ಮದುವೆ ನಡೆಯುತ್ತಾ? ಅನ್ನೋದು 'ರಾಧಾ ಕಲ್ಯಾಣ' ಧಾರಾವಾಹಿಯ ಸಧ್ಯದ ಕುತೂಹಲಕರ ಘಟ್ಟ. (ಒನ್ ಇಂಡಿಯಾ ಕನ್ನಡ)
Continue with Google