ಮನೆಯೊಂದು 'ಸಾವಿರ ಬಾಗಿಲು' ಧಾರಾವಾಹಿ

ಈ ಟಿವಿಯಲ್ಲಿ ಪ್ರಸಾರವಾಗುತ್ತಿರುವ ಧಾರಾವಾಹಿ 'ಮನೆಯೊಂದು ಮೂರು ಬಾಗಿಲು' ಅಮೋಘ 2000 ಸಂಚಿಕೆಗಳನ್ನು ದಾಟಿ 'ಗಿನ್ನೀಸ್' ದಾಖಲೆಯತ್ತ ಸಾಗುತ್ತಿದೆ. ದಾಖಲೆ ನಿರ್ಮಿಸಿದರೆ ಸಂತೋಷದ ವಿಷಯ. ಆದರೆ ಧಾರಾವಾಹಿ ಈಗಲೇ ಕತೆಯಿಂದ ಕಳಚಿಕೊಂಡಿದೆ. ಪಾತ್ರಗಳು ದಾರವಿಲ್ಲದ ಗಾಳಿಪಟಗಳಾಗಿವೆ.

ಎತ್ತೆತ್ತಲೋ ಸಾಗುತ್ತಿರುವ ಕಥೆ, ಮನೆಯೊಂದಕ್ಕೆ ಮೂರು ಬಾಗಿಲು ಎಂಬ ಶೀರ್ಷಿಕೆಯ ವಿರುದ್ಧ ಸಾವಿರಾರು ಬಾಗಿಲು ಎಂಬಂತಾಗಿತ್ತು. ಇದೀಗ ಎಲ್ಲವೂ ಬಾಗಿಲೇ ಆಗಿರುವ ಮನೆಯಂತಾಗಿದೆ! ಅನಾವಶ್ಯಕ ಎಳೆದಾಡುತ್ತಿರುವ ಕಥೆಯನ್ನು ನಿರ್ದೇಶಕ ಸಕ್ರೇಬೈಲು ಅವರು ಒಂದು ಹಳಿಗೆ ತಂದು ನಿಲ್ಲಿಸಬೇಕಾಗಿದೆ.

ಉದಯ ಟಿವಿಯ 'ಮಾಂಗಲ್ಯ' ಧಾರಾವಾಹಿಯ ದಾಖಲೆಯನ್ನು ಮುರಿಯಬೇಕೇಂಬ ಹಠಕ್ಕೇ ಈ ಧಾರಾವಾಹಿ ಇನ್ನೂ ಪ್ರಸಾರವಾಗುತ್ತಿದೆ ಎಂಬ ಮಾತು ವೀಕ್ಷಕರ ವಲಯದಲ್ಲಿ ಕೇಳಿಬರುತ್ತಿದೆ. ಟಿಆರ್ ಪಿ ಇದ್ದರೂ ಸನ್ ಟಿವಿಯಲ್ಲಿ ಬರುತ್ತಿದ್ದ 'ಮಗಳ್' ಧಾರಾವಾಹಿಯನ್ನು ಚೊಕ್ಕಟವಾಗಿ ಮುಗಿಸಿ ಮಂಗಳಹಾಡಿದ್ದು ಈ ಟಿವಿ ಕನ್ನಡಕ್ಕೆ ಗೊತ್ತಾಗಿಲ್ಲ ಅನ್ನುವಂತಾಗಿದೆ. (ಒನ್ ಇಂಡಿಯಾ ಕನ್ನಡ)