ಚೀನಾದಲ್ಲಿ ಜೀ ಟಿವಿ ಸಿರಿಯಲ್ ಗಳ ಹುಚ್ಚು

ಚೀನಾದ ಸ್ಟಾರ್ ಹೋಟೆಲ್ ಗಳಲ್ಲಿ ಇನ್ಮುಂದೆ ಭಾರತದಲ್ಲಿ ಜನಪ್ರಿಯ ಧಾರಾವಾಹಿಗಳು ರಾರಾಜಿಸಲಿದೆ. ಈಗಾಗಲೇ ಕೆಲ ಧಾರಾವಾಹಿಗಳನ್ನು ಭಾಷಾಂತರ ಮಾಡಿಕೊಂಡು ನೋಡಿರುವ ಚೀನಿಯರು ಮನಸೋತಿದ್ದಾರೆ.

ಭಾರತದ ಸಂಸ್ಕೃತಿಯನ್ನು ಬಿಂಬಿಸುವ ಕಾರ್ಯಕ್ರಮಗಳನ್ನು ಹೆಚ್ಚೆಚ್ಚು ಚೀನಾ ಕಡೆಗೆ ಹರಿಸುವುದಾಗಿ ಜೀ ಟಿವಿ ಹೇಳಿದೆ.

ಸ್ಥಳೀಯ ಏಜೆಂಟ್ ಸಿಟಿವಿ-ಎಸ್ ಟಿವಿಪಿ ಜೊತೆ ಮಾತುಕತೆ ನಡೆಸಿರುವ ಜೀ ಟಿವಿ ಏಷ್ಯಾ ಫೆಸಿಫಿಕ್ ಚಾನೆಲ್, ಎಲ್ಲಾ ಸ್ಟಾರ್ ಹೋಟೆಲ್ ಗಳಲ್ಲಿ ಪ್ರಸಾರಕ್ಕೆ ಅನುಮತಿ ಪಡೆಯುವ ಸಾಧ್ಯತೆಯಿದೆ.

ಪ್ರೈಂ ಟೈಮ್ ಕಾಮಿಡಿ, ಬಾಲಿವುಡ್ ಸಿನಿಮಾ, ಕಿರುಧಾರಾವಾಹಿ, ಮಕ್ಕಳ ಕಾರ್ಯಕ್ರಮ, ಗೇಮ್ ಶೋ, ಕ್ರೈಂ ಸರಣಿ, ಮರಾಠಿ ಕಾರ್ಯಕ್ರಮಗಳನ್ನು ಕೂಡಾ ಚೀನಿಯರಿಗೆ ಪರಿಚಯಿಸಲು ಜೀ ಟಿವಿ ತುದಿಗಾಲಲ್ಲಿ ನಿಂತಿದೆ. ಚೀನಿಯರು ಜೀ ಟಿವಿ ಮೆಚ್ಚುತ್ತಾರೋ ಇಲ್ಲವೋ ಕಾದು ನೋಡೋಣ...