ಒಬಾಮಾಗೆ ಅಸಭ್ಯವಾಗಿ ಬೆರಳು ತೋರಿದ ನ್ಯೂಸ್ ರೀಡರ್

ಖಾಸಗಿ ಒಡೆತನದ REN TV channelನಲ್ಲಿ ಇತ್ತೀಚೆಗೆ ಮಧ್ಯಾಹ್ನನದ ವೇಳೆ ನ್ಯೂಸ್ ಬಿತ್ತರವಾಗುತ್ತಿತ್ತು. ಈ ಕಾರ್ಯಕ್ರಮವನ್ನು ರಷ್ಯಾ ಮತ್ತು ಅಮೆರಿಕದಲ್ಲಿ ಬಹಳಷ್ಟು ಜನ ವೀಕ್ಷಿಸುತ್ತಾರೆ.

ಆದರೆ ಅನೇಕ ಪ್ರಶಸ್ತಿ ವಿಜೇತೆ ತಾತ್ಯಾನಾ ಲಿಮನೋವಾ ರಷ್ಯಾ ಅಧ್ಯಕ್ಷ ಡಿಮಿಟ್ರಿ ಮೆಡ್ವೆಡೆವ್ ಅವರು ಏಷ್ಯಾ ಪೆಸಿಫಿಕ್ ಸಹಕಾರ ಒಕ್ಕೂಟದ ಅಧ್ಯಕ್ಷ ಸ್ಥಾನ ವಹಿಸಿಕೊಂಡ ಬಗ್ಗೆ ಸುದ್ದಿ ಹೇಳುತ್ತಾ, ಈ ಹಿಂದೆ ಬರಾಕ್ ಒಬಾಮಾ ಆ ಸ್ಥಾನವನ್ನು ಅಲಂಕರಿಸಿದ್ದರು ಎಂದು ಹೇಳುತ್ತಿರುವಾಗ ಅಚಾನಕ್ಕಾಗಿ ಎಡಗೈ ಅನ್ನು ಮೇಲಕ್ಕೆತ್ತಿ, ಮಧ್ಯದ ಬೆರಳನ್ನು ತೋರಿಸುವುದು ಸ್ಪಷ್ಟವಾಗಿ ಕಾಣಿಸುತ್ತದೆ.

ಇದೇ ಈಗ ವಿವಾವದ ಕೇಂದ್ರ ಬಿಂದುವಾಗಿರುವುದು. ಇದು ನಿಂದನಾತ್ಮಕವಾಗಿದೆ ಎಂದು ಸದರಿ ಮಹಿಳಾ ನ್ಯೂಸ್ ರೀಡರ್ ವಿರುದ್ಧ ಎಲ್ಲ ಅಮೆರಿಕನ್ನರು ತೋರುಬೆರಳು ತೋರುತ್ತಿದ್ದಾರೆ.