ಕರಿಬಸವಯ್ಯ 'ದೇವಲಿಂಗಯ್ಯ' ಪಾತ್ರಕ್ಕೆ ಗೌತಮ್

ತಮ್ಮ ನಟನಾ ಕೌಶಲ್ಯದಿಂದ ಕರಿಬಸವಯ್ಯನವರು ಎಲ್ಲರ ಮೆಚ್ಚುಗೆ ಗಳಿಸಿದ್ದರು. 'ದೇವಲಿಂಗಯ್ಯ'ನಾಗಿ ಪರಕಾಯ ಪ್ರವೇಶ ಮಾಡಿದ್ದರು. ಆದರೆ ಅವರ ಕಣ್ಮರೆಯೊಂದಿಗೆ ಈ ಪಾತ್ರವೂ ಎಲ್ಲಿ ಕಾಣೆಯಾಗುತ್ತದೋ ಎಂದು ಸುವರ್ಣ ವಾಹಿನಿ ವೀಕ್ಷಕರು ಆತಂಕಕ್ಕೀಡಾಗಿದ್ದರು. ಆದರೆ ಚಿತ್ರದ ನಿರ್ಮಾಪಕ ಮಿಲನ ಪ್ರಕಾಶ್ ಆ ಪಾತ್ರಕ್ಕೆ ಮರುಜೀವ ಕೊಟ್ಟಿದ್ದಾರೆ.

ದೇವಲಿಂಗಯ್ಯ ಪಾತ್ರಕ್ಕೆ ರಂಗಭೂಮಿ ಕಲಾವಿದ ಗೌತಮ್ ಅವರನ್ನು ಕರೆತಂದಿದ್ದಾರೆ. ಇನ್ನು ಮುಂದೆಯೂ ದೇವಲಿಂಗಯ್ಯ ಪಾತ್ರ ಮುಂದುವರಿಯಲಿದೆ. 'ಲಕುಮಿ' ಧಾರಾವಾಹಿ ಈಗಾಗಲೆ 454 ಸಂಚಿಕೆಗಳನ್ನು ಪೂರೈಸಿದೆ. ಶುಕ್ರವಾರ (ಫೆ.10) ರಾತ್ರಿ 9.30ಕ್ಕೆ ಸುವರ್ಣ ವಾಹಿನಿಯಲ್ಲಿ ಧಾರಾವಾಹಿಯನ್ನು ಕಣ್ತುಂಬಿಕೊಳ್ಳಬಹುದು. (ಒನ್‌ಇಂಡಿಯಾ ಕನ್ನಡ)