ವೇಶ್ಯಾವಾಟಿಕೆ: ಮರಾಠಿ ನಟಿ ಸಹಿತ ಯುವತಿಯರ ಸೆರೆ

ಕಳೆದ ನಾಲ್ಕು ವರ್ಷಗಳಿಂದ ಪುಣೆಯಲ್ಲಿ ಮನೆ ಮಾಡಿಕೊಂಡಿದ್ದ ಈ ನಟಿ ಪ್ರತಿಷ್ಠಿತ ವ್ಯಕ್ತಿಗಳನ್ನು ಭೇಟಿ ಮಾಡಿ ಸೆಕ್ಸ್ ಬಲೆಗೆ ಬೀಳಿಸಿಕೊಳ್ಳುತ್ತಿದ್ದಳು. ನಂತರ ಅವರಿಗೆ ಪ್ರತಿಷ್ಠಿತ ಕೋಂಡ್ವಾ ಕಾಲನಿಯಲ್ಲಿ ವೇಶ್ಯಾವಾಟಿಕೆಯಲ್ಲಿ ತರುಣಿಯರಿಂದ ಸೇವೆ ಒದಗಿಸುತ್ತಿದ್ದಳು ಎಂದು ಸಹಾಯಕ ಪೊಲೀಸ್ ಇನ್ಸ್‌ಪೆಕ್ಟರ್ ವಿಮಲ್ ಬಿಡ್ವೆ ಹೇಳಿದ್ದಾರೆ.

ಪೊಲೀಸರು ಮಾರುವೇಶದಲ್ಲಿ ಗಿರಾಕಿಯಾಗಿ ಹೋಗಿ ರೆಡ್ ಹ್ಯಾಂಡ್ ಆಗಿ ಇವರ ಕಾರ್ಯಾಚರಣೆಯನ್ನು ಪತ್ತೆಹಚ್ಚಿದ್ದಾರೆ. ನವೆಂಬರ್ 19ರಂದು ಪುಣೆ ಪೊಲೀಸರು ಇದೇ ರೀತಿ ಕಾರ್ಯಾಚರಣೆ ನಡೆಸಿ, ಪಂಚತಾರಾ ಹೋಟೆಲಿನಲ್ಲಿ ವೇಶ್ಯಾವಾಟಿಕೆ ನಡೆಯುತ್ತಿದ್ದ ಟಿವಿ ನಟಿಯನ್ನು ಬಂಧಿಸಿದ್ದರು.