ಸುವರ್ಣ ವಾಹಿನಿಯಲ್ಲಿ ಒಂದೇ ರೂಪ ಎರಡು ಗುಣ

ಈ ಕಾರ್ಯಕ್ರಮ ಈಗಾಗಲೆ ಮಲಯಾಳಂ ಏಷ್ಯಾನೆಟ್ ವಾಹಿನಿಯಲ್ಲಿ 'ಪಾರಿಜಾತಂ' ಎಂಬ ಹೆಸರಲ್ಲಿ ಪ್ರಸಾರವಾಗಿತ್ತು. ಅಕ್ಟೋಬರ್ 2008ರಲ್ಲಿ ಆರಂಭವಾದ ಈ ಕಾರ್ಯಕ್ರಮ 500 ಕಂತುಗಳನ್ನು ನಿರಾಯಾಸವಾಗಿ ಪೂರೈಸಿತ್ತು. ಈಗ ಅದೇ ಧಾರಾವಾಹಿ ಕನ್ನಡದಲ್ಲಿ ರೀಮೇಕ್ ಆಗಿದೆ.

ಹಿಂದಿಯಲ್ಲಿ ಹೇಮಮಾಲಿನಿ ಅಭಿನಯದ ಸೀತಾ ಔರ್ ಗೀತಾ, ಶ್ರೀದೇವಿ ನಟಿಸಿರುವ ಚಾಲ್‌ಬಾಜ್, ಕನ್ನಡದಲ್ಲಿ ಕನಸಿನ ರಾಣಿ ಮಾಲಾಶ್ರೀ ಅಭಿನಯದ ರಾಣಿ ಮಹಾರಾಣಿ , ಇವೆಲ್ಲಾ ಅವಳಿ ಅಕ್ಕ ತಂಗಿಯರ ಕಥೆ ಇದ್ದ ಭರ್ಜರಿ ಸಿನೆಮಾಗಳು, ಎಲ್ಲಾ ವರ್ಗದ ಪ್ರೇಕ್ಷಕರನ್ನು ರಂಜಿಸಿದ ಕಥೆಗಳು. ಈಗ ಅಂಥಾದ್ದೇ ರೋಚಕ ಕಥೆಯೇ ಪಾರಿಜಾತ.

ಆರತಿ ಮತ್ತು ಅರುಂಧತಿ ಅವರದು ರೂಪ ಒಂದೇ ಆದರೂ ಎರಡು ಗುಣ. ಆರತಿ ಸರಳ, ಮೃದುಧೋರಣೆಯ ಹುಡುಗಿ. ಆದರೆ ಅರುಂಧತಿ ಮಾತ್ರ ಇದಕ್ಕೆ ತದ್ವಿರುದ್ಧ. ಅರುಂಧತಿಗೆ ಸರಳವಾಗಿ ಮದುವೆಯಾಗಲು ಇಷ್ಟ. ಆದರೆ ಆರತಿಗೆ ಸಿರಿವಂತ ಹುಡುಗನೇ ಬೇಕು. ಐಶಾರಾಮಿ ಜೀವನ ನಡೆಸಬೇಕು ಎಂಬ ಕನಸು. ಪಾರಿಜಾತ ನೋಡಿ ಆನಂದಿಸಿ. (ಒನ್‌ಇಂಡಿಯಾ ಕನ್ನಡ)