ಮಕ್ಕಳ ದಾರಿತಪ್ಪಿಸುತ್ತಿರುವ ಜಾಹೀರಾತಿಗೆ ಬ್ರೇಕ್ ಹಾಕಿ

ನೇತಾಡುರಾಮ (ಲಟಕೆ ರಾಮ್) ಜಾಹೀರಾತು ಟಿವಿಯಲ್ಲಿ ಪ್ರತಿನಿತ್ಯ ಪ್ರಸಾರವಾಗುತ್ತದೆ. ಈ ಜಾಹೀರಾತಿನ ಪ್ರಕಾರ ಮಕ್ಕಳು ವ್ಯಾಯಾಮ ಮಾಡಬೇಕಾಗಿಲ್ಲವಂತೆ. ಆದರೆ ಮಕ್ಕಳ ಮಾನಸಿಕ ಹಾಗೂ ದೈಹಿಕ ಬೆಳವಣಿಗೆಗೆ ವ್ಯಾಯಾಮ ಬೇಕುಬೇಕು. ಆದರೆ ಈ ರೀತಿಯ ಜಾಹೀರಾತುಗಳಿಂದ ಮಕ್ಕಳು ಬಹಳ ಬೇಗ ಮೋಸ ಹೋಗುವ ಸಾಧ್ಯತೆಗಳಿವೆ.

ಹಾಗೆಯೇ ಮತ್ತೊಂದು ಜಾಹೀರಾತಿನಲ್ಲಿ ಮಕ್ಕಳು ಬೇಕೆಂದೆ ಪ್ಯಾಂಟನ್ನು ಜಾರಿಸಿ ಕೆಸರಲ್ಲಿ ಕುಣಿಯುತ್ತಾರೆ. ಟೀಚರ್ ಗದರಿದಾಗ ಫ್ರಾಗ್ ಜಂಪ್ ಪ್ರಾಕ್ಟೀಸ್ ಮಾಡುತ್ತಿರುವುದಾಗಿ ಟೀಚರನ್ನೇ ಯಾಮಾರಿಸುತ್ತಾರೆ. ಈ ರೀತಿಯ ಜಾಹೀರಾತುಗಳು ಮಕ್ಕಳು ಸುಳ್ಳು ಹೇಳುವುದನ್ನು ಪ್ರೇರೇಪಿಸುವುದಿಲ್ಲವೇ?

ಈ ರೀತಿಯ ಜಾಹೀರಾತುಗಳಿಂದ ಮಕ್ಕಳು ಬಲುಬೇಗ ಸುಳ್ಳು ಹೇಳುವುದನ್ನು ಕಲಿತುಕೊಳ್ಳು ಸಾಧ್ಯತೆಗಳಿವೆ. ಹಾಗೆಯೇ ತಪ್ಪು ತಪ್ಪು ಸಂದೇಶಗಳನ್ನು ರವಾನಿಸುತ್ತಿವೆ. ಮಕ್ಕಳ ಮನೋವೈಜ್ಞಾನಿಕ ದೃಷ್ಟಿಯಿಂದ ಇಂತಹ ಜಾಹೀರಾತುಗಳಿವೆ ಕಡಿವಾಣ ಹಾಕಬೇಕಾಗಿದೆ. ಜಾಹೀರಾತುಗಳಿಗೆ ಸೆನ್ಸಾರ್ ಬೇಕಲ್ಲವೆ? ಏನಂತೀರಾ?