ಪೊಲೀಸ್ ದಾಳಿ: ವೇಶ್ಯಾವಾಟಿಕೆಯಿಂದ ಭೋಜ್ ಪುರಿ ನಟಿ ಪಾರು

ವಿಟಪುರುಷರಿಬ್ಬರೂ ಯುವತಿಯರನ್ನು ವೇಶ್ಯಾವಾಟಿಕೆಗೆ ಪ್ರಚೋದಿಸಿದ್ದರು. ಈ ಸಂಬಂಧ ಮೂವರನ್ನೂ ಬಂಧಿಸಲಾಗಿದೆ ಎಂದು ಇನ್ಸ್‌ಪೆಕ್ಟರ್ ಸುಹಾಸ್ ಗರುಡ ತಿಳಿಸಿದ್ದಾರೆ.

ವೇಶ್ಯಾವಾಟಿಕೆಯಿಂದ ಪಾರು ಮಾಡಲಾದ ಮೂವರು ಯುವತಿಯರು ಪದವೀಧರರು. ಉಳಿದವರು ವ್ಯಾಸಂಗವನ್ನು ಅರ್ಧಕ್ಕೆ ನಿಲ್ಲಿಸಿದವರು. ಒಬ್ಬ ಯುವತಿ ತಾನು ನಗರಕ್ಕೆ ಬರುವ ಮುನ್ನ ಭೋಜ್ ಪುರಿ ಟಿವಿ ಸೀರಿಯಲ್ ನಟಿ ಎಂದು ಪೊಲೀಸರಿಗೆ ಹೇಳಿದ್ದಾಳೆ.

ಉದ್ಯೋಗ ಅರಸಿ ಬಂದ ಈ ಯುವತಿಯರನ್ನು ಬಂಧಿತ ಆರೋಪಿಗಳು ವಂಚಿಸಿ, ವೇಶ್ಯಾವಾಟಿಕೆಗೆ ದೂಡಿದ್ದಾರೆ ಎಂದು ಆರೋಪಿಸಲಾಗಿದೆ. ಮೊದಲು ಈ ಯುವತಿಯರು ಮುಂಬೈ ಡ್ಯಾನ್ಸ್ ಬಾರ್ ಗಳಲ್ಲಿ ದುಡಿಯುತ್ತಿದ್ದರು. ಮುಂಬೈನಲ್ಲಿ ಬಾರ್ ಗಳೆಲ್ಲ ಬಂದ್ ಆದ ಮೇಲೆ ಆರೋಪಿಗಳು ಯುವತಿಯರನ್ನು ಪುಸಲಾಯಿಸಿ, ವೇಶ್ಯಾವಾಟಿಕೆಗೆ ತಳ್ಳಿದ್ದಾರೆ. ಕಲ್ಯಾಣಿನಗರದಲ್ಲಿರುವ ಸದರಿ ಲೋನಿ ಕಲ್ ಭೋರ್ ಲಾಡ್ಜ್ ನಲ್ಲಿ ಇವರೆಲ್ಲ ವೇಶ್ಯಾವಾಟಿಕೆಯಲ್ಲಿ ತೊಡಗಿದ್ದರು ಎಂದು ಇನ್ಸ್‌ಪೆಕ್ಟರ್ ಗರುಡ ತಿಳಿಸಿದ್ದಾರೆ.